بابدأ بالموضوع على طول ..
البارح كلمني واحد من قرايبي بثاني متوسط ,,
قال : انا مصدوم من اصدقائي بالمدرسه ؟؟
قلت : ليش ؟؟
قال : كلامهم كلام ناس كبار !! كل كلامهم عن البنات ؟؟
قلت : وش يقولون ؟؟
قال : واحد يقول انا شفت بنت حلوه والله اتمنى امسكها ؟!!!
والثاني قال ... ؟؟ والثالث قال ... ؟؟ كل الفصل يتكلم عن البنات مايتكلمون عن شي ثاني ؟؟!!!
معليش باقي الكلام والله والله مااقدر اكتبه واستحي اقوله !! ولو كتبته اتوقع المشرفات يحذفونه ؟؟
ياناس والله ماني مصدقه اطفال اطفال ماوصلوا سن البلوغ هذا كلامهم ؟؟!!!
طيب ليش وصل حال اطفالنا كذا ؟؟؟ لازم نوقف وقفه جاده ؟ ونحاسب انفسنا ؟؟ ونشوف يومياتنا ؟؟ لازم نغير حياتنا
؟؟
لاننا احنا السبب بهذا كله ؟؟ مافي غيرنا مسؤل ؟؟ وترآنا محاسبين امام الله ؟؟ وبيسألنا عنهم وعن اهمالنا ؟؟
سؤال في ام تكره ابناءها ؟؟؟ في ام تتمنى الهلاك لبناتها ؟؟
طيب ليش تاركينهم ليش مهملينهم ؟؟ ليش نخليهم يمارسون الحرام يوميا واذا كبروا ماقدروا يتركونوا ؟؟
الاغلب يمر يومهم بين القنوات والمواقع والبلايستيشن ومكالمات الاصدقاء وجزء بسيط يراجع ويذاكر ..؟؟!!
وين الجلسه مع الام والاب ؟؟ ليش مافي وقت لحفظ جزء بسيط من القرآن ؟؟
هل يوم شجعناهم و سألناهم سؤال سهل عن صحابي ؟؟ واذا جاوبوا نشكرهم لانهم افادونا ..
والمره الثانيه نسئل شي اصعب واذا ماعرف نفتح له مواقع مضمونه ونخليه يبحث ..
لازم نشغلهم بالشي اللي يفيدهم بالدنيا والاخره .. نكلمهم عن المشايخ امثال ابن باز وابن عثيمين وغيرهم من الاعلام اللي توفوا وتركوا لنا مواقفهم الرآئعه ...
مين من ابناءنا يفتخر بالعلامه عبد العزيز ابن باز ؟؟ تراهم ماعاشوا هذي الفتره لازم نكلمهم عن العلماء لين حب العلماء يمشي بعروقهم ..
ابن باز لو كان عند الغرب كان ازعجونا فيه هذا الانسان الرائع علم علم كتب ومؤلفات كل هذا وهو اعمى غيره بيكون عاله على اهله بس هو شوفوا كيف صار ..
التحفيظ ضروري للاطفال منها يحفظون القرآن ,, ومايكون فيه فراغ عندهم ,, غير الصحبه ,, واذا بتقولون الفساد موجود بطلاب التحفيظ ؟
انا معكم الفساد بكل مكان ، ومو احنا اللي نقدر نحفظهم ، الله هو الحافظ الهادي ، اللي علينا نهيئ لهم الجو والصحبه الجيده وندعي لهم ..
وهذا موضوع كتبت فيه الفايده اللي لمسوها بعض اقاربي بعد دخول ابناءهم التحفيظ ؟؟ والبنات ربي يجزاهم خير كتبوا تجاربهم ..
http://forum.hawaaworld.com/showthread.php?t=3136488
لازم كلنا نجلس ونحاسب نفسنا ونشوف الصيفيه الثلاث الشهور الماضيه من يوم عطلوا لاخر يوم بالاجازه كيف كان نضامهم ؟؟
وش استفادوا من هذه الايام والاسابيع والاشهر ؟؟
انا اكلمكم وانا اولكم مقصره بس لمتى ننام عنهم واذا كبروا قمنا نبكي من وضعهم ؟؟
ولدي مايصلي !! بنتي تكلم شاب ؟؟!! ابنائي عاقين ؟؟! وغيرها من المشاكل ..
انا ادري ان في ابتلاء والرسل فيه من ابناءهم كفره مو عاصين وبس ؟؟
لكن فيه فرق اذا انا مهتمه صح واربي وادعي الله ؟؟ وبين انام واتركهم بدون توجيه ولا رقيب ؟؟
انتم عارفين وش ضيعنا ؟؟ ضيعنا التهاون بالمعاصي وصغائر الذنوب ؟؟ هذا غير الشي المنهي عنه صار كأنه جائز نسويه ولا نفكر !!!
مصيبتنا الكبيره انه الشي اذا انتشر بين الناس صار عادي رغم انه احيانا يكون من الكبائر ؟؟
رحت مره عند ناس وكانوا مشغلين قناة اطفال شفت فيها شي مخجل بوس وضم ونظرات وملابس تبكي ؟؟
هذي قناة اطفال ؟؟
سؤال كل وحده عندها قنوات الاطفال القاتله للبراءه تسأل نفسها ؟؟
هل القناة لها تأثير ايجابي او سلبي على طفلي اللي يوميا يتابعها ؟؟؟ وش الفايده العظيمه والاخلاق اللي تعلمها ؟؟
طبعا غير القنوات الثانيه المفتوحه تخيلي طفل يشوف حب واعجاب ومسلسلات وافلام وكلبات ،
للاسف كثير من المنازل صارت مصدر للفساد بسبب القنوات ..
لمتى واحنا تاركين الوضع ... لازم نبدأ نتغير للافضل ونرجع للدين الصحيح قبل يجي اليوم اللي نندم على اهمالنا ..
اللي عندها بلايستيشن عمرك شفتي الاشرطه ولا لا ؟؟ تدرين ان فيها نساء يسون حركات غير لائقه ؟؟؟
لدرجة مره شفت وحده بـ ملابس داخليه مو العاديه ، لا الخاصه جدا جدا اكيد عرفتوها ؟؟ لابسته وتستعرض ؟؟
مين المسؤل عنهم ؟؟ يوم الحساب ايش راح نقول لربي ؟؟
اطفالنا محاربين فيه غزوا ياناس واحنا نايمين ؟؟ واذا احد نصح قالوا لا تكون متشدد ولا تعقد عيالك ؟!!!!
هذا غير مواقع النت والبلاوي اللي فيها ؟؟
موقع اطفال لقيت فيه مجسم والطفل يقوم يلبسها الملابس الداخليه ويختار اللي يبي من الالوان والموديل ؟؟؟ مجسم واضح صدر وغيره ..
شايفين كيف الدمار ؟؟ شايفين الحرب ؟؟
تحبين اطفالك ؟؟ ربيهم صح وادعي لهم بكل وقت ولا تهملينهم ابدا ؟؟
انت ماتتحملين احد يضربهم ولو يمرض جلستي تبكين ؟؟
كيف نهيئ لهم المعاصي لين يحبونها يدمنون عليها واذا كبروا وصاروا محاسبين مايقدرون يتركونها ؟؟
اذا نحب ابناءنا نخاف عليهم من النار ..
ياغاليات التربيه مو سهله بالذات في هذا الوقت ؟؟
الان القابض على دينه كالقابض على جمره .. اذا كنت غير المجتمع والناس بدت تستنكر تصرفاتك اعرفي انك انت صح وهم خطأ ..
الان الكل عنده قنوات الملتزم وغيره الا مارحم ربي ، بالله كيف نستهتر بالقنوات بهذا الشكل ومين احلها لنا ؟؟
اشياء كثير بدأوا الناس يتهاونون فيها ؟؟ اللبس ؟؟ الحجاب ؟؟
يتبع
لازم نتكلم معهم ونبين حكم موالاة الكفار وحبهم وان هذا الشي حرام .. قولي لهم كل يوم نسمع استهزاء منهم على رسولنا صلى الله عليه وسلم ..
وكل فتره يطلعون فلم يستهزئون بالدين والحجاب .. جعلوا من المسلمين ارهابيين .. ؟!! يحاولون يحاربونا بكل شي يقدرون عليه ؟؟
واحنا على العكس نحبهم ومعجبين فيهم وحالنا للاسف كل ماله يزيد !!؟ حتى كلامنا لازم ندخل فيه لغتهم عشان نكون متطورين ؟؟
نتعلم اللغات كلها لو بغينا بس بلاش خلط الكلام اللي ماله داعي !!
فيه ناس دكاتره ومهندسين دراستهم كلها برى لين تخرجوا ، اذا تكلموا كلامهم عربي 100 % :42: ماعندهم خلط بالكلام ،
واحنا رحم حالنا مانصدق نعرف كم مصطلح الا دخلناها بكلامنا !!
وترى ادري هذا الشي مو حرام بس اتمنى يكون عندنا اعتزاز باللغه العربيه لغة القرآن ...
الان يعلمون الاطفال من سنه وسنتين بعض الكلمات ؟؟ طيب ليش الان اذا كبروا يدرسون لغه براحتهم ؟؟
mrqb
ومن اهم الامور ان نزرع عندهم خوف الله ورقابته بكل وقت ، لايخاف من امه ولا من ابوه ، نخلي خوفوا من الله اشد .. احنا مانكون معاهم بكل وقت ..
طيب كيف نجعلهم يراقبون الله بكل وقت ؟؟
نبدأ بهذا الامر من الصغر .. اول شي لازم الام والاب يكونوا قدوه ..
kdh
من عمر سنه نهتم ولا نتعامل معهم بالكذب ، البعض يقول للطفل تعال تعال حلاوه او اي شي يغري الطفل واذا جاء مسكه وحبه وقام يلعبه !!!!
بكذا علمناهم الكذب ..
ymynt
عمر سنتين وفوق اذا جاء يشرب عادي باليد اليمين اليسار كله سوى عند الام !!!
يكبر وهو متهاون يأكل باليمين ويشرب باليسار او العكس ... ترى الاكل باليسار منهي عنه ..
في وحده اعرفها اذا جت تأكل ولدها اللي عمره 3 سنوات تقول قصه عن الحيوانات وانهم ياكلون باليسار ويجي الاسد ويقولهم خطأ كولو باليد اليمين
تقول بعد ايام جاءت توكله الا يقول ماما الاسد يقول لا تاكلون باليسار خخخخخخ
blys
الطفل وهو بعمر 3 سنوات اذا كان يلعب بلايستيشن او غيرها من الكترونيات اذا الام تنبهوا اذا سمعت الموسيقى
بدون تشديد طبعا مثلا حبيبي هذي موسيقى مو حلوه يحبها الشيطان ولا ترضي ربي .... لا تقولون مايفهم ،
الطفل يفهم بس احيانا مايكون فصيح او مايعرف يرد ..
بكذا ينشأ على كره الموسيقى ..
فيه اطفال اعمارهم 4 و 5 سنوات وهم يلعبون يكتمون صوت الموسيقى خلاص تعودوا لان اهلهم حريصين ..
هذا واقعنا خخخخ..
احنا مانقدر نعيش بكوكب وننعزل عن التطور والاشياء اللي من ورآها فساد ، عشان كذا ضروري نعلم ابناءنا ونخليهم بنفسهم يتصرفون ،
يستخدمون الشي بالحلال ويبتعدون عن الحرام .. اذن لازم نقوي عندهم الخوف من الله ورقابته .
lqSh
القصص ضروريه بالتربيه ولا تخلي الاطفال ينسون ، قصص امي اللي كانت تقولها لي الى الان مانسيتها ،
كانت ربي يحفظها كثير امور توصلها لي عن طريق القصص ..
اشوفها من افضل اساليب التربيه ، اي مشكله عند طفلك تتعدل عن طريق القصه ، اللي عليك تألفين :) بس يكون شي واقعي ..
امور كثير نزرعها عند ابناءنا عن طريق القصص مثل الصدق والامانه والنظافه والادب وعدم الغش وغيرها ..
هذا غير قصص الرسول والصحابه والصالحين كلها لها تأثير ، هؤلاء قدوة ابناءنا مو الاعبين والمصارعين والممثلين .. !!!؟؟
lsm_wlfwd
من صغرهم لازم يعرفون ان الحرام حرام والمفروض مانتجرأ نسويه ..
تخيلوا طفل بثالث ابتدائي يحاول يفرق بين الاصدقاء بالنميمه ويكذب ؟!! ايش اللي عرفوا النميمه بهذا السن ؟؟
صدقوني اذا حرصنا وتعبنا بطفولتهم بنرتاح اذا كبروا يصير هو من نفسه يرفض الحرام والعادات السيئه ..
اسأل الله ان يجعل ابناءنا هداة مهتدين ويعيننا على تربيتهم ..