هذا ماحصل معي شخصييييا اليوم لايفوتكم!!!

حييباتي الحوائيات والله ثم والله ثم والله 
انه لمن حصل معي هذا الشيئ اليوم 
وقد ايش حسيت بسعاده بعده

اول شي جيتوا في بالي

وأتمنى أنكم تستفيدوا من قصتي <<< أخلصي

المهم 

اليوم كانت جمعة عند أحد صديقاتي
وزوجي امس مانام تمام واتفقنا اني أروح مع أختي زوجها يوصلنا 

وزوجي يرجعنا
تمام
المهم جلسنا وكان كل شي تمام
دقيت على زوجي مارد مرة ثانيه برضه مارد
ثالثة ورابعة وعاشرة انا خلاص هنا اتوترت
لأنه وعدني بيرجعنا أول مرة يسويها أختي تقلي اش فيك
أقولها مارد
وأحاول الين مايئست قالت خلاص بتصل على زوجي
وجا زوجها ورجعنا
وأنا خلاااااااااص أدخن من الغليان
تخيلوا جئت البيت لقيته نااااااايم في العسل 
شفته الحمد لله يتنفس طبيعي 
اتعوذت من إبليس 
ولا كنت ناويه اهجم واتوعد وانا في الطريق

والله لأراويه ومدري ايش

قلت اتعوذي من إبليس وروحي اتوضي وصلي
صليت الحمد لله
وربي الهمني ذيك الساعة هذه الآية
(فمن عفا وأصلح فأجره على الله)

وقلت يارب اني عفيت عن.........
يارب لوجهك الكريم

وسبحان الله نزلت على قلبي بعدها سكينه وفرح والله ماأكذب عليكم بعد ماكنت أغلي 

وصحي زوجي وانا عادي كنت امشط شعري ويناظر في جواله 
وشكله ندمااااان

رحت الغرفة الثانيه كالعادة اتفرج بداية 

والله اول مرررره انه يتأسف وقبل رأسي ومعليش 
انا مستغربه اول مرة يعتذر بطريقة مباشرة

وكل شوي معليش انا أسف ومن ذا الكلام

بس هذا ماحدث معي اليوم
وأتمنى الفائدة 
وتذكري دائماً هذه الآية مع أي شخص عندما تكوني في قممممة الغضب 
أعفي عنه لوجه الله وقوليها بينك وبين الله لاأحد يعلم 

وحتشوفي كيف ربي يرضيك

والسلام عليكم