السلام عليكم ورحمة الله وبركاته
رحت لألعاب الحياة مول ...افسح عيالي ويلعبون في الالعاب ...مو حرام علينا..حلال على غيرنا!! ملكيه جماعيه ...والمفروض يكون فيها الالتزام بالاداب والاخلاق على ماتعودنا عليه من بلاد الحرمين...
لكن للأسف ...اول مادخلت الا وتقابلني انا وزوجي وحده كاشفه وجهها وتقول وش جاب هالمطاوعه هنا؟!
كانه بيت ابوها ...ليتها غطت وجهها كان احسن لها ...لانها روعتنا بشكلها بصراحه ...
طبعا المكان جاي مثل الطواف فيه شئ في الوسط ..اظنه بوفيات صغيره...وحولها ممشى دائري ...ويدورون الشباب والبنات والحريم والرجال ...يدورون وراء بعض شكلهم يموت من الضحك ...تقولون قاعدين يطوفون حول معبد ..طبعا الحركه هاذي عشان المعاكسات ...
وادخل الا والحريم والبنات كاشفات الا القلة القليلة حاطين لثااام ...وكل وحده حاطه كيلوا مكياج ...تقولون بويات ماهو مكياج ...اقسم بالله ماكأنهم شافوا روج والا كحل !!والا التسريحات الي كانها اسنمة البخت ..ياويلهم ...
والا الي صابغه لون بيج:hahaha: وقاصه قصة ولد...ولابسه عباية كتف والشعر المزيون كاشف...ليتها سترته بطرحه كان ابرك من الصبغه المضحكه ...ويوم شافوها الشباب ...الا ويلاحقونها ...
اما الشباب وما ادراكم مالشباب ....ضاعت التربية وللأسف الشديد ..اهؤلاء شباب الامه ...كيف ينصرنا رب العالمين وهذا حال شبابنا ...اقسم بالله تقولين يهود او نصارى في لبسهم ومشطتهم ومشيتهم ...
الي مسوي كدش <<الظاهر اسمها كذا...نازله على عيونه ...ياااااي..مو قادر يشوف الطريق من طول الغره!!
والي رابط شعره من الخلف زي ربطة البنات ...ليته على الاقل سوا له فرد قبل مايربطه...
بس الظاهر ماشاف شكله من وراء :hahaha:
والي مسوي كدش وناسي المشط فيها !!
واعجب مارأيت البنت الي تمشي مع الشباب ...اويلاااااه ...عيني عينك قدام خلق الله لاحياء ولا ادب ...
متلثمه وتمشي مع اثنين من المذكوره اشكالهم ...
والهيئة ماقصرت متواجده بالمكان على طول ...لكن من امن العقوبة اساء الادب...اذا نصحوهم قامت الوحده تطلع لسانها شبر زي لسان الحية ...وترمي بكلام مثل السم ...والشباب حاطين سدادات في اذانهم ...
والله آسفني مارأيت ....مالذي حصل لبلادنا ؟!:icon36:
لم تكن كذلك ....كانوا اصحاب الفساد متسترين في اوكارهم ...اما الان صاروا يجاهرون بالمعصية ولا يهمهم احد ...
(فإذا ضعيت الأمانة فانتظر الساعة).
نعم ضيع الاباء والامهات اعظم امانة في اعناقهم ...ضيعوا ابنائهم ...واوسدوا تربيتهم الى القنوات الفضائية ...والانترنت ...وغيرها من محطات الفساد والرذيله...فكانت هذه هي الثمرة...
والله المستعان ولاحول ولا قوة الابالله
اللهم ابرم لهذه الامة امر رشد يعز فيه اهل طاعتك , ويذل فيه اهل معصيتك...
ويؤمر فيه بالمعروف , وينهى فيه عن المنكر.
قصور الاندلس @ksor_alandls
عضوة نشيطة
يلزم عليك تسجيل الدخول أولًا لكتابة تعليق.
الله يهدينا ويهديهم ..ويسامح اهاليهم ..بس وين موقعه الحياة مول ..غريبه فيه كذا اشياء ماتخيلت
تراني مو راعيه طلعات ..بس استغربت وانت تحكين كاني اشوف فلم:42:
تراني مو راعيه طلعات ..بس استغربت وانت تحكين كاني اشوف فلم:42:
والله يالغاليه اني ساعات اقول متى اموت وارتاح من اللي اشوفه
حسبنا الله ونعم الوكيل لاحول ولاقوة الا بالله
اللهم انا نسالك الثبات اللهم انا نسالك الثبات
اللهم صلي على محمد وعلى اله وصحبه وسلم
حسبنا الله ونعم الوكيل لاحول ولاقوة الا بالله
اللهم انا نسالك الثبات اللهم انا نسالك الثبات
اللهم صلي على محمد وعلى اله وصحبه وسلم
والله انه شيء يقهر00لاكن وش نسوي صار هذا اغلب حال مجمعاتنا0وسارالقابظ على دينه كالقابظ على الجمر00لاكن الي لفت نظري في الموضوع اسلوبك الحلووالممتع في الطرح الله يحفظك0
الصفحة الأخيرة
بارك الله فيك يالغالية وطرح موفق
اللهم أصلح شباب وبنات المسلمين