هذا ...... صار لي بأول يوم::::( رمضان )::::

السلام عليكم ،،
مثل كل يوم رحت الدوام وطبعا كان يوم مميز أو المفروض لانه أول يوم برمضان المبارك
بس أقسم بالله أني ما حسيت فيه فقدت طعمه والسبة من اللي
سووه فيني حسبى الله عليهم أستغلوا فرصة أستنئذان من العمل
باليوم اللي قبله نقلوني من مكتبي الى مكتب ثاني أخيس وأبعد مكان لا ويطل على مكاتب الموظفين الشباب بالدخلة والطلعة أصير فرجة للجميع .
يعني تصور دخلت مكتبي وأنا أشوف أغراض غير وكمبيوتر مبدل
وبعد السؤال بلغوني أن صاحبة المكتب الجديدة تقولي روحي أغراضج
بالمكتب اللي برا ، أنا جننننننننننننننننننننننننننننننننن جنوني كنت بقط
أغراضها بالقاع ، بس عرفت أن هذا التغيير جاء من فوق
وانتظرت المدير ودخلت عليه وانا ودي أفترسه بدون مقدمات
قلت له ليش مغيرين مكتبي قال: مكتبج في نفس المكان ما تغيير بس بحط بالمكتب معاج سكرتيرتي أهنيه جينا لمربط الفرس سألته عندكم مانع من تسكري باب المكتب ( لانه أنا كنت أسكر باب مكتبي ، واللي خبري خبركم يحبون المسخرة أبواب مكاتبهم مفتوحة )
المهم بكل خوف قال : لا عادي ما عندنا مانع .
قلت الحمد لله وارتحت ، فجاءة وبعد تفكير من المدير ناداني أنا ووحدة من الموظفات
وقام يكت لها الكلام وهي تكت الكلام لي ، يجوني يمين يسار يقنعوني أترك المكتب
للسكرتيرة اللي بيحطونها ، وأنا أحاول أمسك أعصابي عنهم وأقولهم يشوفون لها
مكان ثاني ودخلنا بمتاهات وحوار ما له أول ولا تالي وأنا معصي ولما عيز فيني لمحلي
بصلاحياته كمدير بنقلي وتقبيضي الباب وأنا أطالعه بكل تحدى وأقول في نفس في أمك خير سوها فينا ، وهو يطالع الموظفة اللي معانا والكلام لج ياجارة >>>>
وأنا ما قصرت فيه أقوله أو بمعني أصح أقول للموظفة والكلام لك يا جارة
أنا ما أكمل شغلي الا في مكتبي وأذا ما توفر لي ما أشتغل .
وطلعت محترة منه لانه مش واقف معاي ، ورحت جلست بمكتب الموظفات اللي يتسمون
زميلات العمل ، ويطرش لي المدير شغل لي مع الفراش وارجعه له صاحي يبيني أشتغل له
بعد ، دخل سألني ليش ما سويت الشغل اللي طرشته لج ؟؟ رديت عليه أنا ما عندي هنيه كمبيوتر عشان أشتغل ، وقال خل العصبية عنكم وراح .

بالله عليكم هذي يوم كنا صيام فيه ، ما حسيت الا بعيوني مغرقة بالدموع وحتى بعد الفطور مالي نفس لشئ
:icon33:أستغفر الله العظيم ،، :icon33:
طول اليوم أفكر باللي بيستوى بعده وكيف أقدر أقعد مع سكرتيرته اللي ما تدوم الا
بالحسرة وغير جذيه فري تفتح باب المكتب على طول غير ( سمعتها المعطرة ) ؟؟ لا واللي نكد على كل الموظفين الشباب واقفين معاها في فتح باب المكتب ، قال شنو ؟؟ يستحون مني لما يدخلون المكتب وأنا مسكره الباب والمكتب محتاجينه عشانه مجهزة بالفاكس والبداله اللي لازم تستخدمها السكرتيرة الجديدة .
حسبي الله عليهم ، أنا كنت ناويه أقعد وأناحس السكرتيرة واسكر الباب وما علي من أحد
بس بعد كل اللي صار والكل ضدي بشتري راحتي وأبتعد عن المكان وبقعد مؤقت عند مكتب الموظفات الي أن يمنى الله علي بمكان أكثر أحترام وتقدير .
الله يكفني أياهم كيفما شاء ، اللهم آمين .
خلصت فضفضة .
هاه عساكم يا بنات بخير وعافيه "" كيف كان يومك الاول برمضان ؟؟ ""