هذا ما حدث معي في الكوفي شوب !!!!!!!!!!

الدنيا صارت عجيبة كنت اول اسمع حكايات من بعض الناس واستغرب حدوثها وبعض الأحيان ما اصدق

لكن في دنيا العجايب ممكن تتوقع كل شي لأن( إن لم تستحي إصنع ماشئت )ّّّّّ!!!!!!!!!!!!!!!!كأني تفلسفت شوي:42:

صرت كل ما أطلع لازم يسر لي موقف إظاهر بيجي يوم نحرم نطلع


يوم الخميس انا وزوجي جالسين في الكوفي شوب وكاالعادة الجلسات إلي فيها سواتر ممتلئة فأظرينا نجلس في مكان مكشوف للعوائل

وحنا جالسين كأي زوجين نسولف إلا زوجي يتغير فجأة واشوفة منحرج وش فيك قال ابد بس في ناس ماعاد تستحي !!!!!!!!!!!

شكيت إن زوجي متضايق من البنات إلي وراي لأنة شال بنتي من العربانة وجلسها على الطاولة قدامة عشان يصد وجهة عنهم

لفيت وراي إلا ثلاث بنات جالسات وماغير يوزعون إبتسامات بايخة وحركات سخيفة مالها داعي يلعبون مع بنتي وينادونها لكن بنتي الطفلة إلي عمرها 4 سنوات طلعت اعقل منهم جالسة تاكل وتطالعهم بنص عين

قال زوجي وش رايك نطلع؟؟ قلت ماعليك منهم طالعين نستانس ويجون هالخمة يخربون علينا ؟؟


بعدها جلسنا نضحك على بنتي الصغيره عمرها 6شهور مجلسها ابوها على الطاولة وتحاول تاخذ الملعقة من يد أختها

فجأة وبدون إحم ولا دستور تجي وحدة من هاالخمام إلي وراي وتوقف عندنا على الطاولة وتسوي عمرها ميتة على بنتي (وااااااه ياقلبي عليها الله يخليها لكم بسم الله عليها)طبعاً كلامها
انا اطالع فيها قلت خير إن شاء الله
قالت ممكن ناخذ هالصغيرة شوي نلعب معاها
قلت :نعم؟؟ ليه بنتي معروضة للعب

قالت شدعوة شوي برجعها بس صديقاتي يبون يبوسونها ؟؟

زوجي وهو رجال انحرج ونزل راسة وقليلة الأدب هذي واقفة عنده وغصب تجر البنت من إيد زوجي ؟؟

عمركم شفتوا وقاحة وقلة ادب أكثر من كذا ؟؟

انا انصدمت من جرأتها وقلة أدبها قلت لو سمحتي بلاش لا تحرجن نفسك أكثر من كذا حنا ماشين ؟.؟

انا بإمكاني اهزأها وامسح فيها الأرض لكن مو حلوة في حق زوجي ولا في حق نفسي اتهاوش في مكان عام مع ناس ماعندها ذرة حياء ولأني فاهمه لعبتهم هالتعبانات ؟؟؟؟لأن شافوني مبسوطة انا وزوجي ونضحك ؟؟

يبوني اعصب واتهاوش واطول إلساني عشان زوجي يسكتني واتهاوش معه ونتزاعل وهم يستانسون






بس انا ماعطيتهم مجال بالعكس طلعت وانا اضحك مع زوجي بس عشان اقهرهم مع إن الغيرة حارقة قلبي


واول ماركبت السيارة عصبت على زوجي ليش مارديت عليها قال: (وش اقول انا انصدمت منها وهي تجر البنت من يدي !!!!!!!!!!!خليت الموضوع لك ماحبيت اتدخل ثم تقلبين علي )


هذا الموقف وانتم احكموا ؟؟

وش رايكم فها الصايعات إلي مالهم لاولي ولا رقيب ؟واصبحوا منتشرين بكثرة وصار كل همهم لفت إنتباة الرجل المتزوج ؟؟

وماهو التصرف السليم إلي ممكن تتصرفينة معهم
بدون صراخ وهواش ؟؟؟؟