هذا عقاب اللي تكلم ريال متزوج

السلام عليكم ورحمة الله وبركاته
هلا وغلا بأخواتي الحبيبات الصراحه حبيت اطرح مشكلة صديقتي اللي ياما نصحتها بس بدون فايده وشوفوا اخر شي شو صار لها :(
تعرفت عليها من ايام الابتدائي وصرنا ربع الى الاول ثانوي بس بعدين تركت الدراسه علشان جاها دور ثاني المهم انقطعت من المدرسه وانا بسبب الدراسه انقطعت عنها ماقمت اتصل لها ونسيت رقم تيلفونها وبعد ما خلصت الثانويه العامه وبالتحديد ايام النتايج عاد كنت مستانسه اني نجحت تذكرت صديقتي لان صارلي فتره مادري عن اخبارها كنت ابي اعرف شو صارلها بعد ماطلعت من المدرسه قعدت ادور رقمها في كل مكان عفست البيت فوق وتحت والحمدالله لقيت الرقم والله من فرحتي ماصدقت طيراااااااااان على التيلفون لاني كنت ولهانه عليها حيل والحمدالله لقيتها وهي ماصدقت بعد اني اتصلت لها استانست واااااااااايد المهم قعدنا نسولف سألتني هاه مانخطبتي وكنت وقتها مخطوبه قلت لها بلى انخطبت وانتي قالتلي لا:44: قلت لها ان شاءالله بيج نصيبج وبتنخطبين المهم طلبت مني ازورها ورحت لها وأول ما شافتني قالتلي ماشاءالله عليج محلووووه :32: قلت لها احم احم اكيد بعد صدعة الدراسه هههههههههههه المهم قعدنا نسولف المهم في هذا اليوم ما لاحظت شي بعد عدة مكالمات بيني وبينها انصدددددددددددددددد مت :06: اكتشفت ان صديقتي على علاقه مع شباب :( اهي بنفسها قالتلي حتى اسلوبها تغير كلامها كله عن الجمال ومادري شنو المهم عرفت ان صديقاتها اهم السبب وهم اللي خربوها :44: حاولت انصحها عدة مرات بس بدون فايده تزعل مني واحيانا تسكر التيلفون بويهي واحيانا تقاطعني فتره طويله بس ما يأست استمريت انصحها لدرجه انها احيانا تبجي من كلامي . مرت الايام وتزوجت وهي على حالها ماتغيرت لدرجه انها قامت اتكلم شباب متزوجين عاد انا اهنيه ارتفع ضغطي اكثر وقمت اهاوشها وقولها لو انتي مكان زوجاتهم شو راح يكون شعورج اذا عرفتي ان زوجج يكلم بنت من وراج انتي ما تحسين لانج مو متزوجه لو كنتي متزوجه جان بتعرفين ان ها الشي غلط وبتغارين موت على زوجج ولا بترضين انه يكلم وحده غيرج .
بس كما تدين تدان صديقتي تزوجت وكل يوم والثاني تكتشف ان زوجها يكلم وحده وعرفت ان هاذي عقوبه لها حتى انها قالتلي كله مني انا السبب الحين حسيت بمعاناة الزوجه اللي زوجها يغازل من وراها :( الصراحه صديقتي وايد كاسره خاطري لانها كل يوم في مشاكل مع زوجها وكل مره تروح بيت اهلها والحين عندها ولد وزوجها للحين يكلم بنات:( بس مشكلتها ماتسمع الكلام هلكت وانا اقولها ادعي لزوجج ان الله يهديه قومي في الثلث الاخير وادعي والله مابيرد دعاج .
آسفه اني طولت عليكم بس حبيت انقل قصة صديقتي علشان تكون عبره لباقي البنات ويعرفون ان الله مب غافل وكما تدين تدان .