هذا اللي صار لنا وحنا عند منفذ البطحاء......

السلام عليكم والرحمه...

عيدكم مبارك ...وجعل كل ايامكم اعياد....

بدخل بالموضوع على طول...........

كنا راجعين امس من الامارات ووصلنا عند منفذ البطحاء ..خلصنا امور الجوازات وطلعنا على اول استراحه عند الجمارك...

وتعطلت السياره علينا ...جلست انا وحماتي في المسجد ننتظر ومعاي عيالي...المهم عزكم الله دورة المياه

تجيب المرض من الروائح اللي فيها وحفايظ الاطفال المرميه على الارض والفوط الصحيه النسائيه اللي بصراحه

تقرفك..الله المستعان...

انا كنت ميته من التعب خاصه انه عيالي كانو تعبانيين يستفرقون واسهال من تغير الجو ....المهم ادخلو علينا

عايله سعوديه ماشاء الله عليهم ادب واخلاق في الحوار وعلى انه الجو كان حار والمكيف مايدفع الا هواء حار بس

كانو عسل ....


وكان ولدي يروح لبنوته عندهم اتوقع عمرها 3 سنوات وعمر ولدي سنه وخمس اشهور..كان يلعب معاها ويرجع لي...

فجأه!!!!!!

ادخلت حرمه كبيره واسحبت الكرسي واجلست تصلي عليه ..ولدي راح قدامها وانا ورب البيت تعبانه ومتكيه

على الجدار وجلست اناديه تعال حبيبي ولسه قايمه باخذه الا هي شايلته من ملابسه وراميته....

انا بصراحه انقهرت هي طبعا كملت صلاتها..وانا جلست اقول بصوت عالي لحماتي الرسول كان الاطفال يركبون

على ظهره وكان مايتضجر ولا يتأفف .....استغفر الله الناس صارت صدورها ضيقه ماتتحمل اي حاجه....

وسكت ...الحرمه خلصت صلاتها وافسخت عبايتها وراحت لدورة المياه عزكم الله وكانت فاتحه باب المسجد

وباب دورة المياه مقابل المسجد وجلست تسب وتلعن في السعوديين وطبعا كان فيه جنبها حريم مبين عليهم

سعوديات وطبعا غير اللي بالمسجد جالسات...قضت حاجتها وبعدها ارجعت للمسجد وهي تتحلطم وتسب


وحنا ساكتين ..وكان معاها قريبتها قالت الله يجزاهم خير اللي سوو المكان ..ردت عليها الحرمه الكبيره قالت الله


لايجزيهم اي خير....اشويه سبت ال سعود وقالت الله يعز قطر والا السعوديين معروفين بوساختهم وقرافاتهم الله

يقرفهم ....انا وحماتي انفجرنا فيها...قلنا لها ال سعود والسعوديين يسوونك واذا مو عاجبك ماكان فيه داعي

سافرتي بالسياره ومامريتي على منفذ البطحاء دايسه ارضنا وتسبينا ....طبعا هي شالت عمرها واطلعت ...

قامت قريبتها جابت كيس وشالت الحفايظ الله يجزاها كل خير ورمتها بالزباله وقالت هي ماتقصد ..ردينا عليها

انا وحماتي قلنا مافيه داعي تسب وتلعن وتقول السعوديين

وسخين ..ماكان فيه داعي تعم ... كل شخص مسؤل عن نفسه وعن تصرفاته...


منفذ البطحاء كل الجنسيات تمر من عنده والكل يسخدم دورة المياه مو شرط



اللي رمو هالاشياء سعوديين ....قالت انا معاكم وهي غلطانه بس هي ماتقصد ..ماشاء الله عليها كان صدرها

وسيع ومتفهمه واخلاقها عاليه......وفجأة سعوديه تصلي


خلصت ولفت علي انا وحماتي قالت انتو شنو جنسياتكم قلنا لها سعوديات ..قالت انا سعوديه وفعلا كلامها

صحيح السعوديين وسخين انا اشوفهم يفتحون نوافذ السيارات ويرمون في الشارع...قلنا لها كل مكان فيه الصالح



والطالح ومو معناها انه كل السعوديين وسخيين ماله داعي تعمين واكلناها بالكلام....وطبعا طنشتنا ورجعت

تصلي ...وانا وحماتي نقول بعلو صوتنا اللي مو عاجبته السعوديه يدوره له مكان ثاني....الله يعز ال سعود

ويطول بعمر ابو متعب ويخليه....طبعا في كل مكان الصالح والطالح ...وربي يعلم انه اهل قطر


اخوانا بس فيه ناس ماتقدر هالاخوه تغلط عليك وتسبك وهي في ارضك....


.....هذا الحوار اللي صار ...انتو ايش رايكم؟؟؟؟؟