موضوعك رهيب مع إني فتحت موضوع زيه قبل بس وحده اللي عطتني وجه.. :(

لاتخافين ماأحسدك.. بس أشوى إن البنات صاروا نشيطات..

عن نفسي:

استخدمت ماربرت ثقيلة ومش بطالة.. مع البودرة طبعاً..و يقولون طبية بس أحسهم كذابين..

واستخدمت سان لوران المضغوطة صراحه رهيبه..

وحالياً أساس نيفيا وماشي حاله..

بس برجع لسان لوران..

نمره.. كريم الأساس اللي حطيتيه بأول صورة وكاتبه جنبه للاستعمال اليومي من أي ماركة..
وياليت البنات يفيدونا بخصوص الأساس والمكياج المناسب للصباح..
:26: :26:

السلام عليكم يا أخواتي ،،،

بالنسبة لكريم الساس أنا أحب التغيير في الأنواع لأنه لما تتعود بشرتي على نوع يصير بعد مدة ما في تغيير في شكلي و حتى الألوان مرة أحط فاتح مرة بيج مرة برونزي ... المهم راح احط الأنواع إلي استخدمتهم على مر الزمان قصة طوييييييييييييييييييييييييلة .....

لما كنت في الجامعة كنت على طول استخدم كلينيك سواء سائل أوبودرة مضغوطة أو مضغوطة على كريمي وااايد زينة حق البنات الصغار إلي ما في بشرتهم عيوب وايد و التغطية حلوه وتحسين أن بشرتك قادرة تتنفس ...

و بعدين صرت استخدم ماركة شيسيدو نوع البودرة المضغوطة إلي لون العلبة أزرق تعمل بلوك لأشعة الشمس و نوعها ممتاز.

و استخدمت بعد كريم أساس من لانكوم ما ناسبني .... و استخدمت من ماك البودرة المضغوطة و السائل ما ناسبوني الصراحة بعد ....

استخدمت من لوريال كريم الأساس ممتاز الصراحة في فيتامين سي و وايد مفيد حق البشرة يعطيها نضارة و جربت نوع ثاني بالغلط طلع في ريتن A و قامت بشرتي تتقشر طلع حق إلي فوق الثلاثين يجدد خلايا البشرة بالإضافة لأنه فاونديشن .... بس فاونديشنات لوريال عموماً بكل أنواعها ممتازة

ألحين استخدم من ديور فاونديشن uydra move + البودرة المضغوطة من نفس الماركة وااايد زينين المستحضرين و خصوصاً الفاونديشن لأنه مرطب مع حماية مع ملون فضيع خصوصاً حق الصبح ....

ألحين لا خلصوا فاونديشنات ديور إلي عندي بشتري من ميك أب فور أفر بجربهم واايد يمدحونهم البنات في المنتدى....

بس الصراحة يا بنات أرخص أنواع الفاونديش إلي استخدمتها كانت من لوريال و أهي ماركة معروفة بس رخيصة و كويسة و الباقي كلهم من الماركات المعروفة و الغالية و ما جربت الأنواع الخربوطة إلي عند الهنود و الرخيصة جداً جداً لأن البشرة و نضارتها أهم عندي من الفلوس و أنصح كل وحده ما تشتري أنواع رخيصة تضر بشرتها على المدى البعيد ...

بس هذا إلي عندي تعبت وأنا أكتب .... نموره ترا بأزعل منك إذا ما مدحتيني


حبيبة :24:

السلام على طالبات الجمال ...



حكمة اليوم
استخدامات الاساس :
عزيزتي لكي الحريه الكامله في التصرف بكريمات الاساس

- للايام المريحه العمليه: لكي ان تمزجي كريم الاساس بكريمك المرطب بيعطيك
مستحضر ساحر لونا وملمسا .. حطي الكريم على راحة يدك و ضيفيله من اساسك ..
واذا كان اساسك برونز شوفي اللون الطبيعي كيف حلو .

فكره
ممكن تستخدمي اساس لانكوم ( touche liberte) البرونز الذهبي و تنقطين مع
كريمك اليومي ( & او ) اساسك اليومي و بيطلع لون ذهبي رائع .

للايام الرسميه والمناسبات : يفضل ان تمزجي لونين اساس اوو ثلاثه
و بتحصلين على اساس اكثر ثبات و لون جديد بيعجبك .


*************
ماشالله معلومات مكثفه, يبختها اللي تدور على
اساس .. مهيب ضايعه والفضل يعود لكن..


- جومانه .. هلا فيك
انا الحين مع نينا ريشي (وهو اللي نزل بلون واحد بس خوخي ) و احسه ينخلط مع اي شي تبين
والله لو ظل عيون هههه .... يمشي حاله بس هو خفيف فبالنسبه لي هو الانسب للصيف .

- الياسمين هلافيك و شكرا عالمعلومات ..

- غبت والشوق طول الف شكر عالمعلومات ..

- وردة جده هلا والله فيك ..

(بنات ما حستو فوتو جينك باهت شوي !!! ان استعملته مره واحسه يموت شكل
بشرتي ... مدري يمكن درجاتكم تختلف .. لكنه والحق يقال انه مستحظر ثابت و قوي .)

- ام صفيه هلا فيك يا عمري .... شكرا للمعلومات و العده اللي
فوق حطيتتها من avon ..

- هلووو شوكلاته ..

- paris اهلين وسهلين ..
- حبيبة امها .. كفيتو ووفيتوما شالله اشكال والوان
مستعملين والي ذكرتوه الحين امام الباحثات عن الاساس الافضل
و اكيد بيفيدهم ... وهذا هو الهدف

تحياتي لكم ..

الاخت نمره الله يخليكي على هالموضوع الرائع جدا واتمنى انه يتثبت لانه في غاية الاهميه
وكانك حاسه فيني انا ادور على المكياج من والى لاني حامل وادوات المكياج عندي قربت تخلص وماسكه نفسي لحد مااولد بالسلامه ان شالله لاكن ماكأنك بديتي بالأساس قبل خافي العيوب ولا بيجي دوره عالعموم ماقصرتي

حابه اسأل الأخت غبت والشوق طول ياريت تكتبين اسم الاساس الي تستخدمينه بالكامل ورقمه الله لايهينك

مرحبا متفائله ..

الله يسهل عليك وتولدين بالسلامه حبيبتي :21:

بنجمع حلقة الكونسيلر و الباودر انشالله قريبا :42:

تحياتي لك ...