السلام عليكم و رحمة الله و بركاته..
هدايه الله.. افضل خطوة يسويها الإنسان عندما يعرف المشكة.. يبحث عن الحل...
و هذا بداية الحل باذن الله..
استمعي للجميع.. و انتي فكري بعد... لا تقولين ما اعرف تعلمي..
ثانيا.. اذا عندك وحدة صديقة جارة او تروحي المشغل او مركز و تعلمك و جها لوجه يكون افضل ان شاء الله..
شوفي يالغالية..
ليه ما تستفيدين من خوات ريلك؟؟؟ تقربي لهم.. و خليك سياسية و اعرفي منهم..
و هم زوجك عنده حق.. لما يشوف الكل متزين و متكشخ و زوجته مو مهتمة.. الازواج يبغون وحدة تهتم بنفسها.. و تتزين.. و لا يحس انك ما تحبينة و لا تقدرينه..
شوفي حبيبتي..
ما قلتيلنا كيف بشرتك؟ لونك حنطي و لا فاتح و لا اسمر؟ شعرك ناعم و لا كيف... ترى هذه تؤثر على الأختيار..
الشيء المهم..
انك ما دمت مو متعودة.. صعب تتغيرين بين عشية و ضحاها..
ما اقولك اضبغي شعرك.......... لا تتغيرين جذريا.. بس سوي ترميم لوول..
اذا كان شعرك ناعم... و خفيف... قصيه من قدام ...
الأحلى انك تضيفين شوي حركات تصيرين احلى منهم كلهم...
شوية لمسات..
المكياج ما يبغاله احتراف.. يعني مو لازم تسوين رسمة عين قدلم زوجك.. انا اقول لك..
مب شرط تشتريت مكياح غالي و ثقيل..
1/ لازم يكون عندك كريم اساس (بس ما ادري كيف لونك؟) مثلا دريم مات dream matte..
او اذا كانت بشرتك صافية و ما فيها عيوب كثير اشتري اساس بودرة لون افتح بدرجة..
او حطي كريم اولاي بورقة التوت (ب 10 ريال) مع شوية بودرة..
2/ حطي كحل مثلا Bell Visage محمود سعيد اسود و حلو ب15 ريال و بنفس السعر و نفس الماركة عنده شوهات حلوه.
3/ مو لازم تحطين شدو.. اذا بتحطين حطي الوان فاتحة.. بيج..
4/ عندك بلاشر (احمر خدود)؟ لون زهري فاتح.. ابتسمي و طالعي بالمرايا
المهم و انت تبتسمسن جيبي فرشة كبيرة.. حطيه علي البلاشر.. حركيه عشان الفائض.. و حطيه بشكل مستقيم من وسط الخدود حتى الأذن.. و شوي عند الفك.. بس لازم ما يكون اللون غامق..
5/ الون العنابي (الأحمر الغامق) يخليك مرة رومانسي.. اذا بتحطين المكياج عل المساء..
او لون بني ميت اذا بتحطين الظهر....... وردي يطلع حلو بالفجر..
6/ اكتبي كل ايجابيات زوجك.. طيب .. حنون.. يصلي.. حتى الأشياء الصغيرة.. يحترم اهلي
و بعد ما تخلصين شوفي انت كيف تعاملين.. هل تهتمين فيه؟ هل تحسيسينه انك فخورة فيه؟ هل تحترمين مواعيد اكلة و نومه؟ هل زرعت في ابنائا احترامة و هل تحترمينه انت؟
7/ اكيد في اشياء تطلع حلوة عليك.. تذكري متى امك او قريبتك او صديقتك قالت لك هذا الون حلو عليك؟ هذا البس احلى عليك من هذاك؟ او نقدك؟ اللون هذا ما يناسبك؟
و قيسي على ذلك... اذا مثلا احد مرة قالك الأحمر حلو عليك يعنى الألون الدفئة بتطلع عليك احلى..
8/ اكتشفي الطلات التي تليق بك اكثر:
مثلا جربي روج من الوان مختلفه.. جيب اقمشة (شيلة مثلا) و لفيها على وجهك و شوفي..
اذا نسبك لون معناه بتناسبك مجموعت الالون التي داخل فيها:
الألوان الدافئة مثل: احمر و عنابي بني و درجاتهم
الالوان الفاتحة: سماوي زهري اخضر و درجاتهم.
الالوان الباردة: ازرق اخضر
الألوان الصيفية: الاصفر و البرتقالي
اللون الأسود او الابيض
الذهبي او الفضي
و قيسي على ذلك.. و ادمجي الوان المجموعة البسي تنورة بنفسجية و بلوزة زهرية.. و مكياج زهري خفيف..
الون الاسود سيد الالوان.. البس اسود.. و فكي شعرك.. و البس اكسسوارات فضية بتطلعيين جنااااااااااان.. امراة لا تقاوم.. لوووووووول
** اذا تبغين مواقع تعلم تسريح الشعر و المكياج.. ان شاء الله ما حد يقصر معاك
اتمنى ما اطول عليك.. بس انا متزوجة.. و حاسة فيك.. الله يوفقك.. و يجعل زوجك كما تحبين.. و يجعلك له كما يحب.. لا تنسي الدعاء لنفسك... و الألتجاء الى الرؤؤف الرحيم.. و السلام عليكم..
ملامح طفلة @mlamh_tfl
محررة
يلزم عليك تسجيل الدخول أولًا لكتابة تعليق.
الصفحة الأخيرة
الله يعيننا على هالرجال الي دمرتهم القنوات الفضائية ومهما عملنا ماراح نصير زيهم
الاخلاق اهم شئ