الاعتراف بالحق فضيله
قبل ما اشوف برنامج خواطر كنت لمى اطلع بر بعد ما نخلص من الكشته الم كل شي بكيس زباله واتركه في البر
طبعا اتركه وانا واثقه انو لا بلديه بتشيله ولا هم يحزنون يعني هذا الكيس مصيره بيتقطع من ثاني يوم من الشمس
بعد حلقه شفتها عن مجموعه شباب يابانيين طالعين في منتزه واحد منهم طاح منه كيس البطاطس ولمه كله وقطه بزباله فساله احمد ليه لميته
قاله مثل ما انا جيت هذا المكان وحبيت المناظر الي فيه ابي احافظ عليه على شان غيري برضوا يستمتع بهذا المنظر >>> بما معنى الحوار ههههه
قلت هذا هو دينا حب لاخيك ما تحب لنفسك
وصرت الان احرص في اي مكان عام او في البر اني ارمي كل شي في كيس واخذه معاي في السياره واقطه بزباله وغرست في عيالي نفس هذا المبدا
برضوا من الاشياء الي استفدتها من خواطر 7 اسلوب التعليم عند الغرب وكانت الفكره انو مدرسة الرياضيات جايبه عجين يشكلونه الطلاب وجايبه قطع نقديه وهم يشكلون هذا العجين وبعدين يبداون يبيعونه على بعض
وبكذا راح تعلمهم كيفية البيع وشراء وكيفية الحساب من جمع وضرب وقسمه بطريقه مسليه
فناويه باذن الله راح اطبقها لعيالي واسوي ورشة عمل باذن الله
يلا وانتو وش استفدتوا من خواطر
الراسيه22 @alrasyh22
عضوة فعالة
يلزم عليك تسجيل الدخول أولًا لكتابة تعليق.
فديت شوشه ميمتي
•
والله البرنامج مررررررررررررا مفيد......الله يجزاه خير
الصفحة الأخيرة