هذا سبب مقنع لرفض الزواج وما النصيحه ؟

الطبخ بسيط جداً انا اطبخ وكذلك زوجي خبير طبخ انواع الكبسات والايدامات

تسلمي على ردك :)

⬇

رفع

عمر الطبخ ماكان سبب للرفض
وياكثر الوصفات بالنت وبالكتب اللي ماتعرف بتصير حررررررريفه طبخ
انا ماكان داك الزود بس الحمدلله اتعلمت واتعلمت الين ربي يسرلي امري
وادا كل وحده بتقول مابي الزواج عشان ماعرف اطبخ عزالله محد تزوج الا القليل
تقبلي مروري يالغاليه

تعرف تطبخ او ماتعرف البنت رفضت وخلاص لاعاد تحللون سبب رفضها
لو لها نصيب مع اخوكم بتاخذة حتى لوها رفلة

موضوع الرفض او القبول هذا شي من حق البنت ..
ان قبلت كان بها ..
ماقبلت براحتها واصلا مافي داعي من السؤال عن سبب الرفض ..
كون انهم قالوا انها ماتعرف تطبخ لمن جاهم السؤال البايخ اللي ماله داعي .. اوكي فين المشكلة ؟؟
يمكن تعرف تطبخ وفنانة آخر فن .. بس ماتبغى تسكن مع اهل الزوج .. من حقها !!
احتمال ان اهلها ماحبوا يقولوا السبب الحقيقي لان زي ماقلتي قليل عندكم اللي يسكنوا لحالهم ..
فكروا ان الكلام في الموضوع هذا ماله داعي وبيكثر الكلام فيه والاخذ والرد
شكل البنت مالها رغبة في الزواج من قريبكم .. فقالوا ان البنت ماتعرف تطبخ وخلاص ..
انهوا الموضوع بطريقة تقفل اي باب للكلام في موضوع مرفوض من الاساس
قصة ايش بتسوي لو تزوجت وسكنت لحالها وهي ماتعرف تطبخ
كيف بتعيش مع زوجها .. كيف بتدبر امورها ..
شي يعنيها هي واهلها مالأحد دخل يشيل همها !! عندها اهل يفكروا لها ويهتموا بمشكلتها ..
وعلى فكرة .. البنت لمن تتزوج وتسكن لحالها مع زوجها يمشوا حياتهم بكيفهم وبراحتهم
بتتعلم تطبخ وتغسل وتسوي كل شي برغبتها وهي مبسوطة ..
بتخدم نفسها وتخدم زوجها المسؤولة عنه امام الله ..
اما تطحن نفسها وتنهلك في بيت اهل زوجها ؟؟ صعبة تلاقي بنت تتقبل هذا الوضع
والسكن مع اهل الزوج اساسا مامن وراه الا المشاكل ..
في الاخير بعد سنة والا سنتين بيطلعوا يسكنوا لحالهم بعد مشاكل طويلة عريضة
بكذا تكون خسرت احلى ايام حياتها اللي هي بداية زواجها قضتها وهي مقيدة في حريتها ومكروفة في بيت مو بيتها
وطلعت سكنت لحالها بعد ماخربت علاقتها باهل زوجها بسبب المشاكل ..
بلاش من هذا كله من البداية وخلاص ..
بنات هذي الايام متعلمات وفاهمات ..
ماتوا اللي يرضوا يعيشوا مع اهل ازواجهم ومايكونوا متضايقين ..