هذا اللي صار معايا ..... وربنا رزقني والحمدلله

السلام عليكم ورحمة الله وبركاته ...............
انا يابنات حبيت ارد على الاسئلة واقولكم اللي صار معايا ......
انا يابنات من يوم بلغت الدورة غير منتظمة معايا رحت بعد سنه من البلوغ اراجع قالولي مافي شي واعطوني حبوب تنظيم الدورة واخذتها تخيلو يابنات وكل مااروح اراجع يقولي استمري للين صار لي 5 سنوات استخدمها تخيلوووووووووو ...........
وقبل اتزوج رحت للدكتورة كشفت قالت عندي كيس فوق المبيض وبرضوا قالت لي كملي 6 شهور حبوب التنظيم وبعدها تزوجت ووقفتها وانتظمت وبعد شهرين رحت قالوا صار تكيس مبايض وبدأت علاج الكلوكافاج والفوليك اسيد وبعدها ب 6 شهوراعطتني كلوميد وابر منشطة وابرة تفجير .... جات الدورة ورحت قالت البويضة صارت كيس واعطتني حبوب تنظيم ينزل الكيس في شهرين غيرت الدكتورة سمعت انها ممتازة وسوت لي تحاليل طلع عندي ارتفاع في هرمون الحليب بسيييييييط واعطتني حبوب استخدمها لمدة شهرين والحمدلله نزل الكيس في 6 اسابيع والله بالدعاء والاستغفار الحمدلله .... وشهر 5 تابعت لي التبويض كان ثامن يوم الدورة حجم البويضه 14 والمبيض الايسر فيه تكيس بسيط وقالت لي الدكتورة نخلص حبوب الهرمون واريح جسمك شهر 6 وشهر 7 اذا جات الدورة ومافي حمل نبدأ المنشطات بس على خفيف ......... والحمدلله ماجات دورة شهر 6 ورحت بعد 10 ايام من انقطاعها حللت بول ودم مافي حمل وبعد 18 يوم انقطاع حللت طلع ربنا رزقني وكتب لي حمل والحمدلله .... ليا سنه وزياده متزوجه

والاشياء اللي عملتها ...........
1- الدعاء في اوقات الاجابه وبالذاااااااااااااااات في السجود والاهم الثقه بقدرة الله عزوجل
2- الاستفغار برغم والله كثير انسى بس اول ماافتكر استغفر ربي انه كان غفارا
3- دعاء المأثور قبل الجماع انتي وزوجك لانه بصراحه كان زوجي هوا بس اللي يقوله(( اللهم جنبنا الشيطان وجنب الشيطان مارزقتنا ))
4-شرب ماء كثير اثناء ايام تبويض انتي وزوجك
5-الالتهااااااااااابااااااات ... انا جاتني التهابات واتعالجت ورجعت جاتني بسيييطه واتعالجت انا وزوجي الدكتورة قالت بعض الاحيان الرجل يكون عنده التهابات ومايشعر بها وتسبب موت سريع للحيونات المنويه قبل تلقيحها للبويضة يعني الحيونات المنويه تقدر تجلس برحم المراة 3 ايام بس وجود الالتهابات يسبب موت الحيونات المنويه وماتجلس الا ايام واحيانا ساعات فقط
6-عدم الحركة وكثرة الكلام بعد الجماع مباشرة
7- وكمان يابنات في الجماع انتهاء الرجل واستمتاعه وتنزيله وعدم استمتاع الزوجه وانتهائها يأثر على هرموناتها ويضعفها بالذات اذا تبويضها ضعيف نوعا ما وهرموناتها متلخبطة

واخيرا وليس اخرا سامحوني على الاطاله اتمنى اني اكون افدتكم واي سؤال انا حاضرة وادعولي لما اكشف واسوي تصوير يكون كل شي تمام لاني مررررررررررررره متالمة من ظهري ومبايضي وتنزل عليا افرارزات بني وماادري ليه والله مرررررره خايفه ادعولي ربي يتمم لي وللجميع على خير :(