هذا ماحدث لي بعد الولاده فما تفسيره

ولدت تقريبا من شهرين

من اول ما ولدت وورتني المررضه طفلتي على طوول جاني احباااااط وبعدها بيوم حسيت باكتئاب

ثم تطورت حالتي النفسيه وصرت اهمل بنتي ومااحمل اي احساس نحوها يعني مثل التبلد

وصرت مهتمه كثير بصحتي لدرجه الوسوسه اخاف ان يصيبني مرض خطير

وتطورت الحاله انا ارضع بنتي طبيعي وكل ماارضعها احس بعاطفه وحنان لها ثم على طول يجيني شعور

بيني وبين نفسي اقول ليش ارضعها وليش اعلقها فيني يمكن يصير لي شي او امرض ثم بنتي مسكينه تجلس وحيده

هالشعور اتعبني ادري هالشي مايجوز بس والله غصب عني شي بداخلي احس يقولي لا تتعلقين ببنتك

لدرجه اني فكرت ماعاد ارضعها ابيها ترضع صناعي بسبب هالشعور اللي فيني

طلعت من الاربعين ونفسيتي دماااار

مااهتميت بزوجي ولا بعلاقتي معه لدرجه اني اتهرب من زوجي خوووف من الحمل مره اخرى

احس جاني زي الفوبيا من العلاقه الزوجيه

وبصراحه اهملت شكلي ودائما مهمومه حتى لو صارت عزيمه ولا طلعه برا البيت بالبدايه اتحمس

بعدين يجيني شعور داخلي يقولي لا تروحين يمكن يصير لك شي وانتي برا

وكرهت للطلعات والتجمعات بسبب هالشي

احيانا تجيني لحظات خوووف وودي ابكي وابكي علشان ارتاح

صرت دائما اطلب من زوجي انه ياخذ اجازه من العمل ويجلس معي بالبيت لان ابي احس بالامان

بس زوجي رافض ويقولي انتي شكلك موسوسه

حالتي الجسديه هي اني دااايما احس بدوووخه واحس اني بطيح وانا امشي مع الشعور بالخوف

ثقل براسي ورغبه دااائمه بالنوم


بنات توقعون وش فيني ووش صار لي وليش انقلبت حياتي راس على عقب بعد الولاده

بجد تعبت حييييل


تكفون ابي دعووه صادقه لكل من تمر بموضوعي انها تدعي لي ان الله يشفيني مما انا فيه


والله يجزاكم خيرررر يارب