الف شكر .. لمن بثت نفحات عطرها بمساحتي ..
اختي .. رسيل ياليت تكتبين لي اكثر عن الدورات ..
حوريه بس غير .. مثل ماقلت الاخت صيد الخواطر اكتبي لنا
تفاصيل المساهمه ..

السلام عليكم ...

ما شاء الله البنات ما قصروا وياج مثل عوايدهم سباقين فالنصايح الحلوة ..
وأنا بعد حابه أقترحلج ببعض الأشيا ..
تحبين الكمبيوتر ؟
تفنني فالبطاقات .. أنا لما كنت أدرس ياني عرضين تصميم بطاقات الكترونية لمواقع كثيرة
وأول حد اشتغلته هي الشاعرة "هتان" .. لكن ما اخذت منها شي ..

ومرة ثانيه ياني عرض .. وطلعت بعد اسبوعين منه ب 2000 درهم ..
وما أربح فكرة تصميم المواقع ما تاخذ وقت وتربح ..

يعني لو كان عندج دخل شهري ثابت .. تحجزين دومين .. وتأجرين الموقع شهريا تدفعين لهم 180 درهم .. وكلما دفعتي أكثر عطوج مساحة أكبر ..

تسوينلج موقع للدعاية والاعلان ... تعرضين عالشركات والناس اللي تعرض فالمنتدى مثل حالاتنا ... ويدفعولج مبلغ رمزي يسد أجار الموقع وتربحين منه ..
وكل ما كانت مساحاتج الاعلانية أرخص كل ما زاد الاقبال ... :)

هذي فكرة .. وفكرة ثانية ..
اشتري وبيعي فالاسهم ..
أو ادخري مبلغ مثل 1000 درهم شهريا ...

أو عندي فكرة تتطلب ثقه من الطرفين ..
تعرضين فكل شهر .. عندي مبلغ 1000 درهم وأريد أستثمره ..
مثلا .. تستثمره لج وحده تسوي دخون تاخذ المبلغ .. وتصنع الدخون وتبيعه والربح بالنص مابينكم ..
أو مثلا حد مثلي يسوي جلابيات .. وأغراض الجلابيات الصراحة غالية وتحتاج تمويل :) ياخذ منج المبلغ ويشترون فيه جلابيات .. ويبيعونها والربح بالنص ..

أتمنى أكون ساعدت
وسبحان الله ... أبواب الرزق كثيرة سخرها ربنا سبحانه لنا ... بس تتطلب حركة ..
وفالحركة بركه ...


أتمنى أكون أفدت

قابليني عالخاص اختي

السلام عليكم

اختي الواحد منا لو راتبه الفين صرفها كلها
ولو زادت حتى عشرة آلاف بعد صرفها كلها

فنصيحتي لج
ادخلي بكامل راتبج في جمعية
وخلي اعتمادج في الصرف على راتب زوجج ( طبعا بموافقته )

ولا بتحسين بذاك الفرق... صدقيني
والصدقة هي المال المتبقي لنا في الآخرة..... اما ما نصرفه على انفسنا فهو الهالك اللي ما ننتظره

البنات ما قصروا...فعلا حاولي تستغني عن بعض الاشياء غير

الضروريه ...يعني اعملي جدول جديد للاسره بمستلزمات البيت...

غير نظام حياتك والسلفه اكيد بتسدد...