هذا ماحدث لها بعد الشوفة الشرعية وتبي مشورتكم الله يجزاكن خير ويفرج همكن والمسلمين

السلام عليكم ورحمة الله وبركاته

كيفك الحال يااخوات الله يوفقكم ويجزاكم الجنة ابي مشورتكم ورايكم

هي مطلقة وعندها بنت تقدم لها رجل متزوج وعنده عيال المهم تقدم لأهلها بشكل رسمي وقالوا حنا نبي زواج معلن قال طيب واعجبهم ووسألوا عنه بعمله قالوا عنه انه رجال وهو وظيفته مرموقه ومن عائلة معروفة لكن استغربوا عجلته وعصبيته وحرصه على عدم الاعلان ويردد ماابي يوصل شي لزوجتي قالو اذا خايف منها خلاص كلنا على البر ومايحتاج تكمل قال لا بس ماابي ازعلها و يبي كل شي يتم بسرعه لكنهم جاروه وطلب يشوفها وخلوه يشوفها (وهي ماشاء الله عليها )وهي لما شافته ماارتاحت له ابد لكن هي كانت مستمرة بالاستخارة ومتوكله على الله سبحانه استمر يلح عليهم بسرعه بسرعه وهم يقولون بنكمل عنك السؤال طبعا طلبوا منه وصف المسجد عشان يسالون لكنه قالهم انا الحمدلله اصلي وحتى مادلهم على بيته ومايبيهم يقربون حيه اللي هو ساكن فيه طلب منهم بسرعه ينهون كل شي وقال انه ماخذ شقه ومنتهي ؟ واستغربوا وشلون ياخذ شقه وتوهم لكن سكتوا بالاخير طلب يحول المهر خلوه يحول وحولهم عشرين الف بس علما انه ماعليه ماديا وهم ماهم المادة وبالعكس هي ماشاء الله عليها تقول البركة في قلة المهر لكن تصرفه زاد شكهم انه يبي زواج سري خصوصا انه كل ماقالوا عطنا مهلة تخيط وتسوي قال هي متزوجة من اول المهم وهم قايلين له مايبون بالسر المهم يوم الحوا عليه وقالوا نبي نعرف مسجدك ونبي زواج بقاعه وعرس بنتنا كلا يعرفه ونتعرف على اهلك بعد ( طبعا بس تخويف ولا هم مانوو يسوون عرس يبون يطلع اللي عنده ) قام عصب على اخوها ودعى عليهم وعلى امها وقال ابدعي عليكم طول عمري وصك الجوال بوجه اخوها
وش رايكم بتصرفه ؟ وهل فعلا مواريه مواري واحد يبي سر ؟ وللمعلومية هم من خلال السؤال عنه عرفوا انه سبق واخذ وحده مسيار وطلقها (نسأل الله العافيه لنا وللمسلمين) وفعلا سألوه ولا انكر ؟
الله يجزاكم خير ويفرج همكم آمين