السلام عليكم ورحمه الله وبركاته
بصرآحه من كثره الكلام الواحد صار يشوف كل شيء إشاعه
المهم انه ماينصدم
لكن الصدمه القويه لما الشخص بنفسه يروح ويتأكد
انا الله يسلمكم توجهت لوزاره الخدمه المدنيه قبل اشوي وللأسف ماعندهم دوام
الأبواب مقفله..!
توجهت من بعدها الى اداره التربيه والتعليم
دخلت وسلمت وطبعا مبسوطين سوالف ولا عندهم شيء..!
شفت وحده توها بتطلع مسكتني وإسألتني قالت وش بغيتي؟؟
قلت لو سمحتي وين المسؤوله عندكم..؟
قالت آمري..؟
قلت انا جايه استفسر عن شغله وربي من كثر ماسمعت كلام
قلت اجي بنفسي وأتأكد أكثر علشان اظبط تسجيلي وأنا مو عارفه وش أكتب
حيروووووووووني كلن يقول لي كلام غير..!
قلت تفضلي هاذي الوثيقه سألتها قلت ياترى هل انا تربويه ام لا..؟
علمـآ بأني متخرجه من كليه التربيه الأدبيه بالأحساء ( إنتساب ) <<
ناس يقولون لي انتي تربويه لآنك متخرجه من كليه التربيه
وناس تقول لا غير تربويه لآنك انتساب ياليت تقولين لي وش احنا عليه؟؟؟؟؟؟؟
طبعا هم ثنتين قاموا يتناقشون.. قالوا لي خريجات كليه التربيه تربويات
بس لآنك انتساب فإنتي غير تربويه!
قلت لحظه..! وليش غير تربويه؟؟
ردت علي : لآنكم ماتطبقون بالمدارس قلت عفوا اختي
النظام تغير واحنا ندرس المواد التربويه وطبقنا بالمدارس..!<
كيف يعني؟؟ طبعا ضاعت افكارها اشوي يوم قلت كذا
قالت خذيهـــآ مني
الإنتساب لآيوجد لهم وظائف في وزاره الخدمه المدنيه..!
يعني سواء انتي تربويه ام غير تربويه مالهم وظائف
يعني وش تستفيدين لو حطيتي تربوي؟
جميع اللي تم ترشيحهم من المنتسبات يتم الغاء إسمها وتستبعد مباشره..!
سواء تربويه ام غير تربويه مايهم..!
قلت طيب ليش جايكم خطاب ولا شيء..؟
قالت نعم فيه خطاب موجود في وزاره الخدمه المدنيه اذا رحتي لهم إسأليهم
وراح يقولون لك نفس كلامي هذا بالظبط
الخريجين عن طريق الانتساب مااااااااااااااااالهم وظائف بوزاره الخدمه
قلت طيب وش الحل قالت مالنا شغل كل هالأشياء عند وزاره الخدمه
وتقدرين تروحين وتشوفين بنفسك خلاص منتسبه مالك وظيفه
’’
المهم سألتها طيب وش صار على الدفعات..؟ كم دفعه باقي
قالت الله اعلم والله ماوصلنا اي شيء
بس مافيه اي دفعه قبل العيد راح يتوقفون عن نزول الأسماء بهالفتره
بعد العيد ان شاء الله
طلعت وانا مقهووووووووووووووره
أعتقد هاذي أقوى صدمه
ولحد يقول لكم وظائف اداريه
قالت مااااااااالكم وظائف يعني انسوا سالفه الترشيح ولا تتأملون وبعدين تتحطون
والسموحه اذا كدرتكم بهالخبر
لكن شيء سمعته بنفسي مستحيل أكذبه لو احد غيري كان قلت اشاعه
والسموحه ع القصور
والاخت زينات بعد من فتره راحت ونفس الكلام قالوا لها اللي قالوا لي
دعواتكم لأختكم بطوله بالتوفيق
بطاليه حدي @btalyh_hdy
عضوة نشيطة
يلزم عليك تسجيل الدخول أولًا لكتابة تعليق.
الحجازيه999
•
الله يوفقك ويرزقك وييسر امرك
اختي سنتين يطلع اسمها ويستبعدونها والسبب انها انتساب يقلون انها غير تربويه بالرغم من انها طبقت سنه كامله
وراحت اخذت دبلوم تربوي وجاها الفرج من الله ثبتت واغناها الله عن الترشيح والمطابقة وشروطهم
وراحت اخذت دبلوم تربوي وجاها الفرج من الله ثبتت واغناها الله عن الترشيح والمطابقة وشروطهم
اختي سنتين يطلع اسمها ويستبعدونها والسبب انها انتساب يقلون انها غير تربويه بالرغم من انها طبقت سنه كامله وراحت اخذت دبلوم تربوي وجاها الفرج من الله ثبتت واغناها الله عن الترشيح والمطابقة وشروطهماختي سنتين يطلع اسمها ويستبعدونها والسبب انها انتساب يقلون انها غير تربويه بالرغم من انها طبقت...
ماشاء الله الله يوفقها
طيب قولي لي من وين متخرجه اختك.؟ وكم سنه لها عاطله
وكيف ثبتوها يعني كانت تعاقد ولا كيف؟
وجزاك الله خير ياليت تفيديني
طيب قولي لي من وين متخرجه اختك.؟ وكم سنه لها عاطله
وكيف ثبتوها يعني كانت تعاقد ولا كيف؟
وجزاك الله خير ياليت تفيديني
الصفحة الأخيرة