هذا ماحدث يوم الاحد الموافق 19/8/1425 هــ

حبيت انقل لكن هذا الامر المحزن والله العظيم ولكن حتى اكون لكن ناصحه في اي شيء لاحظته او مر علي . كما ذكرت التاريخ 19/8/1425 هـ حتى تتاكدون من مصداقية الخبر اكثر............ وكان الوقت بعد صلاة العشاء .

طبعا سمعت صوت صرخه مدوية لاحدى النساء المتنومات في مستشفى التأمينات لن ابالغ اثارت في نفسي الرعب والخوف وقلت يمكن حالة ولاده .

وسمعت صوت الممرضات يركضن وياخذونها بسرعه . طبعا اليوم الثاني بدأ يفوح الخبر في المستشفى . ان السيده التي كانت تصارخ كانت حامل وكانت تطلب الممرضات وتقولهم انه عندها طلق وهم اهملوها واغلقوا المجرمات الجرس اللي ياتي لهم من غرفتها بحجة انها تلعب عليهم وما فيها شيء.

ولدت الحرمة مسكينه وماعندها احد وعلشان كذا كانت تصارخ والمولود غرق في موية الجنين وتوفي .

طبعا اليوم الثاني هو يوم الاثنين 20/8/1425هـ علشان يطلعن الممرضات نفسهن من المسؤلية كتبوا ان الطبيبه الهنديه (الهندوسيه) هي التي لم تقول لهم ان هالامراه في حاااله ولاده ......الخ

قمة الاجرام ......حسبي الله ونعم الوكيييييييييييييييييييييييل

وكم كنت اتمنى ان زوج هذه المرأة يذهب لوزير الصحه ويقدم له شكوى بخصوص هالمستشفى ولكن هالشيء يرجع لشخصه الكريم في سكوته او مطالبته بحقه

...................................................................

والمصيبه الثانيه التي ريتها بأم عيني علب التحليل عندهم مجمعه في الاكياس العاديه حق السوبرماركت واللي تاكدت منه من احدى الموظفات ان هالعلب مجرد تغسل وتستخدم من سيده لاخرى من علم منهن ولا يستبدلونها بشيء جديد مثل باقي المستشفيات

ومن هنا يمكن تحدث نقل العدوى بين السيدات بصورة مافيه اسهل منها

يعني اي علبه تحليل يعطونك هي يغسلونها بعدك ويعطونها لغيرك ......الله لايسامحهم

وللاسف غيروا الحيييييييين اسم المستشفى من التأمينات الى رعاية الرياض

حاشى وكلا تكون هذي هي رعاااية الرياض وينسبون هالاهمال لهالمدينه العريقه والحبيبه على انفسنا


حبيت انقل هالخبر من باب النصيحه لكن ولنفسي

وسلامتكم

اختكم المحبه لكن دائما / احلى من العسل