هذا ماهو زوج هذا عدو- تكفون واسوني

:44:السلام عليكم بنات حواء- اولا اشكر حبيبتي وصديقة عمري ملكه نرجسيه على معرفها اللي انا ماخذته منها عشان بس افضفض لكم بنات حواء واستشيركم باختصار بدون مقدمات انا يوم الجمعه حصل بيني وبين زوجي سوء تفاهم وحنا اصلا تو ناقلين شقه جديده ونفسيتي جدا سيئه وهوعارف الشي هذا منه كلمه ومني كلمه وانا فيني طبع عنيده واذا زعلني مااحب اسمع كلامه احس اهانه لي مدري ليه احب اطنشه ويطنشني حتى تهدا النفوس -الخميس تزاعلنا بالكلام ونمناولمن صحيته لصلاة الجمعه جلس يقول طيب طيب الين فاتت الصلاه انا ساعتها انقهرت وبعد الصلاه بساعه صحي قال سوي لي فطور سويت له عالسريع جلس يسب قلت له لاتسب النعمه وياخي لو انك قمت صليت كان ماكان اخلاقك كذا ومافي شي عاجبك ورحت زعلانه منه عند اولادي في الغرفه-جاء عندي وتكلم ويتامر علي قمت طلعت من الغرفه عشان اولادي ورحت المطبخ وتكلمت وقلت اللي في قلبي لحقني لين المطبخ وصفعني كف قلت له لاتمد يدك قال لاتردين علي وجلس يشدفي شعري ويضرب انا ساعتها قلت له طيب بسيطه على طول انفلتت يده في الضرب والسب وانا خلااااص قمت طلعت الصاله لحقني وجلس يضرب بكل قوته وبقول يالله قومي اشتغلي في البيت وانتي تبكين زي الخدامه عشان اذلك قلت مابقوم وعندت وطنشته قال قومي سوي غداء وانا ماارد ابكي ومااكتفى قام يضرب بكل قوته وكفوف وش راح سوى راح جاب الخيزرانه وهات ضرب وشد وعاالجدار بكل قوته انا اصيح باغلى صوتي التفت فيه وكف وربي الين الحين وجهي كله الوان حسيت وجهي بغى ينشل واذني ماحسيتها قلت اكيد فقدت سمعي ويسحبني حتى غرفة الغسيل يقول يالله غسلي ثوبي اللي غسلتيها ونظيفه ماابي ابي هذا عشان تكرفين وتنظربين والله يابنات اني ابكي وجسمي يرجف واصيح حسيت اني بجيني حاله نفسيه وخرج وخرجت لقيت ولدي الكبير عمره 5 سنوات جلس يسمع ويقفل اذانيه بيده لمن شفته انحرقت وظميته وقمت ادور جوالي بكلم ابوي يجي ياخذني لاني خلاص فقدت املي فيه اخذ الجوال وقال قومي سوي لي اكل ولا كانه سوى شي قمت وخليته لين اطمن شوي ورحت الغرفه لقيت جواله قمت دقيت على ابوي الساعه 8 بالليل وهوبعيد عني 400 كيلو قال ليش وش صار قلت انت تعال وتعرف قال بكره الصباح اجيك اعطيته عشاه وخرج انا من هنا رحت جهزت اغراضي ولمن شافها اختبص قال ماانتي خارجه مو بكيفك ولا كيف اهلك طنشته وانا اكن له كل كره في قلبي وجسمي كله ضروب والام ومكسر بلحيل اقدر اتحرك الله لايسامحه ان شاء الله شوفوا هذي مي اول مره قبل كذا يمكن من حوالي سنه ناديت عمي لين البيت وشرحت له الوضع قلت اذا عصب يضربني وتفاهم معاه عمي وقال لو عادها مره ثانيه كلميني وبس وجلس فتره بعدها تادب لانه يهاب ابوه بالمره وعمي جدا حقاني ولا يرضى علي ابد واهله كلهم يحبوني وعلاقتنا فوق الممتاز الحمدلله بادبي واخلاقي خليت له قدر وقيمه عند اهلي واهله- بس الا الاهانه والضرب -تصدقون مره سويت له لحم ومرق ورز ابيض لانه يحبه وحصل بيننا نقاش عالسفره تدرون وش سوى كب المرقه على وجهي وادخلت ركض عالحمام تحت الدش البارد نار حسيتها في قلبي والحمدلله مانحرق الا شي بسيط من صدري وعديتها له لو انعميت والا تشوهت وش بيفيدني والله انه مايستاهل جمالي واخلاقي- اكثر من كذا ايش- طبعا امس ابوي قبل لايجي دق عليه وانصدم الاخ على باله بعديها له زي كل مره قال له ابوي على اي اساس تمد يدك واذا بنتي تخطي عليك كلمني وجيبها انا اتفاهم معاها اذا انت ماتقدر تمسك اعصابك واذا ماتبغاها طلقها محد جبرك عليها اهانات وضرب انا ماارضاها لبنتي وانا الحين جاي اخذها دامك مابتقول اش بينكم ؟ وليش؟تدرون وش قال قال البيوت اسرار انا اخطيت ياعم وانا اعتذر ولك الحق اذا تبغاه اجيك وخذ الحق لين عندك وبنتك انا اجيبها لكن ياعمي الشيطان دخل بيننا مسويها انها اول مره لاني ماعمري اشتكيت لاهلي ويفكرونه ملائكه لانه طيب معي ومايقصر بس عيبه اذا عصب يمد يدهوهي عزيزه وغاليه ومن ذا الكلام قال ابوي لاتمد يدك عليها فاهم وهذي اخر مره لكن انا جاي اخذها لرغبتها قال لا ياعم اعطها مهله يمكن تهدا قال ابوي اشوف وسكر- انا كان ودي ابوي جاء وشاف وجهي وجسمي كيف مضرب والله مايصدق لكن هو عرف كيف يكسب ابوي- طبعا امي دقت علي قالت خلاص واقصري الشيطان ولازم المتزوجين يصير كذا بينهم قلت لا انا ابغاه يتادب هالمره بجيكم قالوا خلاص بكره ناخذك قالت امي اخاف تندمين لانه اعتذر- قلت ماعليه- جاء هو وجلس يعتذر ويترجى هو تعود كل مااعتذر مشيتها له وهالمره غير طفح الكيل على باله بارضى شين وقوي عين- وانا والله كارهته من كل قلبي ولا اكلمه مااقدر انسى اللي سواه عدو ماهو حبيب بكل قوته وحقده بغى يشوهني والله نفسي مكسوره وكارهته ولا قبلت اعتذاره وحقرته وقلت له انا كرهتك ولو علي كان خرجت بلا رجعه ولين الحين مااكلمه المكان اللي هو فيه اطلع منه صرت اشوفه عدو جهنم قدامي ودعيت عليه والله- بنات لاتلوموني ولااحد يقسى علي في الرد الله لايجعلكم تشوفون اللي شفته من ضرب وخصوصا اولادك يسمعون ويبكون اااااه من هذا الشعور- مدري وش اسوي ودي ارتاح ولو ادري ان الطلاق راحه طلبته اليوم قبل بكره الحمدلله اهلين مافي زيهم بس محتااااره عشان اولادي وفي نفس الوقت ماني قادره اشوفه وودي مايدخل البيت اكرهه اكرهه من كل قلبي؟؟ بالله لو انتوا مكاني وش سويتوا؟ وخصوصا لمن اشوف شكلي وجسمي ومااقدر انام ولا اجلس من الام الضرب حتى يده اكرها دعيت انها تنكسر ويتوب0هل اللي سويته صح لمن كلمت ابوي ؟ انا الحين مااكلمه ولا بارضى عليه ابد لان مو سهل انسى قساوته علي ولو مو خايف من اهلي واهله كان سوى فيني اكثر من كذا بس انا حاطه له حدود وفوق هذا ماسلمت؟