هذا الموقف مضايقني

السلام عليكم ورحمة الله و بركاته ..
بنات شلونكم شخباركم ؟ ان شاءالله بخير .. بدخل ع الموضوع ، بنات مرت حماي ( سلفتي) هي اكبر مني تقريباً ب٩ سنوات وهي تصير لأم زوجي تصير بنت اختها المهم يابنات هذي سلفتي ماتحبني وكل تضايقني واصد عنها مره من المرات صار موقف قدام حمولتي زوجي اخطت بحقي قدامهم بس الحمدلله ام زوجي و اخوان زوجي اخذوا حقي بنفس اللحظه انا ماتكلمت لانهم شافوا الخطا من هالموقف وهي صارت تكرهني بزياده وانا والله ماودي يصير بيني وبينها جذي ، الموقف الي مضايقني هو ان شقتي قدام شقة سلفتي هذي حنا ساكنين مع اهل زوجي انا الحمدلله اهل زوجي يحبوني لان اقدرهم وحتى لو صار خطا منهم اسكت واتجاهله واقول عادي لازم الصبر و عشان زوجي الله يحفظه ويديمه لي طبعاً امي الي علمتني ع اني اتجاهل كل شيء عشان تستمر حياتي والحمدلله اخذت بنصيحتها وحسيت صج براحه، الله يطول بعمرها ويشافيها ، المهم ما اطول عليكم انا كل مانزلت يعني بنزل تحت لاهل زوجي اطلع عند باب شقتي الاقي هذي سلفتي مشرعه بابها تبي تشوف الطالع وانازل و هذا كيفها مالي شغل فيها بس الي مضايقني لا شافتني عند باب شقتي بقفل باب شقتي تقول لاعيالها سكروا الباب سكروه و باب شقتها واعيالها يسكرونه بويهي حيييييل يعني من قوة ضربة الباب احس البيت يهتز هههه طيب ليش اهي تسوي جذي اتضايق لمن يسكرونه جذي مافي احترام لي و اعيالها تقريبا حوالي ال١٢ سنه يعني فاهمين و موقف ثاني اذا نزلوا اعيالها يسلمون ع كل الي قاعدين الا انا مايسلمون علي انا اخلي نفسي عادي ولا همني بس اقول ليش جذي لهدرجه وصلت المواصيل لها تعلم اعيالها و طبعا مرات هي تبوس ولدي قدام حمولتي يعني شوفوني انا اغلي ولدها و عادي كيفها انا ما امنعها عن ولدي وماراح اعلم ولدي ع الكره و هي اعيالها مايسلمون علي ولا يحترموني .
رايكم حبيباتي يعني بدون تجريح ،