&&احساس&& @ampampahsasampamp
عضوة جديدة
هذا ماحدث لي مع سورة البقرة..قصة واقعيه
السلام عليكم ورمة الله وبركاته،،
صباح _مساء الخير لكل المتواجدين
أول شي رحبو فيني لأني عضوة جديدة عليكم...
..من كثر ماأقرا بمنتداكم الرائع شفت قصص وحوادث لبنات بصراحة خلت الكل يستفيد .
والحين جا دوري أفيدكم ..
(الله على ماأقول شهيد انه كل اللي أقوله صار لي)
أنا يابنات صارت لي قصه وبعدها عرفت فضل ربي علينا ورحمته *سبحانه وتعالى*
المهم أنا بكر أمي وعندي خوات أصغر مني والحمد لله كانت أموري متيسرة من كل النواحي..
خطبني واحد من أقاربي وانا في الثانوي وكان أخلاق ودين والكل يحسدني عليه...
المهم على أساس هالشي كنت أفكر فيه على طول وافكر بمستقبلي معه وووو..
بعدين تخرجت ودخلت الجامعه ,,,,
وبدت أموري تتعقد ..أسمع ان أهله بيخطبون له وحددو له البنت وناسين انهم خاطبين وحده تستناهم**يدقو الباب** المهم أنا قلت يابنت اذا ربك كاتبه لك بيجيك ..وانشغلت بدراستي والناس مالهم شغل الا أنا كأنهم* بيقهروني* يسمعوني كلام وانه خلاص خطب وحده غيري وأمي ماشالله عليها ايمانها قوي تقولي ماعليك اذا لك نصيب بتاخذيه ,
المهم نسيت الموضوع ,,ومع الايام بدت تجيني دوخه في الراس لدرجة اني أحس اني بافقد عيوني وابكي لين أنام وكل يوم على هالحال لين جاني التهاب في العصب السابع في الراس... وقعدت اتعالج سنه تقريبا لين تشافيت والحمد لله ..
وأنا بصراحه مقصره من ناحية الاذكار والصلوات وغير كذا..بعد كذا بديت أهتم بالأذكار وصار الوالد الله يحفظه يجيب لي مويه وزيت مقري عليه واستخدمته وبدت تظهر لي أشياء غريبه في جسمي وحصل لي اكتئاب ,وكانت تجيني أحلام غريبه ومخيفه..المهم انا ماهتميت وقلت عادي أنا أتوهم وبطلت استخدم الزيت ..واستمريت في دراستي واتخرجت من الجامعه وصرت أفكر بفارس الاحلام لأني نسيت الاول خلاص.....
وبعدها حسيت ان الموضوع طول ,,مرت سنه و صديقاتي كلهم تزوجوا وراحو وأنا مكاني ماتغيرت..
ومن كثر مااتصفح في المنتديات اقرا مشاكل البنات قعدت افكر في نفسي *الوقت يمضي والعمر يمضي معه*
قلت ليش ماأهتم بنفسي وبديت اقرا سورة البقره
لكن في البدايه ماكنت منتظمه يوم اقرا وعشره لا..
وقريت مره في المنتدى حملة قراءة سورة البقره وبديت معهم ,,الله يجزاها خير صاحبة الحمله ..وقعدت اقرا حوالي ثلاثه شهور .. ,,
وكنت مع القراءه استخدم زيت مقري عليه وصارت تطلع لي حبوب تخوف كبيره مره لين يصير لونها بني واكتشفت انها من الحسد والعين,,
واستمريت في القراءه وكنت اكثر من الدعاء بعد كل صلاه,,وبين الاذان والاقامه..واتحرى كل اوقات الدعاء وادعي بأن الله يشفيني ويرزقني..
وابتعدت عن المعاصي والتزمت كثيرر..
ونظمت لي جدول يومي للادعيه والذكر ,,
وكنت أقول في كل سجده *ربي اني لما أنزلت لي من خير فقير*
واذا تبون الجدول من عيوني أحطه لكم..
وفي الشهر الأخير زدت في القراءه وصرت استغفر في كل يوم تقريبا 1000مرة , ,
وفي الاخير جت البشرى من الله في حلم وفسرته وطلع لي خير كثير من الله ..
وجا اليوم اللي ماكنت اتوقعه بعد فقد الامل ..وصول أول خطاب لبيتنا ..والله يابنات ماصدقت من الفرحه بكيت* وسجدت شكر لله*
لأني كبرت بالعمر وأمي شايله همي وهم خواتي بعدي..والحمد لله تيسرت أموري وتزوجت
قولوا ماشاءلله و*****لله عقبال الجميع...
47
7K
يلزم عليك تسجيل الدخول أولًا لكتابة تعليق.
سكون قلب
•
سبحان الله ما في أروع من الدعاء واللجوء لرب العباد فهو العالم والله يرزق جميع بنات المسلمين الزوج الطيب والحياة المستقيمة..
الصفحة الأخيرة
الله يسعدك دنيا وآخره ،،،
ويثبك على الحق ،،،