لاحوووووووووول ولا قوه الا بالله

الرزاق بالسماء والحساد بالارض لاتهتمي بكلامهم وتاكدي ان الله لايخيب من لجأ اليه

انا لمن تأخر حملي قابلت وحده بالمستوصف وعرفتها وكانت معاها بنتها وكنت تعبانه حيل ومالي خلق

بس مجامله لها طلبت منها بنتها اسلم عليها لاني اول مره اشوفها

مسكتها بقوه وخافت عليها وكاني بسرقها والله ندمت اني طلبتها منها

تتوقع اني مشفوحه اللهم لك الحمد والشكر والحين رزقني ربي ببنت احلى منها ومن بنتها يارب لك الحمد والشكر

وكانت تقولي دايما بالدوام وراك ماحملتي خلك ابو الشباب يشد حيله ؟؟؟


ووحده تقولي وانا كنت حملت بس مخبيه حملي وماعلمت احد انتي خلاص ماعاد تحملين وماعاد تجيبين عيال

لان قبل ماعندي الا ولد وانا كنت حامل وقت سؤالها قلت الحمد لله واحد نعمه قالت لي

شنو نعمه نبي عيال لولدنا شنو نعمه ؟؟؟؟؟

استغفر الله عقول فارغه الحمد لله اللي بيده الرزق ولا يملكون غير اللسان الفارغ


طنشي ولا تهتمي ولا تبينين حبك للاطفال وتعلقك فيهم وسوي الامر عادي ولا توضحين انك حساسه بهالموضوع

يستغلونك ويحرون قلبك كل شوي بهالطاري


الجأي الي الله وتعالجي والله يرزقك ويرزقنا ولا يجعلنا من المحرومين

الله يفرج همك ويرزقك الذريه الصالحه ماقصرو البنات كفو بالكلام ولكن ااكد عليك بالدعاء

والاخذ بالسباب وعدم التفكير وخليها على الله

الله يرزقك بالذرية الصالحة

الله يرزقك بالذرية الصالحة ويرزقني ويرزق كل محرومه يا رب

سوي نفسي وسمع يمن اهني وطلع من الاذن الثانيه

انا الي يسالني اقولهم احنا مستانسين جذي شهر عسل لا عيال ولا دوخه وتونا صغاار وبس

نفس مشكلة من احد يشوفني من هالحريم نفس السؤال يتكرر هااا مافي شي بالطريق ؟؟؟

زهقت من سؤالهم ولقافتهم حتى زوجي ما سلم كل ما شاف احد سأله حتى الرجاجيل انعدوا من

لقافة حالحريم

انا بسير لي سنتين والى الآن ما حملت ومازال جوابي الله ما اراد وما كتب