هذا الموضوع ان شاء الله صدقه ينتفع بها\ اكتفى من الردود

السلام عليكم ورحمة الله وبركاته

عندي لكم شغله بسيييييطه جدا تسويها عشان شعرك لكن والله مفعولها خيالي بمعنى الكلمه وخاصة للي شعرهم عادي او جاف او جاف جدا ليه هذولي بالذات؟

لاني انا شعري بين العادي والجاف وجربتها والحمد الله مررره استفدت منها واللي حولي شعورهم عاديه وبرضو استفادوا منها لكن اللي شعرها دهني الله اعلم لان ما احد من اللي حولي شعره دهني وجربها .

اكيد تتسائلون ايش الفايده منها ؟ باوصف لكم شعري قبل وبعد

قبل كان مش ناعم ومش خشن ومنفوش تحسين الشعره خفيفه وهايشه واذا سويت استشوار فقط ما ينفع ابدا ما ينفرد زين وطبعا منفوش فكنت اضطر اني اسويه بالسيراميك يكون حلو لكن تحسين انه مغبر و ان الشعره لو مسكتيها راح تنكسر في يدك من كثر الجفاف .

الان ما شاء الله تبارك الله التغير ملحوظ لدرجة ان بعض اللي حولي يجون يسألون بطرق غير مباشره يبغون يعرفون وما يبغون يتنازلون ويسألون وانواع اللف والدوران

ما علينا منهم , نرجع لموضوعنا اهم تغير ملحوظ ان الان صار انعم من قبل بكثير ,الجفاف تقريبا اختفى , صار استشوار سريع يكفي حتى السيراميك ما شاء الله تبارك الله ما صرت استخدمه . لما اتوضا ما ينفش مثل اول وصار فيه لمعه وبين لونه .

الطريقه جدااا سهله باقولكم اياه بشكل عام وبعدين بقولكم الانواع اللي انا استخدمتها

المكونات علبة شامبو + ملعقه زيت


بالنسبه للشامبو يفضل انك ما تغيرين الشامبو اللي تستعمليه ابدا طول عمرك (هذا كلام الدكتور جابر القحطاني)

انا عني استعملت شامبو الحصان الامريكي (مان ن تيل)+ ملعقه زيت دابر اللي بزيت اللوز ريحته حلوه


بعد ما تحطين الزيت رجي العلبه شوي واتركيها بعد يوم تقريبا تلاقين الشامبو صار خفيف وعلى فكره ينظف الشعر عادي ولا يتغير شي في الشامبو الا انه راح يصير خفيف ويفضل قبل كل استعمال ترجين العلبه عشان الزيت ينمزج مع الشامبو لانه ممكن ينفصل عنه اذا تركتيه وقت .

طبعا انا كتبت الموضوع لاني استفدت من هالطريقه جدددددا وريحتني من شعري كثير لكن كلنا نعرف شغله مهمه ان في بعض الشغلات تفيد ناس كثير لكن سبحان الله بعض الاشخاص ما تناسبهم لكن الله يشهد اني مسويه هالحركه لي ولامي ولعيالي كلهم ولاخوي وموصيه اختي تسويها لها ولبناتها بس ما ادري سوتها ولا لسه .

برضو للفائده اللي شعرها اصلا تعبان بالمره اومتقصف في خلطتين ممتازه تسويها لشعرها لحد ما يتعدل وبعد كذا يكفي الشامبو اللي بالزيت .


الخلطه الاولى (للتقصف)
موز +قشطه طازجه + ملعقه عسل + شويه زيت
تتخلى تقريبا ساعه في الشعر

الخلطه الثانيه
2 م حمام زيت + 1 م عسل +شويه زيت +بيضه +2 م زبادي
برضو تتخلى ساعه تقريبا

الخلطات هذي على بساطتها الا انها سبحان الله تفيد الشعر جدا خاصة اللي تبغى تعالج شعرها بدون ما تضطر انها تقصه .

اتمنى تدعوا لي في ظهر الغيب ان الله يكرمني باللي اتمنى .