هذا مهرك وبما انا تكرمنا واخذناك لولدنا هذي طلباتنا ملزومة بتنفيذها!!!

الأسرة والمجتمع

بنات ايش قصة شماعة العادات والتقاليد اللي بترجعنا لورا اكتشفت فعلا انه المرأة هي عدوة المرأة امس كانت صديقتي عندي وقالت لي كلام عجيب بالنسبة للمجتمع وسمعت وشفت ناس كثير بدأت تقلب الموازيين يعني بعض القبائل تفرض فيها النساء يعني لاحظوا مو شيخ القبيلة لا النساء هي اللي تفرض هالعادات الغريبة ...

واللي من ضمنها اصبح الآن غرفة النوم على العروسة !!!! من متى ؟

ومهرها يادوب يكفي 50 الف ويطالبوا بخفض المهور ولحد هنا احنا تمام لكن تجي بعد الملكة ام العريس او اهله وتأكدت من هذا الكلام بنفسي يفرضوا على العروسة المسكينة تجيب سلسلة ذهب او قلادة لا تقل قيمتها بسعر الذهب الحالي عن 3000 وتصل الى 6000 ريال لام العريس تلبسها العروسة وقت الزفة وفوق الكوشة وكأنها تتشكر وتبوس الايادي لانهم خطبوها وما تركوها معلقة عند اهلها ؟وفوق هذا تعطي اذا عنده اخوات او خالات كل وحدة 500 ريال وفي الكوشة نفسها ؟؟؟؟؟؟؟؟............ طيب اذا العروسة اصبحت هي مسؤولة من دبشها تجيب شراشفها وبطاطينها غير لوزمها الشخصية غير الذهب اللي لو ما اشترته نلاقي المجتمع نفسه يسخر منها وينقص من قدرها لانها ما اشترت ذهب كثير او حتى ما اشترت نهائيا او اشترت وبعد شهرين باعه ابو الشباب ^^


بنات في الوقت اللي اغلبيتنا متعلمات وواعين لحقوق المرأة الشرعية واللي ما ننتظر احد يجي يعلمنا ايش حقوقنا لا من تلفزيون ولا غيره وعندنا كتاب الله وسنة رسوله علية افضل الصلاة والسلام ..... وتجي المرأة بقوانين ما انزل الله بها من سلطان !

هذا غير المشاكل بعد الزواج والشكاوي اهل العريس من العروس الجديدة ما سوت ما عملت مدلعة بس تتمشى وهو يمشيها ويخرجها ويوديها ويجيبلها طيب ايش المطلوب ما خذين ثلاثة ارباع مهرها ومستكثرين عليها تتنهى بحياتها ؟




انا ما اشوف المجتمع سوا شي غير انه حول كسوة ام العروسة لام العريس وكسوة اهل العروسة لاهل العريس ههههه بجد بنات شي يضحك يعني تلاقي اغلب الناس يقولك احنا لغينا المهور الغالية واحنا لغينا الكساوي ونجي نلاقيها ترجع للعريس واهله ...... صديقتي تقولي الان بعض قبائل الجنوب اصبحت تطالب بغرفة نوم من العروسة وذهب لام العريس امتنان وشكر لانهم خطبوها !!!!! والمهر يادوب 40 الى 50



اذا اردت ان تطاع فاطلب المستطاع والفتاة لا ترخص نفسها انا لما خطبنا لاخواني كنا نعامل زوجاتهم زي كانه وحدة منا انخطبت ما طالبنا لا بهدية ام العروسة ولا غرفة نوم ولا غيره مهرها لها فقط وما يدخل فيه اي شي يخص اهل العريس


لو انا ربي رزقني ولد باذن الله مستحيل اطالب عروسته بشي بالعكس افرح فيهااا واطير وانا ازيدهم من عندي
بس دعواتكم ربي يرزقني انا وزوجي الذرية الصالحة يا رب :42: .... ويكفينا شر الفتن ما ظهر منها وما بطن


وسلامتكم :26:
107
9K

يلزم عليك تسجيل الدخول أولًا لكتابة تعليق.

تسجيل دخول

قلــ دلوعة ـــبي
صح لسانك حبيبتي
فيه ناس كذا صح
بس فيه ناس العكس طيبين وحبيبين
ومحد يطالب العروس بشي
زينا احنا الحمدلله :)
المقاتلة
المقاتلة
عش امداً ترى عجباً
بساط الريح
بساط الريح
لاحول ولا قوة الا بالله
كنزية
كنزية
اوووووف ... زي عادات الهنود
البنت هي اللي تدفع كل شي .. حتى تشتري طقوم دهب لاخوات العريس
وعشان كدا مايحبوا ولادة البنات

الله يعينا
دفء الانوثه
دفء الانوثه
والله مدري وش اقول ذكرتيني بموقف مره كنا نتناقش انا وزميلاتي عن موا ضيع المهر وتجهيزالعروس وتفجات بان العروس عليهم الحفل والقاعه وتجهيزالبيت واسال كم المهر تقول 70 او 50 انصدمت وجلسة والله اضحك تدرين وش قالت لي اجل بتعنسين محد جاايك