هذا ما قاله لصديقتي بعد فسخ الخطوبة!!

سلام بنات كيفكم ؟ نشالله تكونو تمام *-*
اخش في الموضوع على طوول
انا كنت بدرس بكلية وكان بيدرس معي بنفس الصف شب كثير مهضوم وكان بيناتنا حب من طرف واحد لأني انا كنت كثير معجبة فيه بس خليت هالشي بيني وبين حالي لحتا اجى لوقت لي هو كمان اعترف بحبو وخطبني بعدها بدت المشاكل وانا الله يسامحني خنقتو بالغيرة والشك الزايد لدرجة انو كنت بغار عليه من رفيقتي المقربة لأنو في يوم سألني عنها وانا كثير زعلت وصار بيننا مشاكل حتى فسخ الخطوبة وراح كل حدا في طريقو بعدين تعرف عليا شب وصمم انو يتقدم لخطبتي وانا ماقبلت لاني كنت لساتني متعلقة بخطيبي القديم ومابعرف كيف وصل هاذ الحكي لخطيبي السابق وصا بيفكر انو انا في علاقة مع هذا الشب .. بعدها بأيام سمعت انو ناوي يدخل في علاقة مع رفيقتي المقربة جداا (لي كنت بغار عليه منها) وانا كثير زعلت وبنفس الوقت اتصدمت لانو مالقى غير صديقتي وهو بيعرف انو 24 ساعة مع بعض وطبعا هي رفضت بحجة انو كان خطيبي ومابيصير تدخل في علاقة مع حدا رفيقتها كانت بتحبو راح هو قاللها انو انا لي كنت بلاحقو ومن اليوم الأول كان حاطط عينو عليها وانا لي تدخلت بيناتهم وانو هو مابيحبني أبدا ومو عاجبو ولا شي فيني (انا مو بهذاك القدر من الجمال) عنجد زعلت كثير من الهحكي وحبيت بس اشكيلكم اسفة اذا طولت عليكم بس بدي اسئلكم ليش عم بيسوي هيك ؟ وبرأيكم عنجد ماحبني وكان بيحب رفيقتي من اول يوم ؟