هذا سر حزني ... اللي ما اقدر اقوله لاحد ... فهل أنا معقده ؟؟؟؟؟؟

السلام عليكم ،،

أختي أنتي مش معقدة بس شكلك ناويه تتعقدين
ليش تشلين هم الزواج ، بعدج صغيرة مثلي <<<<< ههههههههههه
أنا بعمرج تقريباً .
ورغم أن صديقاتي اللي حوالي متزوجات ، وحضرت بعض أعراسهم
وشعرت أن الموتور أقصد القطار فاتني ، ومع ذلك ما حزنت وغميت نفسي
لاني متوكله على الله ، ومش منتظره أحصل كل اللي أبيه بهالدنيا
والله العالم شنو المكتوب لنا .
وآخر عرس حضرته كان لبنت جيرانا اللي تصغرني بسنتين وكنت ألعب معها
رحت وتكشخت وسولفت وضحكت مع أهلها وخواتها عادي
شوفيه الامر عادي ، وبتخلين الناس ينظرون لج بنفس النظرة.

اختي انت مو معقده لكن تعرفين الحاله النفسية وانت تشوفين اللي قدك واللي اصغر متزوجين وانت لسه ماجا النصيب
الله يوفقك اختي وتلقين ولد الحلال اللي يحبك ويحترمك :26:
لاتعزلين نفسك لمجرد انك لسه ماتزوجتي بالعكس احظري الزواجات واكشخي والبسي ولا عليك يمكن تشوفك وحده وتعجب فيك وتخطبك
ترا اكثر التعارف والخطب تتم عن طريق الزواجات والا كيف تبين الناس يشوفونك:42:

ياقلبي ليه تتعقدين ...وربي مالحياة كلها زواج ...
وعلك ملكة جمال أو مكمن الشين كله ...هاذا امر ماله علاقه بالزواج نهائي والله ان الزواج قسمه ونصيب مثل اي رزق اخر والزواج يالغلا قد يكون احيانا شر لأصحابه وأبتلاء لهم ...
أحمدي ربك وعيشي حياتك ربي أعطاك من الخير الكثير اللي ماأعطاه المتزوجه لاكن أبحثي عنه ..
صداقاتك حاولي تكون مع بنات من نفس أهتماماتك ..أنخرطي بهوايه معينه او مجال عمل معين ..
شوفي مشاكل المتزوجات واحمدي الله انك بنت شابه مؤمنه بالقضاء والقدر خاليه من مشاكل الزوج والأبناء ....
يالغاليه وقد يكون الله اخر زواجك لحكمة ...او يريد ان يرسل لك من هو افضل من من تقدم لكي ..لاتكثرين دخول مواضيع التحطيم والتي جعلت من الزواج جنة وطموح وغاية الفتاة..وحاولي الدخول في المواضيع المتعقله المتفهمةللحياة اكثر ...
وايضا وليس باخيرا عليك بالدعاء ...واللجوء الى الله سبحانه وتعالى.. فهو مجيب المظطرين سبحانه..

آآآآآآآآآآآآآآآآآآآآة جيتي عالجرح
الله كريم هذا شي ماهو بيدك ولا بيدي
انا نفس حالتك تماااااما ومن كان عمري 17 سنه تخيلي

شكيت اني كاتبة الموضوع :(