هذا مجنون ولا شكاك ولا مريض وش ذا العالم

مساء الخير بنات ..
اه يابنات احس نار ف قلبي ،
خلصنا من سالفة ام زوجي وبنفتح موضوع جديد اللي هو زوجي
زوجي انسان شكاك احسه احياناً فيه انفصام شخصيه لانه تجي فتره يحطني افضل حرمه واكشخ وحده واجمل وحده ويوم يجي يشك فيني يقول انتي تكلمين شباب ؟ انتي تطلعين ؟
ومره من المرات قومني من سريري اخذني مجلس الرجال ويصارخ علي يقول انتي تكلمين بس من تكلمين ؟!! اقوله ماكلم يامسلم هذا جوالي خذه اسبوع معك شف احد يكلمني ولالا رفض ياخذ الجوال والا انتي اعترفي وتكلمي .. عنبوك يالمهبول صدق ، يعني لو بكلم عطيتك جوالي المهم ومن بعدها من بكرا سويت عمليه وكرهته يابنات حرفياً كرهته ولا لي خلقه كنت اتمنى يطس عن وجهي وانا بقسم التنويم انتظر عمليتي وطلع ياربي لك الحمد طس وجاب لي ورد كبير مكتوب الحمدلله ع سلامتك حبيبتي كنت اتمنى ان هالورد يصلح اللي سواه امس تشكرت له وقلت خلني امشي له مو عشانه .. لا عشان يومي مايخرب وابي اروق وتعبانه مالي خلق مشاكل .. المهم خلصت العمليه وطلعت بيتي وحطني فوق راسه وانتي الحبيبه والكل ف الكل ومن هالكلام ..
بعدها صار الطلاق بعدها رجعني تقريباً لي شهرين راجعه الحين .. يابنات امس جيت من اهلي و لقيت البيت حوسه وقلت جايب احد انت للبيت؟ قال ايه ولد عمي قلت طيب انا ضاقت فيني الوسيعه عقب هالكلام لان انا اعرف ان ولد عمه هذا مدمن حشيش وزوجي يتعاطى معاه اذا جاء ( زوجي ماعنده ماديه ابداً يشتري واذا جاء احد من عيال عمه اللي يتعاطون جابه في البيت ويتعاطون مع بعض )
المهم الشوق اللي كان له بررررد ضاقت الدنيا فيني جايب الولد يتعاطى بالشقه والعماره فيها ناس 😭 .. وش بيقولون عني العالم مرت المدمن مرت الداشر اااه بس
المهم واليوم يوم صحيت من النوم ورحت اتوضى بصلي جاء عندي وجاب قرآن قال احلفي انك مانمتي مع احد !!!!!!!! نعم؟؟؟؟؟؟ المهم اني كنت بسايسه بس وحلفت ع كل طلباته ( تحبيني ؟ ، مالمسك احد من اخذتك ؟ ، نسيت وش باقي ) ..
فقع قلبي يابنات احسه مجنون او متخلف عقلياً المهم قلت له كانك مو واثق فيني ليش ترجعني من بيت ابوي ! قال عشان البنت مابغيت اناقشه سكت وسفهته المجنون والحين بقول لامي وبشوف وش بتقول لي ، ي بنات مخي والله العظيم انه مايطلع ردود من كثر الصدمه عجزت ارد عليه من كثر ماني مصدومه من التفكير الزباله