هذا ماشفته بالبرنامج والله ماصدقت ان هالحاجات تصير بالسعوديه ...تعالو شوفو البلاووي

السلام عليكم ورحمة الله وبركاته

عساكم بإزين حال

اليوم بالصدفه شفت برنامج على قناة الاخبارية اسمه صاحب القضيه وللأسف مالحقت الا على النصف الساعه الاخيره من البرنامج
كان موضوع الحلقه اسمه اريد النجاه ومستضيفين بالاستديو شابين في مقتبل العمر احداهم عمره 19سنه والآخر كذلك...
من جد الحلقه كانت مبكيه جداً والله ياأخوات أني بكيت انا ومن حولي ونحن نشاهد البرنامج...
الحلقه تتكلم عن مأساة الشابين وكل واحد من هؤلاء الشباب يحكي قصته اللي من جد تقطع القلب تخيلو شابين يتيمين واحد فيهم اخرجوه من دار رعاية القصيم وعمره 14 سنه ودخلوه الاحداث تتوقعون التهمه ايش؟؟ شارب دخان في دار الرعاايه ...المهم يحكي مأساته انه دخلوه الاحداث 3 سنوات بدون تهمه وانه كان صغير عمره 14 سنه ويبي يدافع عن ابسط حقوقه ولكن مالقى تجاوب مع المسؤولين يتكلم بكل حرقة قلب انه لما دخل الاحداث مع شباب اكبر منه بالعمر واكثرهم عليه قضايا من قتل وسرقه وحشيش ومخدرات وكيف انهم بــ3 سنوات اثرو فيه وفي اخلاقه المهم يقول انتقل بعد الاحداث بالقصيم الى المركز المهني او شي من هالقبيل عشان يكتسب وظيفة ويعيشوونه الدوله المهم يحكي المراره اللي عاشاها هناك وكيف ضياعه والسبب برضو المسؤولين لدرجة ذكرهم بالاسم المهم اتهم انه سارق 10 مكيفااات برغم ان المكيفات موجوده ولكن التهمه هذي لانه مالبى لأحد المسؤولين رغباته وعلى كذا يقول مااحد حقق في قضيتي واذا طالبت يطالبوني بمرجع ومن وين اجيب مرجع والله يكسر الخاطر وتحسووون الظروف اللي جاته تقص الظهر ومايتحملها مراهق المهم الحين يقول انه طفش ومل من حياة المخدرات واصحاب السوء انهم مستقلينه لترويج وهكذاا بسبب انه ماعنده اهل ولا اسم قبيله وصار يسرق وصار كل شي فيه وجااء البرنامج لانه مل من حياته ويريد النجااه
والمذيع يسأله الحين انت وين تعيش يقول لي سنتين طالع من السجن واعيش بالحدائق العامه وبالبيوت اللي تنبني تخيلتووو يقول ماعاد يهمني قرف ولا قذاره ولا وساخه

والاخر لايقل عن هذا من المأساه والحين الآحر يعيش في صالة بلياردو من سنه في مدينة الرياض ويقول مليت من المخدارت ويقولها صريحه من الاغتصاب لدرجة يغتصب وهو نايم من اجل ماذا لانه يتيم وماعنده اهل ودور الرعايه ماتآمن لهم المستوى المطلوب من المعيشــــــــــــه والحين اصلاً مايبونهم


.............
هذه المآساه اللي جابوه بالاخباريه في برنامج صاحب القضيه يوجود منها الآلاف ولكن تحت الستااار وخلف الكواليس.....
لو تعرفون اخر امنية هؤلاء الشابين احدهم اللي يعيش في صالة البلياردو يقول اتمنى الحين ادخل السجن على الاقل احد يحميني ويأمنون لي مكان ومأوى بدل الذل
والاخر يتمنى احد يسمعه ويامن له مأوى ووظيفه لكي يكسب بالحلال ويبني له اسرى من عرق جبينه

...........

هذا اللي ذكرته لكم قطره من فيض من اللي ذكر بالحلقه
من جد البرنامج جزاهم الله خير المسؤليــــــــــــــــن عليه من المذيع عادل بوحيمد وكلذلك المعد ومخرج البرنامج عبد الله العنقري
ويارب يجعله في موازين اعمالهم الصالحــــــــــــــــــــــه


واخيراً كلمة المسؤلين :
اتقو الله ..اتقو الله ..اتقو الله
الدوله أمنت كل شي ولله الحمد ولكن كل هذا صار والسبب المسؤولين واصحاب الذمم الوسيعه حرام عليكم يادار رعاية الايتام اذا انتم موظفين بدور رعاية ايتااام لاتعبرون هذا مكان للعمل فقط لا اعتبرووه بيتكم الثاني واللي فيه ابناءكم مهما كانو هؤلاء الايتام تراهم بالاخير اطفال ومراهقين ومشاكلهم تحصل في اي بيت نفس اعيال الناس الطبيعين
هناك ايتام يشوفون دار الايتام هو بيتهم ويبون يطلعووون منه في يوم من الايام ويحققون احلاهم ولكن للأسف بعض المسؤولين اكسرو طموحهم وآمالهم
اتقو الله واذا البعض مهوب قد الوظيفه يتركهااا لغيره لأنه والله العمل مع الايتام يحتاج له عنايه خاصه واحتسبو الاجر من الله اولاً بعدين فكرو بالاجر المادي حسبي الله ونعم الوكيل على بعض اصحاب الذمم الوسيعه اللي ماتأمنو على هؤلاء الايتام وجعلوهم يدفعون الثمن الحين غالي والسبب انهم مااعرفو يتعاملون معهم


كلمــــــــــــــــــــــة أخيره لاأصحاب القلوب الرقيقه هؤلاء الفئه تحتاج الدعم النفسي والمعنوي والمادي فاللي عندهم وربي اعطاه من الخير يتبرع لهم على الاقل بالمساكن والملابس والله ان احد اللي بالحلقه يقول نطلب من الجهه الخيريه المسؤوله عن الكساء ملابس ماتعطيهم شفتو لدرجة ايش وصل المستوى




اخيراااااااااااااااااااااااا

بالله عليكم انا اختكم محترمة الكل كتب هذا الموضوع وانا قلبي يحترق على هؤلاء الايتام اللي ضاعو السبب دار الرعايه او الاهمال لليتامى
فأنشروو هذا الموضوع والله يحتسب لي ولكم الاجر ياااااااااااااااااااااااااااااااااااااااارب

ويجعله في موازين اعمالنا واعمالكم الصالحة