هذا ما يحدث لابنتي بسبب سورة الجن .. وهذه قصتها

يا اخواتي

عندي بنت صغيرة جاها السكر قبل اربع سنوات تقريبا واكيد تعرفون عنها لاني دايما اكتب عنها

المهم قبل خمسة شهور تقريبا اخذوا بالمدرسة سورة الجن وتعبت بنتي خلال تلك الفترة

يعني اول ماتبدا المعلمة تقرا يوجعها بطنها وتخرج من الفصل فورا وتجي عندي لاني معاها بالمدرسة

واذا خلصت حصة القران رجعت فصلها مع انها ماعمرها طلعت ولا في اي حصة بس حصص سورة الجن

نجي لللبيت لمن ابدأ اقرئ البنت في السورة لانها ما تقدر تحضرها بالفصل تجيها حالة تثاؤب قوية لدرجة

احس فمها بيتفكك وكمان تبدا تمد ارجولها بقوة طبعا بطنها يوجعها وماقدرت تقراها

والمعلمة تبغى تقيمها قلت لها قيمي البنت في اي سورة وحطي لها في سورة الجن اربعة عادي جدا بنتي ماتقدر ابدا تقراها

وفي تلك الفترة اللي كنت احاول اعلمها السورة او تسمع اجزاء منها بالفصل كانت البنت بس مريضة واغلب وقتها

طايحة وبطنها يوجعها دايما اتعبتني معاها جدا وتعبت لدرجة انها ماتقدر تسوي بول في الحمام

وكمان الان في بعض السور اللي اعلمها فيها هناك ايات تتعبها جدا وليس كل السورة فقط ايات معينة

الله يوفقكم اللي تعرف حالة مثل حالتها وا قد سمعت شي زي كذا تخبرني

لاني وديتها عند واحدة وقرات عليها ايات الرقية عدة مرات وما صار لها شي وقالت بنتك سليمة مافيها الا مرض عضوي

وكمان اشغل لها ايات الرقية واشغل لها سورة البقرة ومايصير لها شي والحمد لله

واتذكر لمن كنا في البيت السابق طبعا البيت كان مسكون وكان فيه بنت تشبهها نسخة منها دايما اشوفها

واقسم بالله وحتى واحدة من الشغالات كانت تشوفها زي بنتي ونفس عمرها بس نقلنا من البيت من زمان هل من الممكن

تكون اذتها ؟

بالله عليكم اللي يعرف شي عن حالتها هذي يقول لي وعذرا على الاطالة