السلام عليكم
شلونكم خواتي
والله استانس بجمعتكم ومشاركتكم خواطركم وسوالفكم اللي ما تنمل
وما ابالغ اذا قلت انكم صرتوا جزء من حياتي اليوميه
يعني احاول قد ما اقدر اتصفح هالمنتدى عشان اقرا ما يستجد فيه من مواضيع
بمختلف انواعها
واحاول قدر المستطاع ابدي رأيي في المواضيع اللي مرت علي في حياتي
او ارد على حسب ما اشوفه مناسب من الحلول
والله يديم علينا هالمنتدى اللي ( جا وجابه الله )
والله انه موسع صدورنا بجميع اقسامه المتنوعه
كنت في السابق اتنقل بين المنتديات حسب الإحتياجات اللي ابيها
وهذا طبعا قبل ما اطيح على هالمنتدى
بس الصراااااحه من تعمقت في هالمنتدى وتعرفت على اقسامه
اقولها بكل صراحه اغناني عن المنتديات الثانيه
لأن فيه كل المواضيع اللي تخص المرأه العربيه
سواء من طرح مشاكل ( اجتماعيه 0زوجيه 0 اسريه )
او زينة المرأه بشكل عام( بشره 0 شعر 0 مكياج 0 ملابس 0 عطور )
او طبخ او تسليه وترفيه او نظافة وترتيب وديكور المنزل 0000الخ
يعني مهما اعد من محاسن هذا المنتدى ما اوفي القائمين عليه حقهم
فجزاهم الله خير الجزاء وجعله في ميزان حسناتهم
بس للأسف فيه شي بسيط منغّص علي اثناء قراءة بعض المواضيع
لدرجة احيانا افتح الموضوع وانا متشوّقه لقراءته بس اشوف هذا الشي
موجود في هالموضوع وعلى طول ادق ابريك وارجع ريوَس بدون ما اقرا الموضوع
وخصوصا اذا كان الموضوع طوووويل ويبيله تركيز في القراءه
اما اذا كان الموضوع قصير ممكن احيانا اتجاهل هذي النقطه واقراه
وانا متأكده انه في كثير غيري يأيدوني الرأي
مثل ما انا متأكده بعد انه في كثير غيري يخالفوني الرأي ويشوفون ان هالنقطه
ماتستاهل لدرجة فتح موضوع طويل عريض عشانها
لأن الشي المتعارف عليه بين الناس لايمكن كل الناس يجتمعون على رأي واحد
ومن هذا المنطلق جا هالمثل
لولا اختلاف الأذواق لا بارت السلع
والنقطه اللي اقصدها تتلخص في طلب بسيط لكل من تشارك في هالمنتدى
بأنها تكبّر الخط يعني مثلا اذا خلّصت من كتابة الموضوع او الرد على اي موضوع
تضلل الكتابه وتختار الرقم 6 من حجم الخط او اي رقم المهم تكبّر الخط
وبالنسبه لي انا دائما اختار الرقم 7 لأن نوع الخط اللي اختاره حتى الرقم 6 مايكبّره
و زي مالكل عارف ان اللي تتصفح المنتدى تنتقل من موضوع لآخر وتركز في القراءه
وتمر عليها الساعات وهي مقابله شاشة الكمبيوتر وشوي شوي يضعف نظرها
بدون ما تحس
وهذا الشي لاحظته انا على نفسي لدرجة صرت مااقدر اقرا رسائل الجوال بوضوح
فياليت يا اخواتي ألقى قبول لطلبي وهو الحمد لله طلب بسيط وما يكلف شي
في انتظار آرائكم
هل معي حق 00 ولا 00 ماعندي سالفه >>>> يارب يكون عندها سالفه
آاااااااااسفه على الإطاله
وحطوا دائما في بالكم ان
اختلاف الرأي لايفسد للود قضيه
يارب ما عورتكم عيونكم وانتوا تقرون >>>> متأثره تحسب الكل زيها
ام سوجي @am_sogy
عضوة
يلزم عليك تسجيل الدخول أولًا لكتابة تعليق.
ههههههههههههههههههههههه لا من حقك تكتبين حتى انا في مواضيع اعاني من الخط الصغير
واللي مو مرتب احيانا مالومها تكتب وتفضفض ماقدرت تمسك نفسها >كاني خرجت بره الموضوع ..
بس احس اربعه مناسب >شكل بس عيوني انا ...
دلوعته.
•
هههههههههه والله اني مثلك
ولاحظي اكتب جميع مواضيعي وردودي بالخط الكبيـــــــــــرر
اقوووول في بالي ماراح يتقرأ المووضوع اذا كان بالخط الصغيييييييييييييييييييررر
ولاحظي اكتب جميع مواضيعي وردودي بالخط الكبيـــــــــــرر
اقوووول في بالي ماراح يتقرأ المووضوع اذا كان بالخط الصغيييييييييييييييييييررر
كانك تقراين افكاري لاني لما اشوف الخط صغير ومتقارب على طول انحاش وكنت افكر انبه اللي تكتب بس ما لقيت الشجاعة
الصفحة الأخيرة
شفيكم تقرون الموضوع وتنحاشون
بس ودي اعرف هل انا على خطأ ام على صواب