( نصيحه ادخلي )
قبل تقريبا 7 شهور شلت عفشي واستقريت بالمجلس العام ،،
طبعا كوني بعيده شوي عن الاخبار والسياسه ،، فكنت مفجوعه من القسم :32:
غالب مواضيعه اخبار :icon33:
حروب وقتل ،، خطف واغتصاب،، سيول وكوارث ،، زلازل وفياضانات ،،
شغاله قتلت وشغاله سحرت ،، قصاص وانتحار ،، تحذيرات وتهديدات ،،
يالطيف شي يفجع اسأل الله ان يفرجها على جميع المسلمين بكل مكان ،،
طبعا كنت افتح كل موضوع واقرأ كل سطر فيه ،، اللي يأثر فيني
واللي يبكيني ،، واللي خلاني بقلق وخوف ،، و مواضيع سببت لي رعب
لدرجة صرت انتظر ياسيل يشيلنا والا زلازال يخسف بنا :(
والسبب اني متابعه جيده للمواضيع واي مصيبه لازم ادخل اقرأ ،،
والله والله اني كرهت بعض الكلمات مثل تهديدات ،، تحذير ،،خبر عاجل .... :06:
هذي الكلمات كرهتها ، اذا شفتها بالعنوان ينقبض قلبي ورغم هذا ادخل واقرأ ؟؟؟؟
ولاتنسون اننا نتابع اخبار واحداث العالم كله ،،
يعني من جد شي يتعب ،، غير كثرة التحليلات ووو
وبعض المواضيع فيها البهارات زايده شوي :22: وعاد مع الخوف كل شي نتوقعه يصير ؟؟
يكفي ظروفنا ومشاكلنا الخاصه ،، نجي نكمل الناقص ؟؟
طيب ايش اللي صار بعد تقريبا 3 شهور ؟؟
بديت اتعب واحس الم ونغزات بقلبي ،،
و اذا نمت فجاءه اقوم وقلبي يدق بسرعه وحاسه بخوف ،،
وبعيدين يطير النوم واحيانا ارجع انام بصعوبه ؟؟
هذا غير نفسيتي الخايسه ؟؟؟ دائما اشعر بتوتر وقلق ،،
خوف على طول ،، كرهة الدنيا ،، اذا جاء الليل احيانا ابكي ابكي
من قلب وانا ماني عارفه ليش ،، متضايقه وقلقانه وبس ؟؟
ونزلت مره موضوع وضحت الاعراض والالم اللي بقلبي والخفقان ،،
وردت علي وحده اسأل الله ان يفرج همها ويسعدها بالدنيا والاخره ،،
قالت هذي اعراض قلق ،، وقالت ابتعد عن الاخبار والاشياء اللي توتر ،،
حسيت ردها كأنوا مصحيني من النوم وجلست اراجع نفسي
لقيتني 24 ساعه وانا اقرأ اخبار ،،وامور توتر ،، بعدها قررت
ماادخل اي موضوع يتعبني نفسيا ،،
وفعلا صرت اقرأ العناوين وادعي لاصحابها وخلاص ماادخل ولا اقرأ التفاصيل ،،
احمد الغامدي مااعرف شي عن تفاصيل خطفه ..
من العناوين عرفت ايش صار ،، وتأثرت و صرت ادعيله ولامه ...
يمكن البعض يشوفها عدم احساس بالناس وبمصايبهم ؟؟
لا والله اني حاسه فيهم وادعيلهم بس خلاص عرفت نفسي
اتعب اذا قريت كل شي ،، والقصه ماتروح من بالي ،، والموضوع اذا فيه صور ,,, على طول قدام عيني ؟؟
ولو فكرنا اهم شي واللي لازم نقدمه الدعاء لهم ،، اذن ندعي بدون تفاصيل ،،
احمد مثلي مثلكم دعيت له ولامه بس الفرق ان البعض منكم تأزم من متابعة المواضيع وآخر اخبارهم؟؟
وانا الحمد الله ارتحت من تفاصيل تتعبني ولا تفيدهم بشي ؟؟
واتمنى يجي اليوم اللي اشوف القسم مافيه مواضيع مكرره تكرهك بحياتك ؟؟
بالذات اذا الموضوع فيه مصيبه وخبر محزن ؟؟
المهم اكمل و مع الايام بديت اخف وبدت الاعراض تروح ،، والخفقان اللي
كان مكرهني بالنوم بدأ يخف لين راح ..
الحمد الله الان شوفوني مستمره بالقسم ولا تركته ،، و بنفس الوقت
عرفت ايش اللي اقراءه وايش اللي اتركه ؟؟
البكاء اللي بعض الاحيان يجيني في فترة الليل راح الحمدالله ،،
فنصيحه اذا انت من النوع اللي يأثر عليك مشاكل ومصاب الغير ،،
المفروض تبتعدي وتعيشي حياتك وسط ..
لاتقطعين الاخبار وتصيرين ماتدرين وين الله حاطك ،، وبرضوا لاتكوني
متابعه للمواضيع وتقرأين تفاصيل الاحداث..
خير الامور الوسط ... عشان ماتتأثر نفسيتك ،، وتأثرين على اللي حولك
اهلك زوجك ابناءك بتعيشينهم بقلق وتوتر حتى لو ماتكلمتي ولا فضفضتي ،،
بتكوني انسانه كئيبه على طول ،، اعصابك مشدوده ،، تصدقون
كنت لاشعوريا اشد اسناني كأني اعض حاجه بين اسناني ؟؟
وهذي الحركه مع الوقت تتعب الفك وتسبب صداع شديد ،،
الحمد الله اللي ارتحت وريحت اللي حولي ..
نصيحه يالغاليات لاتستهترون اذا انتوا نفس وضعي ،،
ترى بعض الامراض النفسيه مثل القلق المزمن والاكتئاب والخوف والهلع ،،
ممكن يكون من اسبابها سماع هذي الاحداث ؟؟
فلازم تعرفي تتعاملي مع نفسك ،، اذا ماعندك القدره على التحمل ،،
لابد من الابتعاد عن هذا الجو المشحون..
طبعا الكلام هذا ماينطبق على الكل ،،
فيه ناس ماشاء الله تبارك الله عندهم القدره يسمعون الاخبار والحوادث ومايتأثرون ،،
اللي كذا نقول الله يوفقك نطنطي بين المواضيع :)
و اخيرا نتمنى يكون فيه قسم خاص للحوادث ،، لان القسم صار كله مصايب ؛؛
فرناز @frnaz
عضوة شرف في عالم حواء
يلزم عليك تسجيل الدخول أولًا لكتابة تعليق.
الحمد لله على سلامتك
هالحالة الي جاتك
صارت لي لما كنت في قسم الأسرة
ولا مسمينها...قسم حياة أسرية سعيدة.. ههههه
بس إستغربت إنه هذا أول قسم في المنتدى أحد يشتكي منه
هالحالة الي جاتك
صارت لي لما كنت في قسم الأسرة
ولا مسمينها...قسم حياة أسرية سعيدة.. ههههه
بس إستغربت إنه هذا أول قسم في المنتدى أحد يشتكي منه
الصفحة الأخيرة
فعلا المواضيع هالأيام تجيب الهم
بس تعالي وسعي صدرك هون:
http://forum.hawaaworld.com/showthread.php?t=2438872
والا هون:
http://forum.hawaaworld.com/showthread.php?t=1531208
^
^
تسوي دعاية