حنونه5 @hnonh5
محررة
هذا تقريري المبدأي عن دلة تنبيهات مهمه للمبتدئات مثلي
السلام عليكم و رحمة الله و بركاته:redface:
كيفكم بنات الله يهون علينا يارب
انا مقرره من زمان اولد باذن الله بدلة
رحت بفتح ملف بس ملف مو ببالي اكشف لاني ادري لازم للكشف موعد
ردوني قالو لازم موعد قلت بس فتح ملف قالو موعد لان فتح الملف يتطلب كشف الدكتوره الي تبينها و لازم ما تدخلين لها الا بموعد
و الحمد لله رب العالمين سهلها الله تعالى و فتحت الملف و اخترت دكتورتي صبا باكستانية
كنت ابي ممتازه او لمياء رئيسة القسم بس كلهم اجازة عموما كلهم طبيبات دلة روعه
رحت باول التاسع و الصراحه ندمت
لان اسعار المستوصف الي اراجع عنده ارخص بالتحاليل و الكشفية
اللهم السونار بدلة ارخص انا استغربت
الكشفية ب 34 ريال طبعا للي عندها تامين انا تاميني ادفع بس الخمس يعني الي ما عندها تامين تضرب 34 ب 5
اذا موعدك بعد اسبوع بالضبط ما تدفعين كشفية جديده
لكن لو صار فوق الاسبوع بيوم تدفعين ثاني 34 ريال
لذا خلي يومك ثابت السبت و السبت الجاي و هكذا
انا كنت الخميس و الموعد الثاني حميس وما اخذو مني كشفية ثانية
الموعد الثالث صادف سبت اخذو مني 34 انقهرت الصراحه
لذا لاتخلين مواعيدك خميس لان احيانا بتحطلك الجاي سبت
خليك من السبت للاربعا افضل
السونار ما تسويه لك نفس الطبيبة زي مستوصفك تروحين لقسم السونار و تسويه لك دكتوره ثانية و تنطرين تاخذينه وياك
على فكره سالت الاستقبال وين السونار من ذكائهم الشديد دلوني علط
رحت لغرفة اسمها الاشغه قلت ايه هذه هي قعدت بالانتظار نص ساعه شفت الوضع غلط غرفه الاشعه مسكره ولا احد مداوم فيها
سالت ستر قالت لاماما مو هنا اشعه
راحت الله يبارك فيها ودتني مشوار طويل لقسم الاشعه
رحت دفع للرجال و قالي انتظري ينادونك و طولي بالك ممكن زحمه بس الحمد لله سهالات
و اذا سونارك بنفس موعدك عند الدكتوره لاتطلعين من غرفه الاشعه انتظري الاخصائية تنهي تقريرك
تعطيك الاشعه و اخذيهيا لدكتورتك ترا الاخصائية كانت منشغله عني لوني رايحه عنها كان تاخرت قعدت اسالها خلاص
اروح قالت ايه قلت اروح قالت انتظري شويه ههه
لان لو ما اخذته بتدزه مع سستر و على ما يوصل للدكتوره ممكن تدخل الي بعدك قبلك فما يحك ظهرك الا ظفرك
التحاليل سويها و خلي الدكتوره تقراها لك لان دكتورتي ما قرتها لي مثل دكتورة المستوصف
احيانا تحتاجين لحبتين حديد باليوم و هي ما تنبهك
عيبهم ما يصرفون لك حديد الا كل 20 يوم
مو مثل مستوصفك بكل زياره عادي يصرفون لك
لذا نبهي الدكتوره تكتب بالوصفه انها ارفعت جرعة الحديد عشان التامين يغطيها و يصرفونها لك
ادخلي لموقع دله بتشوفين الغرف متنوعه
فيه غرفه اعتقد فيها 4 سراير يعني معاك 3 حريم
و فيه سريرين
و فيه لوحدك و تقدرين تتحكمين بدرجة برودة الغرفه و فيها تلفزيون
و فيه جناح عادي و فيه جناح فاخر و فيه ملكي تختارين حسب الديكور و الابهه الي تبينها
هذا روعه للي تبي تسوي استقبال بالمستشفى و تفتك
مع اني ضد الاستقبال بالمستشفى الواحده مالها خلق تروح و تتكشخ للناس
المهم هذا تقريري المبداي لدلة
و الحمد لله تعامل الكل حلو و راقي
ولا فيه زحمه مره بالعكس اذا جا موعدك ممكن تتاخرين ساعه ساعه و ربع بالكثير
و مرات تدخلين على طول على حسب انشغال الدكتوره
انا دكتورتي بتاخذ اجازه فاحترت ميساء
قالت احجزي عندها
رحت للاستقبال بحجز قالو مو عندنا عند المواعيد
تروحين تدورنين و تسالين تحسبين فيه شخص تحجزين عنده
اثاريهم خاطين كورنر طويل كله تلفونات مثل تلفونات العمله بالدول الاوربية كاتبين من فوق المواعيد
ترفعين السماعه يرد عليه الموظف تقولين له القسم النساء و الولادة
تحددين اسم دكتورتك و الوقت الي تبينه و رقم ملفك و اسمك يقولك تبين ورقه قولي ما له داعي لان موعدك خلاص تثبت بالكمبيوتر
و الحمد لله الله يكتب لي الاجر بموضوعي
انا كتبته ليش عشان الي رابحه لاول مره بتفتح ملف مايروح الدرب عليها على الفاضي
ادخلي موقعهم و اخذي رقم المواعيد و احجزي موعد
و الله يهون على الكل
ادعو لي يتعدل نومي عشان امشي الله يرضا عليكم من خرب نومي ما قمت امشي:icon810:
9
1K
يلزم عليك تسجيل الدخول أولًا لكتابة تعليق.
حنونه5
•
عفوا بعض الكلمات حروفها غلط لاني اكتب بالظلمه عشان الناس حوالي نايمه ههه
aaa1407
•
جزاك الله خير
انا والده فيه من قبل
وكل اللي قلتي عنه اخطيت فيه ليت كان فيه احد ينبهني
وشكله فيه اشياء زيادة بعد توني اشوفها
استجدت علي
ناوية باذن الله اولد عندهم لكن اخاف من اجازات الدكتورات
انا والده فيه من قبل
وكل اللي قلتي عنه اخطيت فيه ليت كان فيه احد ينبهني
وشكله فيه اشياء زيادة بعد توني اشوفها
استجدت علي
ناوية باذن الله اولد عندهم لكن اخاف من اجازات الدكتورات
حنونه5
•
aaa1407 :
جزاك الله خير انا والده فيه من قبل وكل اللي قلتي عنه اخطيت فيه ليت كان فيه احد ينبهني وشكله فيه اشياء زيادة بعد توني اشوفها استجدت علي ناوية باذن الله اولد عندهم لكن اخاف من اجازات الدكتوراتجزاك الله خير انا والده فيه من قبل وكل اللي قلتي عنه اخطيت فيه ليت كان فيه احد ينبهني وشكله فيه...
لا حبيبتي لا تخافين ولا شي كلهم ممتازات
بس اعطينا نصايحك بالولادة عندهم
بس اعطينا نصايحك بالولادة عندهم
دلة ممتازين
بس عيبهم مايهتموا بالتحاليل كثير
و غرفة الدكتورة يكون مافيها سونار وهالشئ بايخ يعني مو معقوله اكون رايحة موعدي بعد شهر والدكتورة ماتعملي سونار طيب ابي اتطمن على الجنين اشوف وزنه وصحته اشوف المشيمة والمويات !
لا الدكتورة عندهم بس تكتفي بسماع نبضات القلب فقط والسونار ماينعمل الا مره او مرتين بالكثير طول فترة الحمل
بس عيبهم مايهتموا بالتحاليل كثير
و غرفة الدكتورة يكون مافيها سونار وهالشئ بايخ يعني مو معقوله اكون رايحة موعدي بعد شهر والدكتورة ماتعملي سونار طيب ابي اتطمن على الجنين اشوف وزنه وصحته اشوف المشيمة والمويات !
لا الدكتورة عندهم بس تكتفي بسماع نبضات القلب فقط والسونار ماينعمل الا مره او مرتين بالكثير طول فترة الحمل
الصفحة الأخيرة