هذا شي يهم كل اللي بعيد عن اهلها ومسافره لهم هالاجازه

جزاااك الله خير

عني انا اخذ ورقه وقلم وكل ماتذكرت شئ اسجله

واذا ما بقى على السفر الا يومين او ثلاثه

ابدأ ارتب شنطتي

وسلامتك

ان زيك اكتب بورقة وقبل السفرة بيومين ابدا اريب الشنط
والله يعيننا بالاجازة شغلتنا الشنط نسافر لاهلي بعدين نرجع بعدين نسافر نتمشى بعدين نرجع بعدين نسافر لاهلي اخر الاجازة وعلى هالحال

يووووووووووووووة لاتذكريني تكفين والله اني اكره الروحات من هالنقطه ..

الله يلحقنا للاجازه على خير ,,, خصوصا السنه ذي عندي ولاده وان شا الله ارجع لبيتي العزيز وانا بصحه و سلامه ,,,,اللهم امين

المهم انا عندي شنطتين حجمهم وسط للملابس وحده لملابس السهره مع شنطهم و اكسسواراتهم و جزمهم وعبايه ومسفع لسهره في كيس العبايات ,,, والشنطه الثانيه للملابس العاديه والطلعات البسيطه مع الملابس الداخليه ,,,, وشنطه ثالثه صغيره للكريمات والمكياج مع خرابيط الشعر ( استشوار + فير + المكر + المكر الكهربائيه + البنس + ,,,,الخ ) وكذا ارتحت احسن بكثير من شنطه وحده جامعه الحوسه هذي كلها ,,,,

الملابس ما احب اكثر منها خصوصا حقت البيت وانا من النوع احب اقضي للعيد من الصيفيه علشان كذا لازم اخلي مساحه للاشياء الجديده

ملابس السهره و الطلعات احط كل بلوزه مع تنورتها او بنطلونها او التوب الي البسه معاها واطبقها مع بعض علشان ما اجلس ادور عليه وعلشان انتبه ما انساه

الجزم ( عزكم الله ) كل زوج احطهم بكيس واحد

شنط اليد احط فيها بلايز خفيفه او قطنيه و ستيانات السهره والسبب ...... اولا :علشان انفخ الشنطه ما تتصفط و يخرب شكلها ,,, ثانيا : علشان ما اضيع الستينات

الكريمات والشامبو وحلاوه الشعر اغلف كل واحد بكيس علشان مع الحراره ما يتمدد ويطلع برى العلبه

,,,,,,,,,,,,,,,,,,,,,,,,,,,,,,,,,,,,, واذا ذكرت شي بكتبه

وينكم نسيتو البيت لا رحتو وخليتوه ولا رجعتو انواع الغبار وانواع الروائح من الحمامات والمطبخ

اقولكم طريقتي في البيت قبل لا اسافر لأهلي
1- الحمامات اعزكم الله اغسلها بالكلوركس واسكر واصب في كل فتحت بلاعه شوية ديتول عشان الديتول يقتل الحشرات اللي بتطلع من البلاعات واسكر المرحاض الفرنجي واسكر المرحاض الأرضي بأغطيه متوفره حتى عند محلات ابو ريالين عشان ما تدخل حشرات او فيران
والمطبخ نفس الحكايه
2- كل الكنبات اللي بالمجالس اغطيها بشراشف عشان الغبار وانتو عارفين بيئتنا صحراويه يعني انواع الغبار
3- جميع السجادات اطويها خصوصا الغاليه
4- اذا كان عندك شموع وانتي في منطقه حاره على طول في الثلاجه عشان ماتميع من الحراره
5- كل النوافذ اتأكد من انها مسكره وبأحكام
6- الثلاجه : تتخلصين من الأكل اللي على طول يفسد مثل الخضار وغيرها من الأكل اللي ماله داعي وتمسحينها واذا ماله داعي تبقى مفتوحه سكريها احسن وامسحيها بخل وحطي فيها قطعة فحمه عشان ماتطلع ريحه وخلي بابها مفتوح شوي
7- تسكرين فتحت الباب من تحت بأي قطعة قماش ما تحتاجين لها
ارجو اني افدتكم ولو بقليل واذا تذكرت شي قلت لكم