الله يسلمك ياقلبي
صادقه والله بالنسبه للمنتدى
انا شخصيا تعلمت منه اشياء روعه
سواء طبخ اومكياج اوطرق تعطير البيت والملابس وغيره
وحبيت اذكرك بشي مهم
اذا بتسافرين مباشره شهر العسل تكون شنطه السفر جاهزه ومسكره قبل العرس وتودينها لبيتك
عشان ترتاحين منها
والله يوفقك ويسعدك يارب

موضوع مفيد

و شكوريين على اتاحه هاذا الموضوع

بالنسبة لي

عندنا فيف الامارت نحب كثير الجلابات المطرزه و تكلف كثير
وممكن تظل معاية لفترة طويلة حتى لو تغير الجسم او في حمل

المهم

سويت كمية من الجلابات المطرزة بالتطريز الحفيف للبيت تقريبا 10

و مجموعة متنوعة من الجلابات المطرزة نسميها عندنا مخورة بالكريستال ايضا تتنوع بين الاقطان و الشيفون و الحرير تقريبا 15
_____________________________________

فستان سهره واحد من محلات مينا روز
_____________________________________

كنادير مغربية عدد 3 للسهرات و الزيارات
_____________________________________
بالنسبة لقمصان النوم متنوعة بين القصير و الطويله و الحرير و الشيفون و الدانتيل تقريبا 15
______________________________________

بالنسبة للذهب

ثلاثة اطقم الماس
طقمين ذهب اصفر
و قلب
بالاضافة الى تشكيلة من الخواتم
و الحيول
______________________________________

و ملابس للطلعات ( و خصوصا للسفر )
بنطلونات
تنانيير
قمصان
بوت
وعدد 2 حذاء مريح للمشي
_____________________________________

عدد من الفوط + الروب
مجموعة من كريمات الترطيب + مستحضرات العناية بالجسم و الاستحمام

شبشب للحمام
_____________________________________

شموع + شراشف و اغطية


و الله هاذا اللي يحضرني الحين

اتمنى ان الك يستفيد

سوري على بعض الاغلاط المطبعية !!!؟؟

ام الجواهر لو سمحتي المحل مينا روز وين موجود بالضبط... اتصلت على البدالة ما طلع الرقم عندها... هيهيهي...
و بعد لو سمحتي أي المحلات اللي تسوي مغربي و مخور زين....؟؟ تسلمين الغالية و مشكورة مقدماً :27:

مرحبا اختي ام محمد

بالنسبة لمحل منا روز موجود في مركز صحارى اللي في الشارقة

انتى خذي رقم المركز من البداله و اطلبي بعدين رقم المحل من ادارة المركز

و الله عندهم تشكيلات حلوه من ملابس السهرة بس اسعاره غالية نوعا ما

__________________________________________________________________
وبالنسبة للمخاويير و الجلابيات المغربية:

الجلابيات المغربية:

في محل اسمه السامي في فريج المرر:

عنده ديزاينات خفيفه و حلوة سويت عنده واحد ب 840 بس شغله امرتب و حلو حتى يسوي لج سمبل من التطريز و يراويج اياه علشان اتشوفيين الالوان اذا اتعيبج او لا و بعدين يبدا الشغل

*******************************************

و في محل اسمه لطايف : فيه مغربيات و عنددهم ديزاينات وايد حلوة بس المهم انج تطلعيين اول شي على الموديلات اللي عندهم و على هاذا الاساس تشترين القطعة . مثلا انا سويت عندهم واحد لكن على دانتيل . و اساسا يوم اختاريته كان امسواي على قطعه شيفون مب حلوة . بس الدانيل اللي وديته كان وايد حلو. لدرجة اني يوم سرت استلمه قالت لي انه كل حد يا المحل اتخبل عليه لدرجة انها حطته في الكبت عنهم. ابصراحة شغلهم نظيف و بالظبط على حسب الطلب
*****************************************

و في محل ثالث اسمه سلا: و الحرمة اللي تشتغل فيه وايد شاطرة اتفهمج بالظبط كيف بتكون الخياطة تشرحلج من الخاطر .و اسعارهم معتدلة وايد
******************************************

و المخاوير

في مخور في اراس اسمه سيف
وواحد اسمه عمر
و محل على خليفه هاذي طبعا معروفيين و مشهوريين

سويت عندهم الجلابيات الخفيفة مال البيت ( يعني خوار خفيف و بسيط )

******************************************

و في مخور بتحصلين عنده تشكيلات وايد روعة بس اسعاره غالية
اسم المحل الثوب الساحر و هو في سوق نايف

بس تشكيلاته رهيبة الصراحة و الفصوص كلها من النوع الزين رينبو

سويت عنده جلابيات بالفصوص + جلابيات قرشية + ثوب بالفصوص

********************************************

و بعد خورت جلابيات في العين
طبعا معروف خوارهم

سويت الخوار اللي فيه الخوص + تلي + خوار طبع + ثوب عربي

***********************************************
اتمنى اني اعطيتج فكره كاملة و شامله