هذا الي صار

سلام عليكمأنا بذكر شي مهم صار معاي مع أنه مايهم أغلب الناس بس أبي أحد صار معاه نفس الشي و بختصر قدر الأمكان و سامحوني ما أعرف أكتب بشكل جيد من سنة أو أكثر شوي و كالعادة شفت أختي عندنا بالبيت تبجي و تشكي من زوجها و طبعا نفس المشكلة وهي زوجها مايتعاشر بخيل على بيته ما يحب عياله و مايحب يصرف عليهم عصبي وكان يتعاطة و تعالج بس رد يشرب حسب ما سمعت فهي و عيالها عايشين على حساب أبوي لكن هالمرة بالذات أخذت الموضوع على محمل الجد كل مرة كنا نقول أكيد بينصلح حاله الله بيهديه كلمته أنا و أبوي حتى أمي أهله تدخلو خلينا ربعه المقربين منه يكلموه مرة و ثنتين و عشرة مافي أي نتيجة يتحسن جم يوم و يرد كما كان قاعد أفكر شبيصير بأختي بعد أبوي معقولة أتم عايشة على حسابه لي متى عيالها صارو كبار و مالقيت أي حل كانت الدنيا على وسعها ضيقة بعيني مو طالع معي حل لا أنا ولا أي أحد من أهلي كأنها مصيبة وما لها حلو مرة و أنا بلبيت قلت خل أتمشى صوب بيت عمي لم وصلت أخر الشارع تذكرت شخص ساكن بمنطقتنا بيتهم مطرف شوي يقولولن عنه مخاوي يعني يعرف جن و يتواصل معاهم هو أكبر مني بس أنا أعرف أخوه كنا ربع أيام الدراسة و هم معروفين عايلة محترمة مو ناس سمعتهم سيئةبس أنا مقتنع أن هذا شي مستحيل السحرة و المشعوذين ما يجي من وراهم غير المشاكل حتى لما ينذكر هالشي قدامي كنت أسب على الي يتعاملون معاهم أكثر ما أسب على السحرة نفسهم بس من اليأس قلت خل أجرب و طول الطريق و أنا رايح صوب بيتهم متردد أقوله مشكلتي ولا لاء بعدين قلت خل أزورهم بحجة أني جاي أسئل عن رفيجي و فعلا وصلت دقيت الباب لقيته أهو نفسه واقف بالباب سلمت عليه و سئلته عن أخوه قالي راح مشوار و ماراح يتأخر تفضل والله دخلت قعد سولفنا شوي عرفني قالي أنت رفيج أحمد أخوي قتله أي جاي أسلم عليه و من هالحجي بعدها قالي شفيك عسى ما شر قتله أبد مافي شي قالي شنو مافي شي وجهك متكدر شصاير هني عاد قلت خل أقوله شنو بخسر اذا ما فادني ماراح يضرنيقتله والله شاغلني موضوع نسيبي فلان قلي شفيه قتله رجال مجنون مطير كل فلوسه على الناس و بيته فاضي الخ... من الي ذكرتهو مو لاقي حل كل ما دخلنا ناس تمون عليه مافي نتيجة قالي عين خير و أحنا قاعدين نسولف جان يتذكر أختي لأن أختي و أخته كانو ربع أيام الدراسة وبعد ما كل وحد تزوجت ما قامو يشوفون بعض مثل أول قالي أختك بحسبت أختي و أنشاءالله بحل لها مشكلتها بس الكلام الي بقولة لك بتنفذه بدون سؤال قتله تمأنا مثل الغريق الي متعلق بقشة قالي بتجيب لي شعرة من راس أختك و شعرة من راس زوجها بسفعلن رجعت البيت ناديت أختي لأن هي أغلب اليوم تكون عندنا قتلها أبي منج شغلة بس لا تسئليني قالت خير قتلها أبي شعرة من راسج و راس ريلج قالت ليش قتلها بدون سؤال قالت بتسويله سحر قلت لاء بس جيبي الي قتلج عليه و الله مافهمت شسالفة بس هم هي مثلي تبي حلثاني يوم جابتلي المطلوب رحتله بيتهم و عطيته الغرض قالي أنسه موضوعه أنا مشيت و وقتها حسيت بالندم قلت هذي أخرتها أنا الي كنت أسفل بالناس الي تدور سحرة و مشعوذين أصير مثلهم بعدين مستحيل يقدر يسوي شي أنا غلطان مع أنه شخص ما عنده علاقات أجتماعية ولا أحد يشوفه الا كل وين أو وين بس الناس سمعتهم زينة يعني كل الناس تدري أنه مخاوي بس ماكو أحد أسائلة بكلمة أو قال عنه نصاب و أخوه رفيجي شخص جد محترم و أهلهم ناس والنعم فيهم بس أخوهم هذا لمخاوي طماع هذي السلبية الوحيدة الي فيه و هذا الي شككني ليش ما طلب مني فلوس مع أنه طماع والله كل الأفكار جت ببالي بس قلت الي صار صار و ماراح أعيدها و اذا سئلتني أختي بقولها أي شيمافي يومين أختي ما جت علينا سئلت أمي قالت رجلها تعبان خذلها الغدة و ديه بيتها فعلا رحتلها و سلمت على نسيبي ما لقيته مريض كان بس مثل الي مو نايم صارله يومين في خمول يعني تعب بس بدون سبب المهم تغديت معاهم و رجعت يومين الثالث كلمتني أختي وهي مذهولة مو مصدقة تقولي فلان عن زوجها متغير مهتم فيها وبعياله قتلها يمكن أخوه العود مكلمه قالت ما أدري اذا كلمه أخوه بس هو من داخله متغير مو مثل أول أنا هني قلت معقولة يكون صج.....لا مستحيل قلت خل أنطر جم يوم لين أتأكد والله مر 20 يوم رحت عند أختي وسئلتها قالت والله ياخوي مو مصدقة الرجال متغير ماكو الا أنا و عياله بحايته وقالت أخذنا شرالنا لي و للعيال ما خله شي بخاطرناوسئلتني أنت شنو سويت بالشعر الي عطيتك ياها قتلها أنسي و هتمي بيتجأنا هني قلت بس لازم أشوفه فعلا رحت لقيته بالبيت أول ما قعدت سئلني أن شاءالله الأمور بخير قتله بصراح لا أنا مستوعب ولاة حتى أختي هز براسة وقال الحمدلله أمورها بخير قعد أسئله ونتكلم قالي أنا ما أسوي أعمال شر ولا أضر بني أدم و أنا أحترمتك لأنك ما طلبت مني هالشي كثير ناس تدور المضرة فجئة خطر على بالي سؤال قتله أنت ليش ما طلبت أسمه و أسم أمه ضحك قالي ليش فيلم مصري قتله هذا الي أسمعه قالي لاتصدق العمل يتم على الأثر مو على الأسامي قالي أنا ما أعرف نسيبكم بس أقدر أجيب أسمه بس شبي فيه طالما الأثر معي والله تشكرتها وقتله أختي خايفة ينتهي مفعول العمل ضحك قالي قولها لا تحاتي المهم تشكرته و قتله أي شي تبيه أنا حاضر و صج لو طلب مليون يستاهل على الي سواه مو بس أختي أرتاحت أحنا كلنا أرتحنامن يومها و أنا تغيرت نظرتي ماقمت أتكلم بأي موضوع لمجرد أنه معروف و ما أدري أو مو متأكد أن الي سويته حرام ولا أبي أسئل أنا مسؤل عن الي سويته و أنا أتحاسب عنها أهي مالها شغل ولا تدري شنو السالفة صج أستعنت بساحر مثل ما يقولون لكن أنا ما أذيت أنسان بالعكس أنا ساعد أختي حتى لو الي سويته غلط ماراح أغيرهما بي أحد يحكم على الي سويته أبي أعرف منو صار معاه نفس الي صار معاي ؟