هذا اللي صار في مول في الخبر يوم الخميس الماضي ولد يضرب بنت و يطيحها قدام الناس

السلام عليكم

كيف الحال بنات

انا بصراحه بكتب عن شي شفته بنفسي محد قال لي ماحبيت انقل الموقف من باب الستر و عدم نشر المشاكل لكن بصراحه استفزني الموقف و بتعرفون ليه ...

كنت في مول في الخبر يوم الخميس الماضي و يوم على الساعه عشر فجاه وانا في الكوفي شوب سمعت صوت هوشه
اثنين رجال يتهاوشون و بصوت عالي والناس متجمعين علييييييييييييييييهم وواحد يقول انت مو رجال لو رجال كان ماسويت كذا ولااتحترم نفسك و الثاني يرد عليه و بصراحه زا د الصوت بصوره مخيفه

انا واللي معي خفنا بقوووووه و طلعت اركض من الكوفي شوب اشوف وش الشالفه بسرعه خفت بصراحه انه عيال متهاوشن او بيصير شي كبير ووقتها يمديني اهرب

ممداني اطلع وواجهه المحل كانت على البوابه الا والشباب المتجمعين ومعهم حريم وعوااائل .....قامو الشباب اشوفهم يطردون لهم واحد برررا المول ...بصراحه كانو مؤدبين معه ماضربوه ولاشي بس طردوه مع سب

الى هنا الوضع مافيه شي
المصيبه ان الولد قبل يطلع شكله مابين 18 الى 22 قبل يطلع راااح يرككض و فجاه جر له بنت وقام يصفقها و يضربها و دفها على الارض وفتح غطا وجهها

انا هنا انججننننننين بصراحه فكرته اخوها صايدها مسويه شي غلط

الا اتفاجا ان الشباب كللللللللللهم قامو يضربونه

ضربوه ضررررررررررب تجمعو عليه في زاويه و ضربوه والى هنا مانعرف وش السالفه

و يوم قدر الامن بصعوبه يفك الولد جت البنت نفسها اللي انضربت و تفلت في وجه الولد و بصراحه البنت كانت محتششششمه والشهاده لله .لامكياج و لاافاتحه وججها ولااعبايه مزينه ونقابها كان مغطي وججها و استغربت ليه صار هذا كللله

انسحب الولد للاداره وهو يمشي شفته يلبس غترته بطريقه مختلفه عننا وبعدها ماندري وش اللي اصار
المهم اليوم الثاني حصل اننا جينا للمول و سال اخوي السيكورتي عن اللي صار قال ان السالفه مغازل الولد من دوله خليجيه مجاوره و دايما الناس يروحون لها ( مش البحرين ) وغازل البنت والناس ضربوه يوم ظربها والان الولد في الحجز

بصراحه لاتعليق ...........