هذا سبب خيانتي لك

السسلام عليكم ورحمة الله وبركاتـه


كيف حالكم حبيباتي الغاليات اليوم كتبت لكم حاجه غير عن كل مره دورت في مواضيعكم ولفت

نظري موضوع حبيت إني أنبهكم عليه وأقدم لكم من خلاله نصيحة أتمنى إن كل وحـدهـ غافله عنها

انها تنتبه لها قبل فوات الأوان


اتمنى الجميع يستفيد منـه تفـضلو

دق جرس الباب :

أمل : يا هلا ومرحبا يا حيا الله من جانا
******************
وهج : الله يحيك عسا ما تأخرت عليك
********************
أمل : ناخرتي شوي بس معليش تفضلي حياك الله
*******************
في المجلس :
وهج : أموله لا يكون اليوم عزمتي احد ترى مالي نفس أشوف احد أنا جايه اليوم بشكي لك وفضفض
*******************
أمل : لا تخافين ما عزمت احد قولي لي و شفيك أنا حسيت من صوتك بالتليفون إن فيك شيء أكيد زوجك صح
******************
وهج : آه آه ياقلبي وهو في غيره جنني هالرجال ما خليت شيء ما سويته له وبرضوا عينه زايغه أنا أول كنت بس شاكه فيه لكن أمس سمعته بأذني محد قالي كنت بموت أنا كنت فاتحه البلكونه ومسكره الستارة وهو دخل ما شافني سمعته بإذني يكلمها بغيت أموت يقولها هلا والله حبيبتي إلي عمره ما قالها لي ويقول أنا ودي أشوفك تراني مقدر استحمل أسبوع على فراقك مدري وش أسوي مدري اطلب الطلاق وخليها تنفعه مدري وش أسوي المشكلة وعيالي وش أسوي فيهم أو أقول لأهلي أخاف يتهاوشون معه أو يذبحونه تعبت أمس حتىما اشتهيت أنام جمبه نمت في غرفت بنتي من القهر وسألني ليش ما رديت عليه ولا كلمته وهو ما يدري وش فيني
قلت أجي أقولك وش رأيك انتي صديقت عمري وش أسوي أصارحه وأقوله سمعتك أو اسكت وأموت في قهري
*****************
أمل : لا حول و لاقوه ألا بالله الله يهديه بس زين انك ماقلتي له
انتبهي اغلب الرجال عيونهم زايغه لكن بعضهم يخاف الله وما يشوف غير زوجته وبعضهم يضعف غصب عنه عشان كذا ربي حلل لهم الزواج من أربع وهج حبيبتي ادري انك مقهورة بس لا تتهورين وفكري بعقل مشاكلك أنتي حليها بنفسك لا تدخلين اهلك بالموضوع بعدين تكبر وتصير كبيره بعض الرجال حتى وهم غلطانين وعارفين أنهم غلطانين
إلا أنهم فيهم العناد و الرأس اليابسة نصيحة مني لاتقولين له
انك دريتي عشان ما يتمادى ويصير يكلمها عيني عينك و قدامك
********************
وهج : أصلا أنا كرهته ماني طايقه أشوفه ودي أقول له طلقني بس وش أسوي بالعيال

*******************
أمل : أنتي مهبوله تحسبين الطلاق سهل تضرين نفسك
وتضرين عيالك هو ماهو خسران شيء أنتي إلي بتخسرين اهلك ماهم نافعينك أبوك أو أمك أو إخوانك محد راح يدوم لك الله يطول بعمرهم بس خلينا نفكر بعقل أمك وبوك لو لاسمح الله صارلهم شيء وش بيصير حالك وخوانك مصيرهم بيتزوجون وبينشغلون بزوجاتهم وعيالهم وأنتي إليبتندمين يا شيخه والله لو عيالك راحوا يلعبون مع أصدقائهم وقالوا أبوي سوى وأبوي ودانا وجاب لنا
وهم ما هم عند أبوهم بتموتين أنتي قهر وعند الحريم كل وحده زوجي قال زوجي سوى والله إن ينكسر خاطرك
لا تتهورين وسمعي نصيحتي الحين أنتي بس من العصبية مو قادرة تفكرين اهدي وتعوذي من الشيطان
*********************
وهج : يعني وش أسوي أخليه يخوني وأنا ساكتة ما أقوله شيء
*****************
أمل : لا طبعا من يقول اجلسي ساكتة أنا ما أقول كذا لكن أقول شوفي وش ناقصة ليه زاغت عينه وش فيها ماهو فيك فهمت كذا اقصد
******************
وهج : وش ناقصة ما ني مقصرة بشيء ملابس مغسولة مكوية أكله جاهز عياله أنا إلي أذاكر لهم وأكلهم وأنومهم
وش يبي بعد أهله حاطتهم فوق راسي
*********************
أمل : الله يهديك يعني هذا إلي يبيه الرجال بس تغسلين ملابسه وتأكلينه كان اجل تزوج شغالة لا تزعلين بس هذه الحقيقة
الرجال الحين ماهم زي جدي وجدك ماهمه إلا بطنه وخلاص
لا طبعا يشوفون ها التلفزيون وألنت وغيره وغيره وعيونهم تروح من هنا ومن هنا وهالبنات الله لا يبلانا ترمي نفسها عليه وهي إلي تتحرش فيه أحنا في أخر الزمن الله يكفينا شره بس
*************
وهج : أمل بالله عليك أنا ماني حلوه شكلي ماهو حلو أنا راضيه ضميرك أنتي قولي لي
******************
أمل : حلوه وزي القمر بعد أنا ماقلت شيء بس بسالك
سؤال وجاوبيني بصراحة أنتي الحين في البيت تلبسين زي كذا وتكشخين زي كذا أو لابس عشان انك طالعه عندي جاوبيني بصراحة وش تلبسين في البيت
****************
وهج : في البيت لا طبعا أنا البس قميص بيت أو جلابية
وأحيان أكشخ البس بناطلين و تشيرتاتبس نادر
********************
أمل : وليه تلبسين قمصان بيت و جلابيات تقدرين تطلعين فيها برى البيت إلي تلبسبينها عنده ليش مالبستيها عندي
******************
وهج : امممم لا طبعا مقدر لأنها حقت بيت
******************
أمل : يعني تكشخين لناس وماتكشخين لزوجك حبيبك الي جاي تعبان شقيان وده يشوف حاجه حلوه حاجه تسر الخاطر الحين على كثر ماتشترين من هال ملابس كل عيد كل مناسبة
وأحيان بدون مناسبة ملابس ماركه وفخمه البسيها عند الناس وإذا خلصتي منها ولبستيها وبدال ما ترمينها البسيها عنده يعني هو مسكين ماله حق يشوف الزين هوالي يشقى ويكرف عشان يجيب لك هالفلوس وحارمته منها الحين شغالتك وش تلبس في البيت
****************
وهج : وهي تحك رأسها كأنها فهمت قصدي اممم تلبس قميص بيت
****************
أمل : يعني أنتي والشغالة نفس اللبس وماتبين عينه تزوغ
******************
وهج : بس ماهو شرط أنا اعرف حريم كثير يقولون إن زوجها مع الشقاله يا شيخه إلا هم أصلا عيونهم فارغة
*******************
أمل : تدرين بعض الشغالات الله وكبر عليهم أذا شافته
رفعت ذا القميص وطلعت ذا السيقان لا وبعد تسوي تمسح البلاط تنزل وتمد إلي أنتي خابره ويمين ويسار ويدخل ويشوف هالشوفه والله لوهو حجر كان ذاب أو تطلع على السلم والسيقان طالعه
وتمسح النجفات والي مايشتري يتفرج وإذا جاء يطلع باب أبي فازلين أبي كريم وتقعد تدهن ليل ونهار وزوجته الكريم يقعد عندها لحد مايخرب وترميه بالزبالة الله يكرم السامعين
وما تستعمله .... الشغالة تلعب مع بزارينه
وتركض وراهم وزوجته البزر لاجاء عندها ألسانها واصل
لأخر الحارة عليه تصارخ عليه كأنها رجال وتقول ليش يطالع الشغالة أنا لوابي اطلع بطلع لك ميت شيء أنتي شوفي وش ناقصة وسويه
*******************
وهج : والله يأمل مدري وش أقولك أنتي خليتيني أعيد حساباتي من جديد لكن ودي اعرف وشو بعد وش ناقصني
عشان أغيره المشكلة لو اسأله مايجاوبني كيف اعرف
***************
أمل : ماهو لازم تسألينه أنتي شغلي مخك واعرفي إلي ناقصك تصدقين ذكرتيني مره من زمان قرأت عن وحده كلمت زوجها بالتليفون عشان تشوف هو يغازل أولا أو زيكذا نسيت المهم وجلست تكلمه شهور وبعدين يوم اعترفت له طلقها يقول كيف عرفتي كلام ها لغزل أو انك ما كنت تبين تكلميني أنا وغلطتي طلع لها سوالف
********************
وهج : والله فكره ليش مأسويها منها اعرف وش لقى فيها
ومنها إني أخليه يقول الكلام إلي ما يقوله إلا لها
******************
أمل : والله منتي بصاحية وش ها التفكير أقولك طلقها تبينه يطلقك يا مجنونه
*****************
وهج : أنا مراح أقوله إني أنا بخذ إلي أبي واتركه
******************
أمل : يا سلام وإذا كشفك والله ما تلومين إلا نفسك أنا غلطانة إلي قلت لك
***************
وهج : وكيف بيعرف إذا ماقلت له
******************
أمل : في واحد مايعرف صوت زوجته أكيد بيعرفك من أول الو ما أنتي كل يوم تكلمينه جيب حليب وجيب بامبرز وطلباتك ما تخلص جيب وجيب
*****************
وهج : ايوا بس كل يوم اكلمه عادي الحين باتميع يعني ادلع
عليه وسوي نفسي زي هالمايعات الي مايستحون
******************
أمل : الحمد لله انك اعترفتي انك تكلمينه عادي هالمايعات
الدلوعات إلي مو عاجبينك هم إلي يأخذون قلوب أزواجكم
بس هم بالحرام
********************
وهج : خلاص اجل أنا بأخذ قلبه بالحلال
********************
أمل : بس ترى إن تطلقتي أنا مالي دعوه أنا قلت لك بيكشفك
وقد اعذر من انذر
******************
وهج : بتشوفين وأنا بقولك وش صار أول بأول
******************
وهج : رحت البيت وكلام أمل يدور في راسي معقولة أكون أنا السبب في تغير زوجي وأبو عيالي معقولة إني أنا مقصرة في حقه مادري ماكنت مقتنعة ميه بالميه
خلعت ملابسي ورحت المطبخ سويت عشاء وعشيت العيال
ونومتهم وجلست معاه كان جالس يشوف الأخبار في التلفزيون على العربية وكانت الساعة تقريبا 10 بالليل
قلت له :

وهج : يالله أحس إني فيني نوم شكلي بروح أنام
***************
زوجها منصور : تنامين من الحين اجلسي يا شيخه
الحين بيجيبون برنامج مره حلو تعالي لاحقه على النوم
****************
وهج : معليش تعبانه حدي بكره اجلس معاك بس الحين بروحأنام
********************
وطلعت غرفتي وسكرت الباب وكان عندي شريحة جديدة مايعرف رقمها هو اتصلت عليه وغيرت صوتي
******************

وهج : بدلع ومياعه الوووووو
*****************
منصور: مرحبا مين
***************
وهج : هذا جوال جودي
***************
منصور : جودي لامو جوالها هذا جوالي
*****************
وهج : كيف مو جوالها إلا جولها هي عطتني رقمه
****************
منصور : اللهم طولك يا روح يا بنت الحلال أقولك جوالي أنتي تفهمين ولا ما تفهمين وسكر الخط
*****************
وهج : اتصلت من جديد وبمياعه اسمع أنت أكيد أنت سارق جوالها وتسكر في وجهي بعد الله يسامحك
****************
منصور: وش قصتك أنتي فاضيه ماعندك شغله وتتسلين فيني
*****************
وهج : بصراحة ايوا فاضيه ماعندي شيء وكنت بسولف مع جودي بس مدامك أخذت جوالها أنت مجبور تكلمني
*****************
منصور: هههههههههه ههههههههه والله انك نكته يالله طيب
أمري وش تبين
*******************
وهج : ما يأمر عليك عدوا أنت متزوج أو أعزب
***************
منصور : هههههههه حلوه هاذي أعزب لا متزوج وأعول خخخخخ
*****************
وهج : وين زوجتك جمبك أو لا
***************
منصور : لا طبعا ماهي جمبي لوهي عندي ما عطيتك وجه نايمه
***************
وهج : مسكين جالس بالحالك كسرت خاطري
****************
منصور : شفتي أنا مسكين إلا أنتي وش اسمك
*****************
وهج : تفاجئت بسؤاله اسمي ااااااا
*****************
منصور : أشفيك نسيتي اسمك
*****************
وهج : يوه لا طبعا اسمي دلع
****************
منصور : دلع يادلع اسم على مسمي
*******************
وهج : وأنت وش اسمك
******************
منصور : اسمي نواف
*****************
وهج : ههههههه اسمك نواف والله حلو اسمك هذا اسمك صدق ولا اسم مستعار
******************
منصور : لا وش مستعار طبع اسمي إلا مقلتي لي وش لابسه
*****************
وهج : كنت لابسه قميص بيت عادي جدا فقلت له لابسه
برمودا جينز وبدي اصفر
********************
منصور : ووووووو روعه ليتني أشوفك
*****************
وهج : ليش زوجتك ما تلبس كذا
******************
منصور: زوجتي آه منها لاما تلبس كذا تلبس قميص بيت كأنها شغالة أو جلابية كأنها حرمه عجوز مع أنها ماهي كبيره بس هي كذا
****************
وهج : يا لله كأنه عطاني كف على وجهي فعلا كلام أمل
في محله كيف ما انتبهت أنا
****************
منصور : الو دلع وين رحتي
*****************
وهج : ايوا ايوا معاك بس ليش أنت ماتقولها طيب البسي
يمكن أنها مسكينة ما تدري
**********************
منصور : وش أقولها ولا وش أقول خليها بس على الله
********************
وهج : ياه شكلك تعاني منها فضفض لي فضفض عشان ترتاح وش بعد ما تطبخ لك أكلك ماتغسل ملابسك ماتهتم في عيالك ما تذكرلهم
*****************
منصور : هي أصلا ماهي فالحة إلا في كذا ما تفهمني ما تهتم فيني أجي من الشغل تعبان هلكان ما تستقبلني ما تقولي هلا حبيبي الله يعطيك العافية أول ما تشوفني ولدك كسر هذا ولدك تهاوش مع اخوه البنت ماذاكرت و راسي يعورني ظهري انكسر من الغسيل وأنا اطفش من ها الشكاوي أجاملها مره مرتين بس ما تنعطي وجه على الغداء ولا العشاء
ترى الرز خلص ترى الولد يبي إغراض المدرسة ترى فاتورة الكهرباء جت ترى وترى و ترى لحد ما طفش وأقوم من السفرة وإذا جيت أقوم بدال ما تتندم
أنها نكدت علي تدرين وش تقول
************************
وهج : وأنا شوي وابكي ما كنت انتبه لها الأشياء ابد
قلت له وش تقول بعد
*********************
منصور : إذا جيت بقوم تقولي وشفيك قمت ما أكلت
ليش ماعجبك أكلي أكيد انك أكلت بره أقولها والله ما كلت شيء يا بنت الحلال تقولي اجل وشفيك ليش أنا تعبت نفسي
وجالسه اطبخ من الصبح لمين
أعوذ بالله خليها على الله بس يا بنت الحلال
**********************
وهج : وأنا دموعي صارت على خدي أثاري الرجال يعاني مني وأنا يا غافلين لكم الله قلت له الله يكون بعونك وبعد
*******************
منصور : وشو بعد نجلس يعني نسولف عنها طول اليوم تكفين جيبي لنا سيره تفتح النفس إلا ما قلتي لي كيف شكلك أو صفي لي
*****************
وهج : وصفت له شكلي زي ما هو وتفا جئت انه قال الله
شكلك روعه وهو عمره ما حسسني أني حلوه و عاجبته
**********************
وهج : شكل زوجتك دبه أو سمره أو شكلها مو حلو صح
*******************
منصور : بالعكس زوجتي حلوه مره لا كنها ما تطلع ها الحلاوة إلا عند الناس إذا جينا نروح السوق ما تخلي ماكياج ولا ملابس ما تشتريها وكلها لناس وأنا مالي إلا القميص ألمهري حق البيت والشعر كشه أو كعكه ما أشوف طوله إلا بالمناسبات استشوار وحركات والله لو ما أتعوذ من الشيطان كان ماخليها تروح للمناسبة كان أخليها تقعد عندي بس عشان مره من نفسي تتكشخ لي وبس ترجع على طول تشيل كل شيء الاكسسورات و الماكياج واللبس
*******************
وهج : انصدمت صدمه هزتني هز فعلا كلامه صحيح كيف أنا مافكرت فيه ما لومه يوم يسوي كذاقلت له الله يكون بعونك بس المفروض انك تقولها يمكن مانتبهت أنت نبها
*****************
منصور : هذه أشياء ما يبغالها نباهى المفروض هي تحس
******************
وهج : طيب أنت كيف تعاملها يمكن عشانك ما تمدحها ما تشجعها
*******************
منصور : وش امدح اكذب يعني مافيه شيء يخليني امدح لا لبسها لاريحتها تسوي الاكل وتجي ريحتها بصل وثوم تقلب الكبد ماشتهي حتى اقرب منها
****************
وهج : طيب الحين أنا بسكر وبعدين أكلمك
*****************
منصور : أنا في انتظارك
*********************
أقفلت الخط وبكيت بكاء معقولة كل هذا فيني وأنا مو داريه واحسب إن ما فيه زي مصدومة وبكيت وأنا على السرير
لحد ما نمت من كثر البكاء وقمت الصباح جهزت الفطور
وفطرت الأطفال وفطرته وراح العمل وبعدين سويت له الأكل وحطيته بصحون إلي كنت مخليتها لضيوف وحطيتها له وأخذت شور ولبست فستان قصير سكيني واستشورت شعري وحطيت مكياج ناعم وتعطرت بعطر رهيب كنت ما استعمله إلا في المناسبات وجلست انتظره وأول ما دخل قلت له :

وهج : هلا والله بحبيبي أبو عيالي الله يعطيك العافية وتعلقت في رقبته وبسته
****************
منصور : وهو طاير عيونه الله يعافيك هذا بيتنا ولا أنا غلطان
*******************
وهج : لا يا قلبي ما أنت بغلطان هذا بيتك وأنا زوجتك حبيبتك ما عرفتني
*********************
منصور : أخذني بحضنه وحسيت بقبله حارة طالعه من قلبه وقال
هلا و الله بالغالية وينك من زمان
**********************
وهج : وصرت اهتم فيه وغيرت معاملتي معاه وحسيت انه تغير كثير صارت طلعاته اقل بكثير من أول وصار يهتم فيني
وحسيت انه رجع زي من أول يحبني ويخاف علي وعرفت إني أنا إلي كنت السبب في تغيره وتجاهله لي وبعد أسبوع
اتصلت فيه على إني دلع وحاولت اكلمه مرتين وثلاث وأربع
لكنه كان يرفضني وأخر شيء تفا جئت بأنه أرسل لي على
موبالي إلي كنت اكلمه دلع وقالي في رسالة :

خلاص صار الدلع كله عندي مالي حاجه فيك وهج حبيبتي رجعت لي من جديد لا تحسبين إني ما كنت أعرفك مو معقولة
أتوه عنك وأنتي زوجتي وأم عيالي بس كنت بعلمك درس ما تنسينه والحين أنتي عندي بألف وحده احبك
زوجك منصور

وهج : يالله انحرجت كان عارف إني أنا بس يبي يعلمني
درس وفعلا تعلمت منه درس عمري مراح أنساه
انتهت القصه



منقول

وياليتنا نتعظ خخخ