هذا مارأته عيناي في المستوصف اليوم

والله يابنات اني مصدعة من يوم شفت الموقف
رحت اليوم لمستوصف اتابع فيه حملي ولمن رحت لقسم الاشعة وجلست فالانتظار شفت وحدة الله يعافيها ولايبلانا والله مارتحت لمنظرها من جد استفزني طبعا لابسة العباية كلها طقطق من قدام ومفتوحة ولابسة بنطلون جينز ماااسك وهي جالسة والنقاب واسع بشكل ملفت ومكحلة عيونها وحراجبها من كثر الوسع باينه من النقاب شكلها اصلا كانها اول مرة تتغطى الغطوة ماهي راكزة المهم انها لفتت انتباهي ومعاها شغالة منقبة وبنت تقريبا 9 شهور يعني لسا صغيرة والبنت بس تبكي وكانها نعسانة وهي تسال الشغالة اشفيها تبكي تقول الشغالة مادري قالت كيف ماتدرين
المهم نادوا الحرمة غرفة الاشعة والشغالة شايلة البنت وتهزها والبنت تبكي بكى متنرفز مسكينة والا مرهقة المهم خرجت الام قالت يالله قومي شيليها وحطيها في الجلاسة وشيليها بالجلاسة قالت الشغالة طيب والله حزنت عليها البنت ماشالله مليااانه والجلاسة كبيرة وعفشة والشغالة كلها لقمة مرة حزنتني
المهم راحو وانا خلصت اشعتي ورحت انتظار الدكتورة الا المدام جالساة قدامي والشغالة والبنت على نفس الحال والام تكلم وتقفل وتكلم المهم شويه قالت اشبك انتي هاتيها ليش تبكي واخذتها واحسبنها بتسوي شي الا بس تصرخ عالبنت اشفيك انتي خلاص اسكتي اعوذ بالله ولاحوووول على قولها قالت للشغالة قومي خذيها المهم خلصت قبلي قالت للشغالة يالله حطي البنت فالجلاسة وشيليها وقامت الشغالة وماحطت البنت قامت قالت حطيها بصوت عالي ردت الشغالة طيب بصوت عالي قالت لها الحرمة اعوذ بالله منك
وطلعوا شوي الا الشغالة رجعت لحالها بالبنت شايلتها في جنبها والجلاسة فاليد الثانية الا المدام هااااجمة ((اشفيك انتي تبغين تجننيني ماتفهمين اقلك استنيني عند الباب تجين هنا تستهبلين ))قالت الشغالة وهنه استوعبت انها سيرلانكية انا مافي حيوان اتكلم كويس مع انا وعاد تعرفون صوت السيرلانكيات((انا انسان مافي حيوان انتي غبيه يالله روحي
))قالت الحرمة اقلك احنا في مكان عام لاترفعين صوتك لا اوريكي شغلك
الشغالة ماابغى يالله روحي برى انتي غبية
الحرمة لاتقللين ادبك والله لاوريك حطي البنت بالجلاسة ويالله
الشغالة انا مايبغى ابغى شيلب كذه
وقاعدة تصرخ عليها الحرمة اقلك حطي وهذيك معندة مو على كيفك انا بكيفي مابغى احطها على كيفي والله حسيت قلبي بيوقف والحرمة تهدد في الشغالة والله لاوريك والله لاسوي واللهلافعل والبنت قطعت قلبي يجرجرونها وهي مفجوعه سااااكته
بالله الحرمة هذي ماتخاف على نفسها والا على بنتها


اترك لكم التعليق راسي بينفجر