ماشاء الله .. لاقوة الابالله
معمول هش ومقرمش ولذيذ وبسرعه ينوكل واللي يذوقه بياخذ طريقته منج
كلته عند امي الله يحفظها ويرد اختي بالسلامه لعيالها فكرته جاهز
يوم سألتها قالت شغلها ماصدقتها عشانها من سنين ماسوت لنا من شغلها تقول نست ومالها خلق للتصنع
وااايد علي هالعيوش والصوالين وهذي المعمول معلمتها جارة مرت اخوي يحليلها يعطيها العافيه
شفتوا اشلون قصته قصه لي ماوصل لكم
عاد انا من حلاته قلت مايهون علي استمتع بأكله وانتوا لا
حياكم قلطوا على المقادير والطريقة
3 كاسات طحين
1 كاس سمسم
1 ونص ملعقه اكل حليب بودر
1 ملعقه اكل خميرة فوريه
ورشه ملح
ربع ماء كاس ويمكن اكثر
2 ملعقه اكل سويده ( حبة البركه )
1 كاس زيت
تمر معبوط
طريقته
نخلط كل المقادير مع بعض وبعدين نعجنهم بالماء لغاية مانحصل على عجينه متماسكه ومن غير تخمير قبل لانبتدي حبيت أقول لكم هذي شغل أمي وأنا ساعدتها بالتشكيل
شوفي طريقة التشكيل
نقطع قطعه صغيرة من العجين ونلفها على شكل اسطواني ونضغط عليها بيدنا
ونحط التمر اللي شكلناه أصابع بوسط العجينه ونلف العجينه على التمر ونبتدي
نلف وحنا ضاغطين على العجينه راح تتمدد وتصير رفيعه مثل هذي الشكل
نلف على شكل دائرة ونقفلها
ونصفها بالصينيه من غير ماتدهنينها وتدخلينها الفرن يكون من قبل ربع ساعه فاتحته
هذي شكلها بعد مااستوت صورة من قريب
وهذي من بعيد
:26::26::26:
يارب يرد اختك لعياله
ا ويبلغكم رضا ميمتكم