هذا المعرس يبي عروس من تبيه ؟

هذووووووووول عرسان هالزمن توافقوني الرأي ؟

صورة مخالفة


والله انا احسها صحيح يجيك الواحد يتشرط شروط مال ام امها داعي وهو ماطالع كشته وشلون صايره :mad:

بحكيلكم قصه وحده من اخواتي اللي ماتزوجت هذي تقريبا قبل 4سنوات صارت

هي معلمة رياضيات بمدارس اهليه وتعرفت عليها وحده معلمه وقالت لها ابي عنوانكم بنخطبك لاخوي

طبعن اختي استئذنت من اهلي واعطتها

ولما جونا يخطبون اخواني رفضو بالبدايه لان العريس اسمرررررررر شوي وهو ماهو قبيلي لاكن ماهمنا هالشئ

وحاولنا في اخواني ووافقو انهم يسئلون عنه وكان هدفنا نزوجها هي والباقيات
وجلس اخوي قرابة اسبوعين يسئل عنه وفي الاخير قال مافيه شئ وحددنا يوم للنظره والشروط

ام العريس واخواته منهبلين في اختي واخلاقها والله امه طيبه انا تحسفت عليها ماهو على ولدها الشيفه

وحددو الرجال ان المهر 40الف من الى بس المعرس يجهز بيته والفرح ووافق المعرس

وبعد ماقلطناهم على هاك العشاء والمفطح :44:مايستاهل

جاء وقت النظره واختي كانت ترجف وحاله والمهم تجلس اختي وابوي واخواني بالمجلس ويجي المعرس يشوفها ويسولف ويضحك واحنا والله ماكنا نتخيله بهذا الشكل والله ماهو وسيم ولاهو للوسامه قريب

وشوي ويطلع ويقول موافق ابيها بجيكم بعد كم يوم ادفع المهر قلنا خير

واختي والله ماتكلمت ولاعابته ولا شئ وتقدم امه 2000ريال هديه لاختي وفوقها سلسال ذهب منها هديه
وبعد يومين النذل يدق على اخوي يقول له المهر كثير 40الف كثير خلوها 20:09::icon33:

سكت اخوي وقال له وش هالحكي ترى بنتنا بنت قبيله ولاينقصها لامال ولادين ولا شهاده وتعليم واللي مايقدر على مهرها مايقدر يصرف عليها ويؤكلها في بيته بكرا

وقال المعرس هذا اللي عندي

وتدق اخته بعد يومين تكلم اختي تقول امي ماهي راضيه عن ترك اخوي لك بس كلمي اهلك يقتنعون يخلون المهر 20الف

قالت لها اختي قولي لاخوك وامك ينسون عنوان بيتنا ولو بيدفع اخوك وزني ذهب وبدال المهر 20مهر ماابيه وخلوه قبل مايروح يخطب المره الجايه عند ناس يناظر كشته بالمرآه ويطلب على قده وقفلت وانطوى الموضوع

وانقهرنا كلنا والله ابرك لو انه قال مااملك كل المهر الحين افضل من انه يقول كثير على بنتكم

واليوم شفت هالصوره وتذكرت سالفت اختي وخطيبها النذل واكيف كثير مثل اختي صار فيهم كذا

على فكره بعد كذا عرفنا انه تزوج وحده يمانيه وطلقها بعد 6اشهر وقلنا يالله خيره
وبعدها صار في مقر عسكري سرقة مكيفات وبعد الحقيق طلع المعرس مخطط مع 2من ربعه وكم هندي وتم فصله من قطاعه العسكري وسجن قرابة سنه ونصف وسبحان الله يمكن خيره من الله