هذا ماحدث معي بعدموضوعي الأول ..مايمنع الله عنك شي الا لحكمة ..

السلام عليكم
فالبدايه هذا رابط موضوعي السابق

http://forum.hawaaworld.com/showthread.php?t=3234719#post66570654

انا تزوجت من نفس الشخص اللي ذكرته بموضوعي
وماقول غير الحمد لله دائما وأبدا
طلع هالرجال شكاك ومريض نفسيا وكل تصرف مني يفسره ألف تفسير
جلست معاه شهر واحد كان شغله الشاغل انتقادي وبس
ياعالم شهر واحد فقط وجابني من حاله وبدون ماطلب لبيت اهلي وتركني لي الان سنتين وأكثر
حملت للأسف منه وجبت بنت ماشافها الا بالنفاس وقبلها لاكان يزورني ولا يصرف علي ولايدري عني أبد كل مايتصلون عليه أهلي يلاقونه مقفل
جربنا معاه كل الحلول ومانفع لايبغى يطلق ولايبغى يرجعني وعفشي مسكر عليه بالبيت الى الان
اخر تواصل بيننا قالي ماابغاك لو ابغاك ماتركتك ببيت اهلك طيب سرحني يقول بعدين نتفاهم
قررت بعدها ماعاد أتواصل معاه ابدا ابدا لأنه قال بلسانه مابيك
بعدها أرسل مره باخذ بنتي وطنشته وجاء للبيت ووواجهه أخوي قال أختي ماتامنك عليها وانت مطنشها فكيف تامنك تاخذها ولاتردها اذا تبي بنتك تعال وشفها .. وسأله انت ماتبي اختي قال الا بس ابي اربيها قاله معاك اسبوع ترد علينا ومن يومها لاحس ولاخبر
وبعدها بكم شهر ارسل بكل وقاحه أنا مقدم على مشروع الاسكان وأبغى تعريف براتبك
كيف مايبيني ويبي تعريف ؟؟؟؟؟؟؟؟؟؟؟؟؟؟؟؟؟ بنته مايشوفها ولايسأل عنها وجاي يبي تعريف طيب لمن هالبيت اللي يبيه ...وانا وش وضعي ؟؟؟؟ كل هذا مو مهم عنده
ورجع ينقطع كعادته
أهلي الان يبوني ارفع قضيه وانا خايفه على بنتي دلوني وش الحل ؟؟؟