السلام عليكم ورحمة اله وبركاته00
اليوم شفت برنامج مستظيفين فيه الدكتوره وفاء عبدالله حسين 00اردنيه
تكلمت عن عدة نقاط من اهمها
اسباب عدم نجاح العمليه مع البعض طبعا"00 من المعروف انه كل شي بقدرة الله بس فيه بعض الاسباب اللي اكتشفوها
وهو انه بعض الازواج يكون عندهم تحليلهم ممتاز من ناحية الحركه والشكل والعدد لكن اذا عملوا تحليل DNA
يطلع عندهم تكسر في الماده الوراثيه فبالتالي وقت التلقيح تتلقح البويضات وتنقسم لكن وقت التعشيش في الرحم يتوقف انقسامها
وبعض الازواج يكون العدد عندهم قليل والشكل الغير طبيعي عندهم نسبته مرتفعه لكن تنجح معهم العميله لان الماده الوراثيه عندهم سليمه
لذلك من المهم للازواج اللي تكرر عندهم فشل العمليه انهم يعملوا هذا التحليل
النقطه الثانيه 000انه افضل يوم لترجيع الاجنه هو اليوم الخامس 00وتقول لو وحده صار عندها بويضات كثيره منقسمه افضل الانتظار لليوم الخامس لان احيانا" تكون البويضات منقسمه بشكل ممتاز في اليوم الثالث ونرجع للمريضه والباقي نجمده واحنا محنا عارفين اي منها اللي راح يستمر بالانقسام فاذا انتظرنا لليوم الخامس راح نرجع اجودها واللي استمر في الانقسام اكثر ونلاحظ ان بعض اللي كان انقسامهم ممتاز في اليوم الثالث توقف عن الانقسام في اليوم الخامس
فافضل شي نتظر حتى مانجمد الممتاز واحتمال اللي رجعناه هو الغير جيد
النقطه الثالثه تكلمت عن ثقب جدار الجنين بالليزر وهو مناسب
للي عندهم فشل متكرر 00او للي اعمارهم اكبر من 35 00او اذا كان جدار الجنين سميك
حبيت افيدكم بما سمعت 00 دعواتكم لي بالذريه الصالحه
أسأل الله انه يرزقنا بالذريه الصالحه 00
كاااادي @kaaaady_1
محررة
يلزم عليك تسجيل الدخول أولًا لكتابة تعليق.
الصفحة الأخيرة
الله يرزقنا بالذرية الصالحة