السلام عليكم ورحمة الله وبركاته ..
أسعد الله اوقاتكم بالخير والمسرات وحسن الطاعات ..
أخواتي ..
حدثت لي قصه يوم الخميس أمس في مجمع فينيسيا مول بالخبر ..
كنت رايحه ارجع جلابيه واطلع ع طووول من السوق لاني مااحتاج منه شي بس تبديل
بس سبحان الله ربي يجعل لكل شي اسباب ..
بعد مارجعت الجلابيه كانوا معاي عيالي الله يحفظهم قالوا ماما نبغى فشااااار من الكشك اللي فوق
حاولت فيهم يغيرون رايهم وكانوا مصرين لاني كنت مستعجله بطلع قبل المغرب
المهم رضخت لطلبهم وطلعت وشريت لهم فشار علبتين كبار الواحد بــ 5 ريال
ومويه وبسكويتات المهم
جلسنا ع طاوله وكلوا الاولاد وخلصوا اكل في هالا ثناء جاء عامل النظافه بزعمه بينظف الطاوله
نظف الطاوله بس لفت نظري شي ..
كانت معه مجرفه طويله اخذ علب الفشار وحطها بالمجرفه ع طوووووووول اول ماجاء ع الطاوله
ولم بقية الاكل حق الاولاد وحطه بسطل الزباله عزكم الله ..
انا استغربت من تصرفه وجلست اراقبه بدون مايحس ...
راح يابنات وجلس يفرفر بزعمه بيموه فينا واخذ العلب وعطاها صاحب الكشك !!
هنا تذكرت الكلام والتحذير اللي يجينا من حقين الذره انهم يجمعون العلب المستخدمه ويعطونها
اللي هم حقين النظافه ويعطونها العمال اللي يشتغلون في هالمحلات ع اساس يبيعونها ثاني مررره
بس لحسابهم لان الشركه تحسب عليهم العلب وتحاسبهم ع هالاساس
والضحيه مين ؟؟؟
طبعاً حنا واطفالنا حسبي الله ونعم الوكيل ..
المهم قلت لولدي رح بلغ السكرتي ..
وراح وبلغه والله الشاهد اتهم ماقصروا اخذوهم عند المشرف وحاسبوهم ووقفوهم عن البيع
وطلبوا شهادت عيالي واخذوا اثباتهم ومعلومات عنهم ع اساس يقولون بتنزل شكوى وراح نستدعيكم للشهاده
وباذن الله بيقفل الكشك
هذا كلام المشرف ع السوق ..
وياااااااااارب يكون كلامهم صح ويتقفل عشان يكون عبره لغيره ..
حسبي الله ع هالبنقاليه القذرين اللي ماهمهم الا الفلوس وبسسسسسسسس..
انا ذكرت لكم اللي صار معي عشان نصير حذرين ولا نسكت عن الحق مهما صاااار ..
بحفظ الله جميعاً..
ملكة وقتي @mlk_okty
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة