واضح انك غيورة ومو سهله وتفسرين المواقف على كيفك وترشقين بالطوب بالمعنى العام ما يندعس لك على طرف ولا احترمتي كبيرة وام زوجك ،،، وطالما هم زينين مع باقي سلايفك تأكدي ان الغلط عندك انتِ..
وطبيعي اذا زرتيهم بعد انقطاع خمس سنوات ما يعاملوك مثل سلايفك اللي بإستمرار معهم ومعتبرات انفسهن افراد من هذه العائلة خااصةً اذا كان انقطاعك بسبب تجني منك عليهم .. والا تبينهم يشيلونك من فرحتهم بك انك سامحتيهم وتنازلتي وجيتي ،،، اكيد ان ام زوجك تتمناك تنقطعين وتريحينهم ،، قاعدة لها بكل كلمة لا تمدح ولا تعلق عشان حضرتك ترضين ..
والله يا قلبي مالي اي مصلحة اقسى عليك بالكلام لكن من واجبي انبهك دامك استشرتينا ،،، البعض مايرى غلطه ودايم يعتبر نفسه ملاك ،، وانا وغيري من العضوات من مجرد قرأنا شكواك واسلوبك اكتشفناك قوية ومسيطرة ،،
صفي القلب والنية وابدئي التغيير بنفسك واصبيري واحتسبي ، وتأكدي يبغالك زيارات كثيرة وتمونين متعاونة معهم ومرنة ووجهك بشوش وطلق غلشان يبدون يتغيرون من ناحيتك شوي شوي

يابنت الحلال الحريم الكبار عقلياتهم قديمه للحين يفضلون الولد على البنت ويشوفون البنت مجرد خادمه لاهلها
انتي طوفي ولاتحطين عقلك بعقل وحده كبيره بالعمر

مشكورات ع الردود رغم انها قاسيه شوي
انا ما قطعتها من فراغ بسب مشاكلها لي مو طبعي اتعامل مع حرمه كبيره كذا بس هي من يومها ما تحبني لان زواجي من ولدها تم غصب عنها والله يعلم كم حاولت اتقرب منها بخدمتها وغيره بس ابد ما بين بعينها شي وعشان كذا الباب الي يجيك منه الريح سده واستريح
للاسف كلكن ما فهمتن وضعي معها وانا مو بحاجة احترامها لان كل الناس تحبني وحريم عماني بس هي الوحيده الي قلبها لسه مهو صافي طيب تزوجت وخلصت ليه الحقد والي تقول اكيد امك تحب بناتك اكثر اقول لها لا امي ما تفرق بين احفادها ابد وتعامل حريم خواني احسن معامله مثل بناتها زوود شفتن الفرق شلون
خليت السؤال ورحتن لسبب قطعي لها اوضح قاطعتها من مشاكلها لي وهي تدري زين بالسبب ويوم رديت عليها لما مدحت احفادها من بناتها غصب عني من الحره قلت هالكلام وانا صادقه على وشو المدح بس تهايط قدامي طيب بناتك يزرونك مره ويرجعو لبيتهم وتجلسين مع نفسك لين يجوك مره ثانيه مين الاقلط لها لان عمي مره قال لها هذولا عيال الناس مب عيالنا وسكتت ما ردت والله ما تطلع مع حنية عمي شي
شي ثاني الي تقول راجعي نفسك ليش تفضل باقي حمواتك اقول لها قسم ما يحترمونها كثر احترامي لها وكم مره اسمعهم يتكلمون عنها واصف معها رغم كها لي وكثير ادافع عنها قدام الناس
ما ودي اخش في تفاصيل كثير وانا يوم اجيها اقلها شوية احترام ليه لانها كبيره الاحترام خلص من عندها يوم جيتها بس يطلع للباقي حطي نفسك مكاني ايش بتسوي لان انا صراحه نفسي عافتها خلاص ما ودي اصلها ثاني
اوضح سبب القطيعه بينها مشاكل هي السبب فيها يا ليت تفهموني دحين و
وشكرا لكل وحده ردة ع موضعي
احبكن جميع وربي يشهد

ههههههه اوك عزمت نفسي لانه عيييد وقلت اقوم بالواجب ومتاكده من نفسي اني رايحه صله وادور الاجر وبناتي الكبار ما يروحن لها لانهم يعرفون انها تميز بين الباقي بس الصغا ر دوم يجونها حتى ولدي عمرها ما حنت فيه تقول ولد الغريب مو ولد ولدها بس مع اباقي عسسسل شكرا حبيبتي😙

شوفي ياقلبي اذا تحسين انك بتتعبين نفسيا والتفرقه تكون واضحه للصغار اجلسي ببيتك وزاوري الناس اللي ترتاحين فالجلسه معاهم ويحترمونك وعمك اتصلي عليه من وقت لوقت والبر يكفي زوجك يبر بأمه وابوه هذا الافضل لك ولهم