هذا ماحصل لزوجي مع احدي الممرضات..ارجو المشوره

بسم الله الرحمن الرحيم

اخواتي لا ادري من اين ابدا ترددت كثيرا ان اكتب هذا الوضوع بس قلت المثل يقول ماخاب من استشار

فاليوم زوجي ذهب الى احدى المستشفيات الخاصه للمراجعه من مرض الم به شفاه الله واياكم وطبعا زوجي الي راح مو زوجي الي رجع :confused: المهم سئلته وقلت له بشر وش سويت وش قال لك الدكتور قال لا تقولي لي وش قال الدكتور قولي لي وش سوت الممرضه

المهم قلت اهدا وش حصل بدا يسولف لي وكان مرتبك مررررره

هديته وبدا يحكى القصه الي هي الله يسلمكم

ان الممرضه الله يهديها سوت معه حركات نص كم وقت قياس الطول والوزن والدكتور ياغافل لك الله مو منتبه طبعا الحركات صعبه اذكرها هنا والله انها اشياء تفشل واكيد فهمتوا على ..

المهم زوجي ماقدر يتصرف خاف تقلب الموضوع عليه وانه هو الي اذاها المهم زوجي سكت وهي والدكتور يسوي الروشته مستمر تسوي حركات بفمها وانواع التبويس الي على الصامت يقول زوجي نسيت الالم وصرت في نص ثيابي المهم كتب الدكتور له العلاج وقال جيبه من الصيدليه وارجع عشان اكتب لك الطريقه الصحيحه لاستخدامه نزل زوجي ويقول والله ماشوف الي قدامي من هول الموقف... جاب العلاج ورجع بعد مااخذ العلاج وكتب عليه الدكتور اخذت الممرضه الكيس وبدت تجمع العلاجات واعطت زوجي الكيس وسقطت ورقه فيها ....زوجي خرج وقرا الورقه لقيها حاطه رقم جوالها ......


المهم بدا يفكر وش يسوى طبعا كلم الهيئه قال انا حصل معي موقف كذ كذا قال بكره تجينا ولازم تبلغ عنها وراح نسوي لها كمين زوجي سوى كذا يقول حرام اخلى مثل هذي في هذا البلد واخليها تدمر شبابنا المهم الهيئه قالت له سحب فيها اليوم وقلت لزوجي تكفى سمعني وش راح تقولك... كلمها زوجي وانا انواع القهر ان زوجي يكلم وحده وقدامي بس ابي اعرف وش تبي منه طبعا اول ما كلمته وعرف بنفسه :32::arb: وهي انواع الدلع والضحك وانها تبي منه فلوس فسألها وش المقابل قالت بعدين اعطيك الي تبي ونتواعد وممكن نتقابل قال لها خلاص بكره اعطيك وطلبت منه مبلغ معين ..بعدها تأكدنا من طريقتها انها متمرسه

زوجي قال كذا ظبط الكمين الي راح اسويه مع الهيئه ..

وانا جالس افكر قلت لزوجي استرها وخليني اكلمها وانصحها لوجه الله لن الفضيحه مو زينه واني لولا خوفي عليها وانها تغادر هذي البلد بفضيحه لها ولأهلها قال زي الاشكال هذي لازم نحمي شبابنا منها قلت عطها فرصه ولاتروح بكره للهيئه وتكملوا الكمين استرها لوجه الله وخليني انصحها....والى الان هو متردده هل استمر في رده عن التبليغ عنها او اخليه يكمل الكمين معا الهيئه


المهم انتوا وش رايكم

انا اقول من ستر على مسلم ستر الله عليه

وهو يقول من راى منكم منكرا فليغيره والساكت عن الحق شيطان اخرس