بسم الله الرحمن الرحيم
اول شي اشكركم يبنات على ردودكم امس يعلم الله اني ماكتبت الموضوع الا بعد ماحسيت اني بمرض من كثر همي ولا عندي حد استشيره واخذ برايه امي متوفيه وخواتي اعمارنا قريبه من بعض يعني ماعندهم خبره وماقدر اكلم خلاتي ولا حد زي كذا بيفضحوني وبيكبرون السالفه .
اللي حصل ثاني يوم الصبح لقيت عمتي ام زوجي طالعتلي شقتي مع العلم انه عمتي مريضه وماتقدر تمشي كثير وعجوز مره وماعندها بنت وهي عادتني بدل بنتها وتقعد تقلهم البنت هذي غلاتها من غلاتي وعزها من عزي اللي يزعلها يزعلني واللي يضايقها يضايقني جتني لين شقتي متضايقه وتعتذر وتقلي ولدي خليه علي انا اجيبلك حقك منه بس انت لاتعلمين ابوك لاتخلينه يتدخل وتقلي كنت ابيكي تسكتين بالمره وانا اتكلم عنك قلت لها لالالالالا كل مره اسكت وانت اللي تدخلين تاليتها على بالهم اني خوافه واوكلك بدالي تتكلمين عني بعدين انت تكلمين ولدك وولدك يكلم زوجته هههههههه يعني راحت علي ضحكت باستهتار قامت زعلت وقالت لولدها احجزلي ابي اسافر انا موب قادره اقعد هي عمتي من منطقه ثانيه برا الرياض فتبي تروح عند اهلها قلتلها لا حرام عليكي تركبيني الغلط بعد اجل بروح اكمل عليهم انا سكتلهم عشانك ولا كنت ناويه اسوي اكثر من كذا المهم قالتلي انها جويعه تبي اكل عشان علاجها لاني مثل ماذكرت عجوز كبيره ماتقدر عالحركه والروحه والجيه وتقلي انا ماقدر امشي وطلعت الدرج بالعاني عشان خاطرك بس وانت ترديني وتقلي يعني عشان زعلتي من ولدي بترميني وبتقاطعيني ( هي قصدها انك ماراح تهتمين فيني وبعلاجي ) قلت لها لا انت امي ومالك خص باللي صار بس ابيكي تتركيني انا عليهم قالت لا المهم طول اليوم وانا بشقتي ماطلعت بس كنت مره ميته من القهر وطول امس ودموعي على خدي وجسمي يرتعش من الحره اللي فيني كل شوي زوجي يطلعلي ويهديني ويقلي خلاص حقك بجيبه اتركيني اتصرف واقله موب قادره ابي امشي من هالبيت .
المهم ماقدرت امسك اعصابي رحت دزيت لابوي رساله قلتله كلمني ضروري يبه ابيك ضروري لاتتأخر علي لانه جوالي مايدق دولي وللاسف لاجل الحظ ولدي الصغير سرق الموبايل وانحاش فيه عند زوجي واخوه ماقدرت اصيده ويوم يتصل ابوي الا التلفون عند زوجي يوم شاف رقم ابوي شكله عرف وراح رد عليه وكلمه ابوي يقله وش فيكم دازينلي رساله كلمني خير في شي طمني قاله لا بس مشتاقينلكم وهي نفسيتها تعبانه تبي تسافرلكم وحنا نبيها تقعد معنا وقعد يمدح فيني عند ابوي واني غاليه واني مالي االا اللي يرضيني وانه لي معزة عندهم وقال لابوي اقفل الخط وانا بوديلها التلفون شقتها وبندق عليك
جاني زوجي قالي شوفي انا ماغصبك هذا تلفوني بايدك ورقم ابوكي فيه دقي عليه وعلميه باللي تبين لكن انا اقلك ان كان لي خاط عندك عشان خاطري وحط ايده على دقنه ويقلي عشان ذي يعني عشان خاطري خليني انا اتصرف بتروحين لابوك وبتتشرطين ابشري شروطك تجيكي وانت عندي معززة مكرمه ارجوك عشاني تراها ان طاحت بتطيح براسي لقيت ابوي يدق وانا كنت منهاره ميته من الصياح وابوي على نياته يقلي عيب عليك اللي تسوينه قاعده تبكين ومسويه سالفه عشان السفر انا موب كذا ربيتك لاتنكدين على زوجك تراه مايستاهل واا اقول فخاطري ياليتك تدري باللي فيني
عاد باللي متأخر الساعه 12 ونص لقيت عمتي تدق علي وتقلي ماعندي حد يابنتي انزلي المهم يوم نزلت قعدت امزح والعب مع عيالي نسوني الجو اللي كنت فيه شوي على بالها اني خلاص طيحت الحطب رحت رديت عبست مره ثانيه تخيلو تقلي مايكفيك انه يقول انا غلطان قلت لا مايكفيني وجا زوجي يقلي انت من امس الين الحين قلت له والين بكره ابوي ماينسب وينقال عنه حرامي ليش انه من جنسيه ثانيه واسكت موب اخذ على وجهي بالنعال واسكت وعليت صوتي وامه تسمع قلت علمن يوصلكم ومايتعداكم لا يوقف بوجوهكم هالمره انا سكت والا اقسم بالله كنت ناويه ادق عالشرطه وادق عالسفاره اقلهم مبهدليني كاسرين علي الباب ويجون يشوفون بعيونهم هالمره عديتها عشانك وعشان امك مره ثانيه ماراح انتظر توصل هالمواصيل لا لو قل ادبه علي بشوي حتى راح اتصل عالشرطه واربيه انا كنت بدزله رساله اسمه فيها بس عشان خاطرك يعمتي لانه ولدك انا بسكت بس راح اوقفلهم عالوحده
قالت هو يبي يعتذرلك قلت يخسى يلمح طيفي يعود وراه ولا يسمع صوتي ولايلمحني وانت يازوجي لو هالشي تكرر مره ثانيه وبشكل اقل لا تحلم تلمس شعره من راسي واتركني للي يعزني بس السفر انا ماتنازل عنه مسافره يعني مسافر وحقي يجني هذا ماتنازل عنه
قامت عمتي تبكي بدموع وتقلي خلاص يبنتي حقك على روسنا من فوق خلاص ياحبيبتي خلاص وانا امك حقك علينا ولدنا غلط ويعلم الله ماسكتنا له وزوجي يقلي حقك على راسنا كلنا خلاص تكفين يابنت الناس قلت اخوك يحط وجهي بوجهي واسكت لا تصير عيب في حقيي انا ماني بنت شوارع ولا بنت حرام شرفي يعز علي وهو يلمسني يمد ايده علي يشككني باخلاقه هالمنحرف
انا بذكر رد زوجي على اخو بشكل منفصل للتوضيح لانه كل البنات يقولون وين زوجك من اللي حصل وهالشي ماعرفته الا الفجر لانه نفسيتي كانت تعبانه وماكنت قادره اسمعه
زوجي نزله وهاوشه قاله روح احلق شنبك لانه على حرمه موب على رجال اللي يمد يده على حرمه حرمه مثلها واللي يتدخل بين الحريم حرمه مثلهم وسمه بالكلام خلاه ترك البيت ومشى وقاله لو مره ثانيه هالشي تكرر تأكد اني بصفي دمك ماتمد ايدك على حرمتي وتلمسها انا موب (...) وقام اخوه يعتذر وقاله خلاص نعال زوجتك على راسي زوجي قاله وعلى راس زوجتك من قبلك قاله ايه نعم ظفر زوجتك براس زوجتي هي ماقصرت لامعي ولا مع امي ولا حتى مع زوجتي بس لحظه شيطان وحقكم علي شوف حرمتك وش يرضيها وانا حاضر تجي واعتذرلها
زوجي من البدايه ليش يسكت لانه امه تقله انا بتصرف انا بتصرف وامه منحازه لاخوه كثير لانه اقوى منا ماديا وحتى جسديا هو دب ومليان زوجي انحف منه ولما زوجي بيتكلم امه تنقلب عليه وتنكد عليه وهو مايبي يغضبها ولا ساعات توصل بينهم للسب بينه وبين امه وانا بعد هالشي مايرضيني لانه مايرضي رب العالمين بس يوم يتهاوش هو وامه انا اكون برا الموضوع اتمنى تكونو فهمتو
بس اللي حرقني من شوي لقيت عمتي تسولف مع سلفتي ولا كن شي صار
الحين انتو وش رايكم اكتفي بكذا واقعد وانتظر اللي يقولون بيسونه بس هم متعودين مني ارضى بسرعه لاني ماحب اجر في المشاكل بس ناويه هالمره احسسهم اني خاطري غالي عشان لايتعودونها
ولا اروح لابوي وسو اللي بتسووونه وانا عند ابوي وهل لو سافرت اعلمله ولا اسكت
انا افكر اني اقول لابوي واقله بس يبه قرصه اذن قله هالمره بسكت عشان بنتي لكن المره الجايه بسوي وبفعل ويتشرط عليهم؟؟؟؟؟؟؟؟؟؟؟؟؟؟؟؟
من قبل كانت امه تعاملني زي ريا وسكينه واكتشفت انه ولدها كان يحرضها على كذا بعدين نصرني ربي بعد الدعاء والصلاه وقدرت اوضحلها انها غلطانه هم من الاول مايبوني لاني اجنبيه بس امه قالتلي انا مايهمني اهم شي الاخلاق بس مامداني ابين لهم طيب اصلي ولدها كان يحفرلي ويطيحني وساعات والله من كيفه يألف ويخليها تعصب علي وتقلب الدنيا بس مايصح الا الصحيح وقدرت بفضل الله اثبت لها وش انا ووش اخلاقي الين صارت تقولي انت اعز علي من بنتي بس مشكلتي معها ماتجيب حقي باللي يبرد قلبي لا هي بس اخرها تقلهم انتو غلطانين واللي سويتوه غلط بس ماتحط حد عرفتي وهي طيبه وحنونه بس ولدها من قبل كان لاعب براسها بقووووووووة واي شي اسويه الاقيه يقلها لاتصدقينها يمه من وراها بلا وهي ترا قصدها كذا وكذا ومره بلسانه طاح قدامي قال عشان لين جات زوجتي تصير هي الكل بالكل ومناسبه هالكلام انه اقترح علي اسوي شي والله ناسيته وكانت فكرته طيبه بعدين قال ولا اقلك لالالا لاتسوين لين جات زوجتي تسوي عشان تصير هي الكل بالكل وامه موب عايشه معنا برا الرياض بس تيجي مثلا تقعد عندنا 6 شهور 7شهور وساعات سنه وتغيب سنه
وانا اللي افكر فيه اني اروح لابوي واقله عمتي وزوجي ماقصرو بس مارد الا لبيت بلحالي واخليه يقلهم لولا انكم خذيتو موقف ولا كنت بسوي وبفعل
الدنيا غيرتني @aldnya_ghyrtny
عضوة فعالة
يلزم عليك تسجيل الدخول أولًا لكتابة تعليق.
الله يعينك
اشرطي بيت لحالك واذا مابيوافقون روحي لابوك
والله البنت عزها عند ابوها الله يحفظهم
اشرطي بيت لحالك واذا مابيوافقون روحي لابوك
والله البنت عزها عند ابوها الله يحفظهم
لا تعدينه علي الاخو وزوجته طووووول حياتك لا تسلمين ولا تكلمين معاهم اسفهيهم وعمتك وزوجك ما قصروا اوقفوا معالك بس حاليا انتي طنشي من داخلك بس قدام الكل لا تكلمين ولا تضحكين وروحي عند اهلك بس كذا غيري جو ولا تقولين أبوك شي دام زوجك بياخذ حقك بس مستقبلا غيري شخصيتك مع الكل خليك رسميه ولا تبالغين لطيبتك لاحد لان محد يستاهل
الصفحة الأخيرة
بس طالما عمتك بكت قدامك وهي مريضه وكبيرة سن وزوجكك بعد ماقصر معهمم
عدددي الموضووع