هذا بيت اخوي ..

السلام عليكم ورحمة الله

وكل عام وانتم بخير يا حلوات :26:

في حركة يسوونها كثير حريم الله يهديهم ، تكون سبب بتغير معاملة حريم اخوانهم
ان الوحدة لما تجي تزور اخوها او تسهر عنده تتعامل مع بيته على انه بيته هو لحاله
وانها تمون وباي وقت تجي وتسوي الي يعجبها ! وبكذا تحسس مرة اخوها انها مالها قيمة
ولا لها كلمة ببيتها !!!!

ونقول ليش الحريم ما يرحبون فينا ببيوتهم او ترحيبهم بارد !
صدقا يقهرني هالنوع من الحريم ، تحقر مرة الاخو ولا تبغى تحط لها مقام
على بالها انا جاية عشان اخوي والبيت بيت اخوي !
لكن لو لاحظت على زوجته قلة اهتمام بدت تتكلم وتتهمها انها ماتحشم الضيوف
مو انتي حقرتيها مو انتي ما حطيتي لها اعتبار ببيتها ! شي طبيعي تردها لك
بقلة ترحيب واهتمام ..

ذوقيا مفروض اذا انتي من الناس الي زيارتك دايمة لبيت اخوك سواء لسهرة
او غيره ، انك تكونين على تواصل مع زوجة اخوك وتجين بالوقت الي يناسبها هي ايضا
لانها هي الي بتقوم بضيافتك مو اخوك ..

وازنو بين الموانة على بيوت اخوانكم وبين احترامكم لزوجاتهم
لان لو لا قدر الله صارت بين اخوك وزوجته مشاكل بسببك انتي
فاخوك ايضا بينضر من هالمشاكل ، فخذيها على الاقل من باب احترامك
لاخوك وحرصا على استقرار حياته مع زوجته انك تحترمينها ببيتها ..

ودي اعرف ليش البنات يتحسسون هالقد من حريم اخوانهم !