هذا انا وهذا الي صار اذا شفتوني غلطانة وربي لاروح واصالحه

السلام عليكم
هذي قصتي اطرحها بين ايديكم ولكم الحكم وعلي التنفيذ مهما كان الحكم صعب
بدايتنا كانت الصيف الماضي بالتمام في 16/4/1423
الكل مدحه الكل قال خلاص بتعيشين في دنيا السعاده معاه على طول
حسن سيرته واخلاقه مع الناس وطيبته وطولة باله واهم شي صلة بربه كانت هي الدوافع الي خلتني اوافق عليه
وصار المكله والحمد لله كان كل شي تمام
بعد اسبوع من الملكه كلمني وحسيت اني اعرفه من زمان بصراحه اسلوبه مرح جدا بس كنت احس بشي غريب ما ادري وشو
المهم صار الزواج بتاريخ 27/6/1423بالتمام يعني بعد الملكة بشهرين تقريبا يمكن تكون الفترة قصيرة بس انا ماحبيت تكون اطول
المهم بالنسبه له هو عمره39سنه وانا عمري 23سنه .......... لا تعليق لانه اختياري واعرف عمره من قبل
اسبوعين بالتمام الي قضيتها معاه بعد الزواج وتعالوا شوفوا السبوعين هذي كيف مرت علي طبعا كل المتزوجين كان اول شهر لهم وناسه وحب وطلعات ووووو
اما انا لا غير العالم كله وربي من الفندق للمطار وبالعكس طبعا ما كان عنده اجازة الا لسبوعين هذي وانا كنت مقدرة هذا الشي
بعد اسبوعين على طول سافر لجنوب افريقيا في عمل وفهمني انه صعب جدا انه ياخذني وكان عذره ان الرحله بتكون على 3 محطات ومايبيني اتعب سكت وقلت له الي تبغاه راح يصير ورحت لاهلي يالله وش كثر اكلوا الناس وجهي وتكلموا وحطوا في قعدتي عن اهلي بيني وبينك بدري على هالشي مع انه كان يقدر يتركها ويروح غيره بالنيابه بس ما اقول الا لا حول ولا قوة الا بالله
مرت الاسبوعين علي كانها سنه ماصدقت انه يجي حسيت انه صار كل دنيتي وحبي واهلي
المهم جت اجازة الربيع الي كان في شهر شوال رحنا مع اهله وجلسنا فترة في شاليه على البحر طبعا حطني عندهم وصار رايح جاي م خلا مكان مع اخوانه الي صار لهم متزوجين سنين وماقلت شي ما اني لمحت له بس تعرفون ان الرجال ما يفهم الا الي يبيه اما غير كذا ما يفهمه المهم سافر كذا مرة لجدة يقول دورة واقوله خذني معاك يقول لا معاي ناس من الشركة واجلس وياهم وهذا عمل مو وناسه طبعا اول مرة سكتت وثاني مرة قال بيطلع وما معاه احد ويوم سافر انا رحت لامه وتغديت معاها وقالت لي ان خوه طلع معاه يونسه يالله يابنات ماتتصورون وش كبرها من صدمه على راسي حسيت الدنيا سودا بوجهي ويوم رد كلمته بالموضوع قال وش اسوي فيه هو لزق فيني ولاني احبه ما نكدت عليه وطوفتها له ومرت الايام احاول البي كل طلباته ما ابيه يحتاج شي او يتمنى شي الا ويكون جنبه ((بس مين يقدَر))
يقوم الصباح يلقى فطوره جاهز يفطر ويجلس معاي شوي وبعدين يروح ويرجع الظهر والغدا جاهز والبيت احلا مايكون وانا على اخر نظافة وشياكه يتغدى وينام واحيانا يقعد على الكمبيوتر طبعا اذا قام من النوم على طول يدور اصحابه لاجل يطلع وياهم وانا في اللحظه هذي ولاشي بنظرة اقوله ليه مانطلع مع بعض ونتمشى ويقول لي طيب بس بعد ما ارد ويطلع وانا اجلس انتظره وبعدين اتصل فيه يقول والله عندي شغله مهمه اخرتني خليها بكرة ويدر ويلقى العشا جاهز وبعدها سهرة للفجر بس مو معاس مع اصحابه على الماسنجر وا يروح لهم وا تكون السهرة عندي وعلى هذا الحال الين لحين مو بس كذا ذا قلت باطلع قال وين تبغين تروحين اقوله خلنا نمر خالتي(امه)نسلم عليها وبعدين نطلع اي مكان يقول طيب وبعدين يحطني عندها وعلى طووول يحط رجله تقولون هم ويبي ينفك منه ويخليني عندهم الى الساعه2او3لا وما يجي الين اتصل فيه وماتتخيلون الملل لي اكون فيه والاحراج منهم
قبل يومين كلمته بالموضوع وقلت له يحط حد للموضوع في الاول كان يتريق ويضحك ويوم شافني عصبت تدرون وش سوا؟؟
انا نمت لاني ما ابغى انصدم معاه يمكن تطلع كلمة بايخه اوي شي تعرفون الواحد لما يعصب راح واخذ المخده واللحاف وراح ينام بالمجلس وهذي الضربة القاضية الي هدت حيلي قمت ابكي من غير شعور ورحت له قلت كلمني وش فيك هذي مو اول مرة نتكلم ونزعل فيها ليه الحركة هذي قام ورد ببرود روحي نامي مافي شي قلت الا في شي قال شوفي مالي خلق اتكلم بشي روحي نامي صرت ابكي بوجهه ولا قدر الشي هذا
ضاقت الدنيا فيني اهلي مسافرين واقرب صديقاتي خانتني حسيت اني باموت صرت اهيم بالبيت ما ادري وش اسوي قلت باخليه شوي وارد اكلمه بس قفل الباب بالمفتاح ومارضي يكلمني امس رحت لاهله لانهم ساكنين بجنبي واتصل فيه ابي اقوله اني رايحه لهم ومارد خفت والله ياجماعه حسيت قلبي بيوقف من الخوف عليه صار عقلي يودي ويجيب ما ابي منه شي ابي اسمع صوته ابي اعرف انه بخير اي شي عنه وبعد ما اتصلت عليه اخته طلع نايم بالاستراحه وياخجلي هذيك للحظه من اهله اكيد بيقولون ماهي مريحته ببيته قام ونام برا
الله اكبر يادموعي الي كان ابوي يقول لي اشوف قبري ولا اشوف دموعك اشوف الموت ولا اشوف الحزن بعيونك والله كبيرة يابنات بين الاثنين
رغم زعلنا بس انتظر رجعته للبيت ابي حسه يكون قريب ابي يكون تحت عيني لما اشتاق له وربي حبي له ماله حدود ولا اقدر على زعله \
تعبت وربي تعبت انهد حيلي ولو يبي عمري زيادة على عمرة وربي لاعطيه بس ابي شويه اهتمام انا مو طالبه غير انه يعطيني من باله وتفكرة الشي القليل لانه ماخذ كل تفكيري
ادعوا لي