هذا وانا رايحه اقوم بالواجب؟؟؟ناس نفسيات استغفر الله بس

السلام عليكم


كيفكم بنات
كل عام وانتم بخير

مدري بس اليوم حصل موقف ماله داعي من حماتي

ولدها منوم في المستشفى وطلعت بس ساعتين عند اهل زوجي
علشان تغيير الجو للطفل لانه مطول
المهم جاء زوجي وقاللي انها عند اهله يبيني اروح اتحمدلها بسلامة ولدها
وانا اصلا كنت كارهه الروحه لهم وهي موجوده
وبعدين عندي 50شغله في راسي بحج ان شاء الله وقاعده اجهز وغير كذا بالي مشغول
على عيالي اذا تركتهم
المهم رحت وانا اجامل علشان زوجي ولا هي اخلاقها شرسه ونفسيه احيان تنقلب عليك بدون سبب
وسلمت وتحمدت لها بالسلامه
وجلست اسولف مع ام زوجي وسألتها ماجهزت شي للحج قالت لاوالله مارحت قلت لاتروحين بعيد
السوق اللي هنا فيه بسطات حريم وعندهم كل اللي تحتاجينه
قالت زين والله المهم حماتي خشت عرض قالت يومنك سافطه لخالتك وراك ماشريتي لها ليش تعلمينها
قلت انا رحت كذا ماخذت معي غير اللي يكفي اغراضي
وسكت ام زوجي من دقتها هذي
بس من جد سخيفه ومال كلامها داعي

بس صراحه وكلامها اوقح منها
مدري وش دخلها عاد هي من زين اخلاقها معهم علشان تجي تطقطق علي وتفلسف

سبحان الله كنت متجنبه الروحه لهم وكارهتها بس قلت اقوم بالواجب
لكن ماستحت ولا قدرتني يوم قمت بواجبها
فعلا بعض الناس يضيع فيهم السنع:09:


استغفر الله العظيم واتوب اليه