هذا رايي وهذا راي زوجي وانتم الحكم

مستشاراتي المحبوبات والمقربات الى نفسي دائماذاك اليوم نسولف انا وزوجي عن حلم العمر
(البيت)وانه ياالله متى يصير عندنا هاالبيت والكلام جربعضه قلت ودي بدرج داخلي بدون شقق
فوق اول شي ارخص ثاني شي اذا عيالي كبروا وتزوجوا يارب:39:يسكنون برا
وانا اؤمن بمبدأخليك بعيد حبك يزيد تعرفون القرب ومشاكله وحزازياته اليوميه وغير كذا
عيالهم دايما عندنا صجه ولجه وامهاتهم فوق مرتاحات في بيوتهم وان قلت لهم اطلعوا فوق
زعلواعيالي مني اما زوجي فرأيه مختلف يقول دور وشقتين احسن اول مانسكن نأجر الشقق ونستفيد
وذا كبروا عيالي وانا شايب ابي عيالي يسكنون عندي كل يوم اشوفهم ويتقهوون معاي ويمرمرون علي وتعرفون الرجال مايدققون
ونا ابي قلوبنا على بعض نظيفه مع العيال وحريمهم وهذا ماراح يصير إلا باالبعد بس زوجي كسر خاطري
واحترت وعلى طول طريتوا على بالي لاخلى ولااعدم بس اسألكم باالله اللي يمر على موضوعي
يرد لاني ابغى اكبر قدر من الاراء زي ماانتم عارفين هذا قرار مصيري """"""مالي الا الله ثم زوجي ونتم