هذا سحيله وهذا خلاقينها-اللي تعتني ومايبين فيها العنايه والعكس

بنات مثل ماهو واضح بالعنوان
تعبت ومايبين العنايه فيني
ممكن شوية نعومه فقط
لكن ابي توحيد بالبشرة + بشرة جسمي باهته مطفيه كانها وصخه
لوني حنطي فاتح وبسبب النفسيه وتعطل زواجي وبلا وظيفه اهملت حالي جدا جداً جداً

احس ماتزوجت للسببب هذا مع ان ملامحي حلوه
حتى بالوظيفه ولما اروح للسوق ولما افكر لما اتزوج واجهز ولما اختار ملابس لي دايم انتبه اغطي عيوب بشرتي اهمها الرقبه
خاطري اشتري ملابس وتكون حلوه علي او صندل مفتوح وحلو على رجلي
احس الناس تغيروووو وصار يهتمون كثير بالاناقه والنظافه وعلى هالاساس بختارون زوجه لولدهم او اخوهم
اشوف بنات متزوجات وعندها عيال ولون جسمها يفتح النفس صفاء ونعومه وتوحد باللون الابط والرقبه نفس الشي
الركب بححح بنات اشوفهم بالحفلات والزواجات متوحده والجسم مشدود حتى دبه ومعدتهم يابسه مشدوده وعندها عيال
يعني مافي مجال لاي بنت تتعذر من زوجها لان كل مكان يشوف بنات انوووووثه ولون يطير العقل مو شرط بياض انا ابي افتح درجة درجتين لمناطق بجسمي لكن تعبت تعبت مافي تحسن ملحوظ
بقولكن مشاكلي:
رجلي القدم = تدرج بيج وبني ورجلي الثانيه كبر الهللله بقعه لونها بني غامق
منطقة الرقبه = سواد وخطوط زي التجاعيد من ورى حلم حياتي ارفع شعري واللبس بلوزه مفتوحه
قسم بالله من طفولتي البس بلايز لها ياقه من ورى واذا فستان مفتوح اغطيه بشعري
جربت كريمات طبيه + خلطات طبيعيه + اسكينول + ليمون فرك تطلع لي حساسيه وتحمر وتركها
وترجع تسود حتى كريمات فيراندلفي وكيلي جربتهم اصلا صرت اخلط وانا عارفه ماراح تفيد
زي العقد حولها من قدام الرقبه من الخلف ورى الرقبه سواااااااد على لون رمادي كانه وصخه لو افركه مافيه وصخ

من قدام زي انعكاس الظل لون رمادي ومن ورى الرقبه شعررر

منطقة الابط= حساسه جدا وخشنه لان مره انحرقت بسبب الليمون وجربت لها مزيل عرق بيزلين مانفع وجربت كريم هاي كوين هيدركينون ومانفع وجربت دوكين فورت ونفس الحال جربت خلطة زيوت وليمون ومانفع واشياااااء كثيره والنتيجه زي الخريطه اسمرار واضح ماقدر ارفع ذراعي بثقه يصير واضح مكان المنبت الشعر اسمرار مع اني جربت حلاوه وجربت ليزر والاسمرار زي ماهو
الركبه = لما اوقف تطيح الجلد من الفخذ على الركبه فهمتوا قصدي مو مشدوده ولا هي ناعمه + سواد وجربت ريفير + كريمات طبيه+ سمن نباتي+ جربت فازلين وكركم
+ الحساسه = سواد واسفه على هالكلام بس المنطقه صارت ذابله يمكن لاني انحف واسمن
سلوليت كل جسمي : تخيلتوا كيف ؟ كل جسمي بدون مبالغه من الذراع وبطن وفخوذ حتى السيقان = سيقاني فيها طعجات زي التكسير وهالشي حزني على حالي
يعني الفخوذ تحملت اقدر اداريها لكن الساق مشكله
الارداف = لاصقه ومطعجه وغير السواد وجلد الوزه
مشاكلي اسمع بنات نفس وضعي لكن فيه احد قدرت تغيرها ؟
اول كنت اعتني وتبين العنايه فيني الحين مهما سويت من تغذيه وصوابين وخلطات اجلس اسبوعين ماتبين ادري اسبوعين مو كافيه انا ماقصد التغيير لكن لو الاحظ تحسن شي بسيط يحمسني اكمل
ارجع للكسل والخمول والاحباط كل ماشفت جسمي
لاني مشيييت وصار جسمي من تحت انحف من فوق والمعده مترهله والكرش متهدل مع اني مانزل وزني الا شي خفيف لكن من جهة الحوض كنت عريضه ومرتب جسمي الحبن فخوذي نحفت واااااجد ومليانه سلوليت ومو مشدوده
وجهي : حنطي وجربت كريمات انواع واشكال كان ابييض الحين لونه بيج غامق مايتغير مهما اعتنيت ماصير بيضاء ومافتح ولا حتى درجة
على فكره يابنات كنت من اشد الناس عنايه ببشرتي من عمري في متوسط ووجهي كم مره اسمع تعليقات من حولي وجهك مثل اللمبه وابيض ومليان والحين نحفت خدودي ووجهي زي الي ذبل وخطين متعرجات كان الوجه طايح فهمتوا قصدي يعني لما تكون بنت وجهها منفوخ وتنحف تطيح الخدود
شفتوا وش كثر مشاكلي ؟
هزئوني ابي اعتني بحالي ابي اتشجع ابي تغيير هنا كثير يكتبون برامج اطبقها ومخاسير مابين صيدليه وعطار وانا هو انا ماتغير شي ليييييه؟
تتوقعون العمر له دور؟ او الجلد البشرة صار كبير ومايستجيب لان عمري فوق 33 سنه
هل الهموم له دور؟ لاني دايم معي اكتئاب واحباط
هل تتوقعون اتوهم احيانا احس ابالغ لكن والله مو كذا لكن بعد ماشوف مقاطع البنات احس اني مو انثى وفي هالوقت الرجال مايهتمون بجمال الوجه كثر جمال البشرة ونعومته والجسم مشدود وفاتح متوحد مو شرط بياض لكن انا كل مكان دون حتى رجلي من برا امد ساقي لون والقدم من برا لون على لون باهت وتجي ناعمه وجلي لكن تجاعيد وتسفط وتبقعات وتصبغات والله كذا لون وحدود الصندل وربي مع اني حطيت احلى خلطه بالمنتدى توقعت نتيجتها واااااو وهذا اسبوعين ولا تغير بنسبة ولاحتى واحد بالميه 1٪
انا مابي خلطات مليت من كثر ماسجل واكتب واجمع من هنا ومن مواقع سواء خلطات كريمات
صيدليه ودكتور وعطار انا ابي اعرف وش السببب
ابي بعد احد يهزئني اني اواصل ومازهق وارمي الخلطات وياكثر ماصارت لكن لاتلموني مافي نتيجه تحمس وتشجع
جربت دلكه وخلطة شسالفه وخلطة فيها دوف وكولونيا وخلطة الجليسوليد وليمون والخ
خلطة كريمات فازلين وجليسوليد وجلسرين ولوز زيت وكوكو بتر ووووو
خلطات والله انواع واشكال حتى وربي خلطة كريمات اللي فيها ديرموفيت وكيلي وووو
اول احط على يدي اصحى الاقيها ناعمه الحين مكرمشه وخطوط كنها يد وحده عمرها 90 سنه
مع اني اول ماهتم بالتغذيه والماء والاكل الصحي لكن نفسيتي افضل من الحين ذبحني الاحباط والاكتئاب والتفكير بهم الزواج
اصحى ابي اسوي رياضه وامشي لكن مافي اي حماس اصحى من النوم عارفه كل روتيني
لاتقولون غيري وبدلي لي سنييين عاطله جربت كل شي وظروفي ماتسمح اطلع ولا اجي بين الجدران الحمدالله يارب
ولاصديقات وقليل اطلع لمناسبات زواج واهلي مايطلعون .. انتظر الوظيفه يارب عوضني
اسفه ثقلت عليكم سامحوني لكن حبيت اوضح كل شي لكم
وابي يابنات اتخيل اني عروس بعد شهر احيانا ً اتحمس اقول كيف بتقابلينه كذا وارجع بعد فتره ازهق لان ولا نتيجه بانت مدري هالشي صح او لاا
ناويه بعد ماخلص هالخلطات تقريبا بعد اسبوعين
بسوي خلطة شسالفه في النهار مع بدلة السونا واتروش واحط بالليل خلطة كريمات جليسوليد ولوز وماي ورد وزبدة بالمرز وش رايكم؟ لان حتى خلطة شسالفه استخدمتها بالليل ونمت عليها بدون فتيده فقط نعومه
وعلى فكره كنت مسويه برنامج ايام البرد قبل اسبوعين واتسبح واتفرك بصابونة وليفة بودي شوب كل ليله ماستفدت شي بس حوسه على الفاضي وترى كنت مابين كل فتره اسوي مغربي ودلكه
الدلكه ماناسبتني لان حناء صبغت ببشرتي اما المغربي والصوابين يطلع مني
كيف تحمسين نفسك والله مازعل هزئوني انصحوني ساعدوني


يارب من ترد علي وتنصحني او تدعيلي يارب يارب يارب بشرها بفرحه تسجد لك
حقق مناها وفرج همها واسعد قلبها:33: